تعليم الطفل على الحمام بالغربه

هلا اختي
والله انا بنتي علمتها الحمام لما كانت بنفس عمر ولدك
صح في البدايه تعبتني شوي وكانت تعمل البول الله يكرمك على حالها لانه ما تقول الا اذا خلاص كانت واصله حدها
المهم ياخذ وقت الموضوع تقريبا شهر بس شوي شوي راح يتعلم اهم شئ اذا عملها على حاله لاتهاوشينه او تقولين له انت غبي او شئ من كذا عشان لا يتعقد ومع الوقت راح يتعلم بس اصبري شوي
بالنسبه للحاضنه ما عنهم مشكله بس انتي تجيبي له حفايظ كل يوم
اتمنى اكون افدتك

صح نسيت اقولك اذا كان له عيال عم او خال ويغار منهم قولي له شوف فلان كبير يروح للحمام ما يلبس حفاظه ممكن يستجيب اسرع
هذه الحركه مشت مع بنتي -مدري يمكن البنات بطبعهم غيورين ههههههه

هلا فيكي اختي انا اتوقع انك تاخرتي شوي لان الطفل من سن سنتين وخمس شهور يصير يستوعب الحمام ويقدر يمسك نفسه
بس انتي حاليا خليه بدون حفاظ وكل عشر دقايق لاتنتظرينه يتكلم وديه وشجعيه وعطيه هديه بسكوت او حلوى بس الاهم انك
تعرفينه انه سوى شي اعجبك وهيه يبغالك اسبوعين كامله وانتي الي توقتين له بعد كذا يصير هوه الي يقول يبغا الحمام
وعاد انا اقول احسن لك عشان ترتاحين من الحفاظات والهم

أهلين أختي أنا علمت بنتي على الحمام نفس عمر ولدك ...صح أنك تتعبين شوي بس يبيلك تستمرين معاه وتشجعينه ...في كرسي بالول مارت خاص للأطفال يجي عليه رسوم كرتون أنا اشتريتله لبنتي وأستانست عليه وكنت أخليها تجلس بالحمام وتصدف أحيانا انها تسوي شي وكنت أشجعها وأصفقلها وذاك اليوم كلنا مستانسين وأبوها كان يقوله اذا رحتي للحمام أوديك بالسياره وفعلا كانت تحس بالأهتمام من الجهتين والتحفيز ...وكانت أحيانا تعملها على نفسها وتستحي وكنت أقولها لو رحتي للحمام ما توصخت ملابسك ,,,يعني أهم شي تواصلين معاه دايم وتكررين عليها كل شوي ماما تبي الحمام ...الى حد مايفهم انه اذا حس بشي على طول للحمام ...والله يعينك عليه يبي طولة بال شوي ,,,صراحه أنا هذي تجربتي مع بنت عساك تستفيدين منها ...
تحياتي لك ...

سبحان الله الطفل الاول لازم اطول في كل شي بس الطفل الثاني بسرعه يتعلم حتى اقل من السنتين يبدا يتعلم من ناحية الحظانه راح اتساعده اكثير عشان يتعلم بس لما تجينهم فهميهم انه في مرحلة تعليم الحمام حطي معاه كم بدله عشان ابدلون له لما اسويها في نفسه وهذا شي راح اقولولك عنه ولا اروح لهم وهو لابس افسخيها عنه وفي البيت بعد مايشرب او ياكل بربع ساعه وديه حتى لو يقول لك مافيه وديه لحد مايتعود ويعتمد على نفسه بعدين عمر ثلاث سنوات كبير يعني بسرعه يفهم ماراح اطول عليك وشي مهم بعد عند الطلعه لايلبس حفاظ