تعوا اسمعوا شو قالتلي حماتي ودعولي الله يصبرني

اخواتي من يومين صار مشكل عادي بيني وبين زوجي وانا بغربة كل اهلي مهاجرين واهل زوجي بس اللي هون المهم اثناء المشكل تلفن اخو زوجي وخبره زوجي انه في سوء تفاهم وكان معصب كتير راح اخو زوجي خبر امه بعدها بشوي دق الباب وشرفت حماتي وقالتلي شو حبيبتي ؟؟؟؟؟؟؟؟ شو عمللك هالـ........ كذا والله لافرجيه ياللا ضبي اغراضك وتعي معي ... انا شو خمنت انه بدا تنصفني وتاخد حقي وبكيت لان اهلي بعاد عني واترميت بحضنا كأنا امي وتركت زوجي ونزلت معا.... كنا عشية تاركتني نام وتاني يوم الصبح سألتني شو سبب المشكل خبرتا كل ياللي خمنته انا بحسن نيتي انه بدا تهدي الامور بعدين تتصل فيه تجيبه يصالحني ويبوس راسي .. تخيلوا شو كان الحل النهائي عندا؟؟؟؟؟؟؟؟؟؟؟؟؟؟؟؟؟ قالتلي نحنا مابنرضى نبهدل بنات الناس وخصوصا انك وحيدة هون لازم تتطلقوا وتاخدي كل حقوقك فاهمة يعني ايه حقوقك يعني مؤخرك وفوقه زيادة من عندي ( شو كريمة) وتركتني وراحت - بدي خبركن اخواتي ان مؤخري المكتوب بعقد الزواج هو 250 الف ليرة لبنانية اي ما يعادل 150 دةلار واللي منكن لبنانية بدا تموت من الضحك هلأ- بس للحق زوجي متفق معي انه حقي عنده امام الله 5000 دولار .... وانا ياللي كنت عشمانة تقف حدي وقتا اتطلعت بالسما وبكيت في صمت وقلت لله ما الي غيرك
طبعا حتلوموني انه خبرنا اهل زوجي بس والله هاي اول مرة وما كانت مقصودة
بس اخواتي بدي اسألكن هل كلمة الطلاق هالقد سهلة؟ طيب مش المفروض انه هيدا يكون اخر الحلول بحال اذا كان المشكل ما الو حل؟ مش المفروض يكون في محاولات كتير للصلح قبل النطق بكلمة الطلاق ياللي هو ابغض الحلال ؟ هل صح انه تعمل معي هيك وانا وحيدة واهلي بعيد؟ هي بتقول انه اذا عندها بنت ما بترضلها غير هيك !!!!! اخر القصة وصل زوجي قالتلوا شو بدك ؟ قالا بدي كرتي قالتلو لا معكن وقت 3 ايام تفكروا بس هي عندي انت ببيتك عارضها واصر وتدخل اخوه وقالو خد مرتك وروح واخدني ورجعنا بيتنا وصالحني بس شو عملت هي وانا بودعن ورايحة ؟؟؟؟ ما عطتني عين وبوستني بلا نفس وكأني فشلت كل احلامها ومشاريعها للطلاق
قلولي شو بدي اعمل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
خبروني اخوتي ما الي غير الله ثم انتم