تعليم الطفل الذهاب الى الحمام ،، شاركوا

السلام عليكم

مريومة على أبواب السنة ونصف وليها فترة تقريبا أكثر من شهر لما بتكون عاوزة الحمام بتأشرلي على منطقة الحفاض وأول ما بتعملها بتحط ايدها على فمها وبتقولي آب قال عيب يعني وبتحط ايدها على فمي عشان أعمل آب معاها :)

هالطريقة شجعتني أبدى معها بالتدريب على الحمام وأشتريت المقعد اللي بيتركب على كرسي الحمام وفعلا صرت أتركها بالفترة اللي منكون فيها بالبيت بلا حفاظ وبقولها ماما قولي نونو طبعا عملتني لعبة وكل شوي مجرجرتني ولا بتعمل شي بس مع الوقت أكيد رح تتعلم

ومن شوي كمان جرتني على المطبخ وتأشر على الأرض أول شي ما فهمت بس لما شفت بركة المي فهمت ورحت حممتها ولبستها حفاظها ونيمتها

برأيكم قديش ممكن تاخذ وقت لتتعلم ؟؟ واللي نا وية تبدى يالله أبدي معي وومنتابع التطورات مع بعض :)