تعليم أبنتي الحمام تعبت

السلام عليكم ورحمة الله وبركاته

بنتي سالفتها طويله الأن هي دخلت خمس سنوات وقبل رمضان بشهر شلت الحفاظه وصرت أعلمها على الحمام خليتها مره عمداً تتبول على نفسها علشان تدري أن هذا خطأ ولازم نروح حمام فهمت أنها ما تتبول على نفسها فصارت أيش تسوي تمسك نفسها تحسر عمرها لين أنا أوديها الحمام وتفرغ يعني لو ما جيتها ووديتها بنفسي للحمام ماراح تطلبه وحتى توصخ على نفسها عجزت أفهمها تسوي هذا كله بالحمام تخيلو لنا الحين شهر رمضان كله والحين شوال عجزت فيها ماتطلب الحمام أنا أقول حمام وأوديها حتى مرات تصيح وتعاند تروح جيبو الحفاظه أنا رافضة الحفاظه
السبب بنتي إلى الأن لم تتكلم بس تنطق كلمات مفرده يعني ماتكون جمل ولا تخربط بكلام غير مفهوم أحترنا فيها ما أدري هل هي طفله توحديه أم طبييعيه ومافيها شيء
الفهم تفهم الحمد لله لكن مشكلتي الكلام وعدم الإختلاط بالأطفال لأنها مو متعوده عليهم لأنها الوحيده لي فعاشت في بيت الكل فيه كبير

والمشكله الكببيره عندي تردد الكلام معي يعني أقول لها قولي بروح أنام تقول نفس الكلام هي إذا طلبت النوم تقولي تبين تنامين يعني قومي بنام ووديتها مركز لتخاطب يعني تحسنت عرفت الألوان والحيوانات الحمد لله صار تقدم كبير بس عندي المخاطبه

وهي تطلب الأطفال بأسمائهم فلان وفلان وأوديها لهم بس ما تتفاعل معهم باللعب تناظرهم بس من بعيد وتعرف تسمي الناس ألي تعرفهم وتقول ماما تناديني لو ماشافتني حولها وبابا بسسس
أحترت في هالحاله والروضه ماتنضبط فيها فالته تلعب ولا تدخل الفصل معهم أحترت أحد يعرف يقولي كيف أتعامل معها عنيده مره وتحب تصارخ بدون دموع صراخ حتى لو تطلب شيء وما نفذ لها

هل هي تحتاج لمدارس رعايه خاصه أم روضه عاديه هي في روضه عاديه سنتين ولا أستفدت شيء
عرضتها على دكتور مشهور بالرياض قال عندها فرط حركه