تعودتو تتكلمون عن غيرة الحريم بالرغم من انكم تخضعون للغيرة من الرجال

السلام عليكم
بنات
تعودتو تتكلمون عن غيرة الحريم بالرغم من انكم تخضعون للغيرة من الرجال وماتحسون واعوذ بالله من غيرتهم
اخطر من الحريم
البعض طبعا مو الكل
شفتو جلسة الشباب مع بعضهم في الديوانيات والمجالس
عارفين وش يصير ؟
اذا الرجال نوى يتزوج .. لازم يجيه شخص
يدعي انه ينصحه ويبغى له الخير وووو
وصاحب النصيحه انسان تعيس في حياته .. وحياته فاشله جدا
يقول له يا فلان .. اذا تزوجت انتبه تكون خروف عند زوجتك (فاهمين قصدي)
المره ما تنعطى وجه ... ووووو ...
هذا الشخص في الواقع ، شخص ناقص ، وحاسد صاحبه الي راح يتزوج خايف تكون حياته افضل منه ، خايف انه يكون سعيد يبغى يسوي شيء يفسد الزواج
وبعض الشباب مع الاسف يأخذ المسمى بالنصيحه على محمل الجد ويطبق هالشيء على الزوجه المسكينه
مثل قصتي تمامااااااااااا
انا متزوجه من ست سنوات
وعندي عيال
وهالاشخاص مع الاسف في حياتنا عددهم كبير
منهم رجال ومنهم حريم واغلبهم اخوانه من الاب واخوانه من الام والاب وخواته
بداية زواجي ، زوجي معاي مافارقني ، يحبني مرتاح معاي
يمكن اسبوعين بس
يتصلون عليه يبون منه يطلع معاهم
وخواته ركزو علي يقولون له قاطع وتغيرت وووو
المهم صارو يحرجونا اذا شافونا طالعين مع بعض
اخوه يقول لي قدامه اعطيه الاذن يطلع معانه
واخته تقول مسحور
وبعض الاحيان يقولون له قاطع ومتغير
مع مرور الوقت تغير صار يستحي يحترمني قدامهم
او يعبرني بشي ويتعمد احراجي عشان يثبت لهم انه مو "خروف"
او يسوون مشاكل ويطلعني الغلطانه وفي البيت يتغير الكلام
كثرت روحاته لهم
وصرت اشوفه وقت الوجبه وقت النوم
رمى الدبله
وكثرت المشااااكل
صرت اذا اطلب شيء كأني طلبته من المريخ
واذا بغيته ياخذني اشتري غرض او شيء
اخته تطلب منه في نفس الوقت
واذا خبرها انه مرتبط بشغله مثل انه يوصلني
تزعل وتعصب وتبين له ان هي الاولى وووو..
كثرت المشاكل بشكل فضيع .. ماتنقضي حاجتي وصار مهمل تجاهي جدا
وفي كل مشكله يردد
يفول صدق فلان لما قال لا تطاوع الحريم ماينعطون وجه
ولي مواقف مع خواته كنت افضفض لهم اتوقعت انهم طيبين
يقولون قدامي كلام وقدامه يتغير الكلام
خصوصا اخته الكبيره
عاشت حياة فاشله وزوجها تركها وترك عيالها
وعانت وانظلمت
وربت عيالها بنفسها بدون مساعدة احد
والمشكله هالشيء صار في نفسيتها
صارت ماتحب تشوف احد من اخوانها مرتاح مع زوجته
كأنها تقول في داخلها شلون زوجة اخوي مرتاحه مع زوجها وانا لا
شلون يدللها شلون يدلعها مايصير هالشي
لاحظت انها تغار حتى من عيالي
لان عيالها انحرمو من اشياء كثيره
و
تسبب مشاكل
انا اشوفها تحرض اخوانها على زوجاتهم
وتأذيهم بالكلام و
تحرض زوجي وصلني الكلام من زوجة حماي كانت موجوده مع زوجها واخته وزوجي كان موجود
زوجة حماي تقول والله مو قصدي انقل لك كلام بس ابيك تحذرين ، اذا جا زوجك معصب خليك هادئة
وفعلا جاني وصارت مشكله وكنت باردة اعصاب ومضى اليوم على خير
وفي مره
تقول لي على مشكله تافهه صارت بيني وبين زوجي
هو خبرها (كان هدفه يبغاها تنصحني) وهو يسمع
قالت لي اذا مشتكي منك معناها مو مرتاح
واذا مو مرتاح بيتزوج عليك
واذا قرر يتزوج يطلع يلقى لنفسه مو بشرط اخته تشوف له وحده
وانا صرت في هم كبير وكنت اطول لساني
في كل مشكله الى ان صار بينا كره
ماكنت ادري ان في احد يغار لهالدرجه ومأثر فيه
هو ماعنده شخصيه واضح
بس كنت اظن طول الوقت انه منه
ماظنيت انه بسبب احد
وطلعو كثيرين
وقت المشاكل اذا قال صدق فلان
قال لاتطاوع الحريم
وقت الي يرضى .. اسأله عن هالشخص
يقول ينام بالسياره ولا يفكر ينام مع زوجته
عرفت انه انسان غيور وحياته فاشله ويسعى عشان يفسد حياتنا بعد
بنات ادري اللي ينكسر مايتصلح بسهوله لكن لو قدرت اصلح الي انكسر ماراح ترجع الامور افضل من السابق
صار بيننا كره دفين
لكني اقول انتبهو من الاشخاص
وان كانو موجودين في حياتكم .. حسنو علاقتكم مع ازواجكم واصبرووو لين رجالكم يميزون بينكم وبين المحيطين فيه ويفهم نياتهم ....
انا ماكنت ادري فيهم ولا فهمت وحسيت بنواياهم الا في وقت متأخر واثبتو صحة كلامهم بعد كثرة المشاكل
ادعو لي ربي يسخره لي ويهديه