اختي أنا قد شفت الكلوت في الهرم ورخيص خذي منه كثير ولدعي لي تكفين الله يريح بالي

انا من تجربتي السابقة في بنتي ..وتعويدها على الحمام كنت بالشهر السابع من الحمل وانا وياها كل يوم .. تعبت معها .... وكل المجهود ..ولا عندك احد ..وحماسي كله قبل ما اولد ولدي عشان تعرفون ما ابي وقت النفاس اغير لطفلين ..ولا نفع اي طريقة معها ترغيب ترهيب .. على كل دخلت حمام وتساويها لها حلاوة ومن هالكلام .مع انها كانت تتكلم بس ..ما اعتقد مستوعبه الفكرة .. رجعنا للحفاظ تعرفون الحمل والتعب..بس من بعد النفاس ..وانا عند اهلي ..شافت بنات اخوي اكبر منها ..شافتهم يقطعون لعبهم ويرحون للحمام ومن هالكلام ..رجعت لبيتي قالت خلاص مامي انا صرت كبيرة ما ابي حفوظة ...والحمد لله صح فيه الله يصلحها نسيان بس .. ما تعبتني مثل قبل ,,
بولدي هذا ..ولاحظوا عمره سنتين وخمسة اشهر ..ولا فكرت اعلمة الحين عارقين ليه لانه ولا هوب مستوعب فكرة وش يصير له وقت الاخراج ..مع اني لي تقريبا اسبوعين ادخله للحمام .(.تكرمون )...واقول سوي بوله .. ويسمع اخته تقول ابسوي بوله ومن هالكلام ...
اخر شي ..فهمت انه اذا قال بوله يقصد به الشطاف ..مرة دخلته وانا فرحنه قلت شكلة بيصير احسن من اختة ولا جاب خبر اخذ الشطاف ولعب فية وقلبها سبوح ..

الزبدة<<<<اجل وش اللي قبل ...
لا تعلمين طفلك الا اذاالنمو المعنوي اوكية .. لان بتعليمكم بدري .. ماراح تتحملون اخطائهم ..فا بيبدا العقاب معه .وهو اصلا مو مستوعب اللي تطلبين منه .وبيرجع عليه سلبيا ..
حتى اذا فهم هالشي صدقوني ...بيقدرون يتحكمون بنفسهم . حتى بالليل ماتتعبين معاهم ابدا .

الله يعين انا بنتي عمرها سنتين و10 شهور عجوز :hahaha:
لها اسبوعين من بديت اعلمها على الحمام والحمد الله تمام تصير اخطاء بس قليل لكن اكثر حاجه تعبتني فيها البراز الله يكرمكم كانت رافضه تسويه في الحمام وكانت تخاف وتشد نفسها وإذا طلعت من الحام تسويه في ملابسها:icon33: صبرت يوم يومين مافيه فايده جربت لها
تحاميل الجلسرين طبعا" حطيتلها التحميله ودخلتها الحمام على طول في البدايه خايفه وتشد نفسها وتبكي لكن
تبرزة في الحمام ولما شافته صارت تضحك ومبسوطه وتقول سويته ياماما وتنادي ابوها واخوانها توريهم
ياعمري مو مصدقه وبعدها الحمد الله انحلت العقده
في الليل البسها كلوتات بيبي جوي لكن بعد ماتنام
واوديها الحمام مرتين في الليل وتسويها وغالبا" تصحى والحفاظ نظيف ماشاء الله تبارك الله
على فكره بنتي رفضة النونيه والقاعده الي تنحط على الكرسي و تجلس على كرسي التواليت مثلنا
ياحبي لها مسويه روحها كبيره
وإذا قلت لها اجلسي على النونيه تقول لا حق النونو انا بكيره تقصد كبيره

انا والله ياجماعة تعبانة من بنتي الله يصلحها ساعات احس مافي احسن منها وساعات تجنيني امل والبسها الحفاظ لانها حاستلي البيت وهي عمرها سنتين وشهرين الان لي شهر ونص وانا احاول بس احس ماني قادرة مرات تقولي غييريلي ماما قبل ماتعمل الاوشو الله يكرمكم ومرات بعد ماتعملو لكن تخاف تتبرز الله يكرمكم الا في الحفاظ تخاف من النونية والحمام مرة بس الي عملتها لما كنت عند الوالدة والله احس انة انا ام ماني كويسة وماانفع اكون ام انا كنت وحيدة لما كنت عند امي بس هذا مو عذر وانا كمان عندي طفلة صغيرة حاسة اني حا انجن وكثير اعصب عليها وبعدين اندم وانا والله احبها مابغاها تتعقد ساعدوني

اليوم اول يوم لولدي اعلمه والي الان الامور مستتبه الحمدالله بس مو راضي يعمل الكبيره في التواليت بس قولت مو مشكله هذا اول يوم وهي فتره نتعب فيها وبعدين نرتاح ان شاء الله