تعليم الحمام

ابدئي من ٣ ونص
كل ساعة ونص انتي بنفسك وديه الحمام او ساعتين
لاتلبسية الا وقت النوم
كذا شوي شوي يصير يحس لو يبغا الحمام هو يروح

لما تعلمين الطفل على الحمام الأفضل وقت الصيف
وأقطعي الحفاظات وخذيه كل نص ساعه للمرحاض وزيدي المده على شوي شوي
وبأذن الله يتعلم بعدها كيف ينظف نفسه


ولا تشيلين هم بالعكس بعض الأطفال يتعلم في أسبوع لما يحس بالنظافه


الله يقويك ولا تنسين الهدايا للبطل💙

ماتخافي كنت مثلك خاااااااايفة وجربت وعمر بنتي سنتين ونص بس بسرررررعة تعلمت اول يوم تعبت معها وثاني خف التعب وبعدين خلاص تعلمت بسهولة
الككة🙊 تعبتها كثييير شهر كامل اعلمها
لانه تخاف منهاا

سلمت يداك ردك موفق

تعليم الحمام يبي له صبر
في علامات بيولوجية لطفلك علشان تعرفين انه مستعد للتعليم
في الليل تكرمين اذا حفاضته ناشفه جسمه متهيء
مع ان كثير اطفال في الليل يلبسون الحفاض لعمر بعد الحمام


ابتدي معاه بقصص دوري في قوقل او مقاطع يوتيوب ،
و شرحي له ايش يعني التعليم عالحمام وليش نتعلم عليه
القصص تأثر في الاطفال وتثبت في ذاكرتهم


اخذي لك استيكرات ، وسوي له لوحة قسم للصح وقسم للغلط
انا بنتي اول شي كانت تغلط وقت التعليم فسويت لها لوحة جداً جداً فادت وياها وحبنهااا حيل
خذت لوحة وقعدت اقص لها قصه ونرسم ونلون في نفس الوقت
جوحو"انفس اسم الطفل" النظيفة .. كانت شاطرة وتروح الحمام وريحتها حلوة وتتمشط وتحافظ على ملابسها نظيفه
وجوجو الغير نظيفه كانت تبلل ملابسها تأجل روحة الحمام و و و


طبعاً كنت اقص عليها واشرح بصوتي واصوات فكاهيه واتكلم عن احداث صارت ويانا على انها قصة ورسمت الرسمات بتفاصيل حلوه و واضحة
وعلقنا اللوحة على باب الحمام ، يلا جوجو النظيفه اذا سمعت الكلام بنحط لها ستيكر حلو ، واذا غلطت بنحط لها x
وصارت تتشجع تحط الستيكر وحتى الاكس 😂 بس مرات نتجاوز الاكس ونحط ستيكر للنظيفه من باب التشجيع
او شوفي اي شي يحبه ويأثر فيه حلاوة معينه لعبه تطلعينها له تكون مكافئه له
الطفل يحتاج ننزل لمستوى عقله علشان يستوعب المعلومة ويتقبلها


نقطه ثانيه وقت الي بتدخلينه الحمام وانتي شايلته سولفي معاه لعبي وياه حاولي تحتفظين بجزء من وقت اللعب الي قطعتيه عليه علشان يتعاون وياك لانهم يملون من التقطيع
بالنسبة للحفاظ اقطعيه نهائي افضل الا اذا اضطريتي في الليل للنوم
لان اذا مره تلبسينه مره تشيلينه وقت الي يلبسه يكسل يروح الحمام ويسوي فيها
كلامي ملخبط بس ان شاء الله اعطيتك نقاط تفيدك