تعليق::خلطة ام اسراء لفرد الشعر(( نفس الشي والا لا)) /قديم

(( بسم الله الرحمن الرحيم ))

حبيت أعلق على خلطة(( أم اسرا ))لفرد الشعر .........................

في الحقيقه استخدمها كثير من قريباتي ناس مجربينها من 5 سنوات ومن سنتين وسنه ومن شهرين واخر وحده من أسبوع والصراحه ماني عارفه اللي من 5 سنوات من وين جابت الطريقه المهم ..................
وماني عارفه أذا كانت نفس خلطة أم اسراء والا لا
الخلطه هي
1 - نصف كيلو عفص (يقلى اويحمر في الزيت كأنك تقلين بطاطس لحد مايشقر ))وبعدما يبرد اطحنيه جيدا مثل الدقيق
2 - ثمن كيلو حديده (ايضا تطحن جيدا)
3 - 3 ملاعق كبيره حنا
4 - 2 ملعقه كبيره ملح ناعم
5 - 2 ملعقه كبيره مسمار(قرنفل)ايضا مطحون

الطريقه ............
نخلط جميع المقادير السابقه مع بعض ونعجنها بالماء (نفس طريقة عجن الحناء)
ثم نستشور الشعر جيداو نضع الخلطه عليها لمدة 24 ساعه ونضع على الشعر كيس ولازم يكون الشعر على طوله يعني ماتلفينه اوترفعينه من تحت ,,,,,,,,المهم انه راح ينشف ويكون مثل الجبس أو الخشبه المتصلبه( عادي ) وبعد ماتغسلينه حطي عليه أي زيت علشان يرطب الشعر وينزل بقايا الخلطه وبتلاحضين أنه في البدايه راح يكون ناشف وبعد كل غسله راح ينعم زياده لحد ماتشوفين نتيجه تبهرك ((على فكره راح يكون الشعر اسود بمعنى الكلمه أما اللمعه فتختلف ))

معلومه .................
الكميه المذكوره نقسمها الى جزئين ونضع جزء قبل أضافة الماء في الثلاجه لأنه يخرب والجزء الثاني نعجنه ونستخدمه والكميه المعجونه تكفي لشعر متوسط الطول والكثافه ((يعني تحت الكتف بشوي ))

النتائج...................
بصراحه جربتها أختي وشعرها متوسط النعومه( من شهرين )
وجربتها خالتي وبنت خالي وأخت زوجي وكلهم شعورهم تميل للخشونه (ناس من سنه وناس منشهرين )
وجربوه بنات العم وشعورهم خشنه (وحده منسنتين ووحده من سنه )
وأخيرا جربناها على طفلتين في العائله (سنتين ونص) من شهر

وبصراحه كلهم منبهرين من النتائج واللي عطيتهم الوصفه دعولي وقالو شعر جذاب بلا عذاب
وامس طلبتها مني وحده (الطلب عليها شي عجيب )

وبصراحه مأدري عن سلبيات الخلطه لاكن ماسمعت أحد منهم أشتكى حتى الأن واللي تقدر تتصل على جابر القحطاني الأسبوع الجاي وتسئله تكون نفعتنا وجزاها الله خير

هذا والله أعلم