تعليم الحمام

السلام عليكم
بنتي تعلمت واعتمدت الحمام من عمر سنتين و4شهور
بس انا من قبل لاتكمل السنتين وانا احاول فيها
واللي تعلمته انا من تعليم بنتي للحمام
انه :
1/ انتظري لين يجي الصيف وعلميها لأنه راح تبلل ملابسها احيانا فتبرد اوتتعب من تغيير الملابس كل شوي فتصتصعب الامر وتكرهه
فتعليمها بالشتاء مو زين متعب لك ولها بسبب البرد وتغييير الملابس كل شوي
2/ اشتريلها نونو (مرحاض) تجلس فيه لا بغت الحمام وحاولي اذا جيتي تعلميها انه ماتطلعي من البيت فترة اسبوعين اقل شي ..
3/ ابدا ماترجعي تلبسيها البامبرز او الحفاظ وانت تعلميها للحمام عشان ماتختلط الامور عليها وهي تتعلم الحمام
وهذي النقطة مرتبطة باللي قبلها انه ماتطلعي من البيت ..
4/ اسئليها كل شوي اذا تبي الحمام وكرري عليها السؤال وبحنان وابدا ماتعصبي عليها او تجيبي السؤال بصيغة امر
فتقولي لها مثلا (حبيبتي يالله نروح للحمام ) او (ماما تبين الحمام ) او اي شي من هالكلام عشان تكون روحة الحمام مرغوبة عندها
وهي تطلبها منك بعدين .
5/ اذا طلبت الحمام على طول روحي معها واتركي اي شئ بأيدك لحظتها ..
6/ راح يكون اعزك الله والقارئات البول اسهل عليها من التبرز اللي راح تخاف تسويه واحيانا تمنع نفسها من الخوف فيصير عندها امساك عشان كذا حاولي تساعديها ووتشجعيها بكلمات محفزة ..

طولت الكلام ............ من زود الخبرة ____ الله والخبره كلها تعليم بنوته وحده
هذا اللي عندي حبيت افيدك فيه
وتقبلي اطالتي ومروري الثقيل
تحياتي
ضيونة قطر

انا من خلال سؤالي عن هالموضوع ان افضل عمرللحمام سنتين و6شهور
صديقتي تقول شرت لبنتها نعال صغيرخاص بالحمام وانها مارست دخول الحمام مع بنتها وصارت بالليل تحط مفرش قديم تنام عليه وبعداسبوع تعودت
بالاضافة لمرحاض شكله مميز ويختاره الطفل بنفسه

انا بنتي عمرها سنتين 8شهور ابي الشتاء يخلص وببداء اعلمها
شايله همها شلون بعلمها متصابعه تعليم الحمام