http://forum.hawaaworld.com/showthread.php?t=2593507
http://forum.hawaaworld.com/showthread.php?t=2596422
الجــــزء الســـآابــع
عمري مافگرت فيگ وماخطر في البال حبگ
لين قلبي قال ابيگ وقالت عيوني احبگ
صرت عندي اغلى شي واغلى من نفسي علي
هند: اركبي ويانا ميثاني حبيبي دخيلج...؟
ميثه: امممممم ..لالا استحي من خلوووف لآ مابا...
هند: عن يكووون بس ... يالله عاد..
ميثه: انزييين تعالي انتي اركبي وياي...
هند: وخلوووف منو بيركب وياه...؟
ميثه: اممممم ماعرف والله ...
هند: اقووول اروح اشوف اغراضي احسن لي ... المهم نتلااقى اهناك ...يااااي ماصدق اخيرااا اميه خلتني اروح وياكم ... اطلع شوي من البيت يااااي...
ميثه: خخخخخ...يالله نطلع برع عن يروحوون عنا...
هند: ويت باخذ وياي كيس الهدايا عن انساهم...
ميثه: ياااويلج والله ان نسيتيهم ..
هند: ههههههه
يوم وصلنا برع ...باباتي قالنا انه خلف مايقدر ايي ويانا ...
هند: حرااااااااااااااام يعني مابسير وياكم .... اففففففففف
بو خالد: بلى بتين ويانا رمست امج وسمحتلنا انشلج ويانا ...
ربعت صوبي هنوده وتمينا نحضن بعض .....ياااااااااااااااااااااااااي... ركبنا السياره وكل واحد ف عالمه ....
بوخالد.... محمد آآآآه يا محمد ...شحالك ؟.. شو الشركه الحييين ... والفرع اليديد ..؟.. سامحتني ولا بعدك شال بخاطرك علي وع ولدي ... بسسسس بتم اخوي العوود مهما استواا وبيي يوم بتعرف الصح وبتعتذرلي وبتعرف انك غلطت علي واااايد يا محمد هييه غلطت ونزلت كرااامتي وااايد يا محمد ... مابقولك انه الحركه بتنرد بسس الي اقدر اقوله انك انت خسرت بنتك وانا بعددددد خسرت ولدي ... والله يسامحك؟؟؟
ام خالد.... رديتي يا مديه للعذاب ... رديتي لبيتج بس مب لولدج ...لذكريات ولدج ..... آااااااااه ....
هند ..... امممممم اخيرا بشوف الي يسكن ف قلبج يا ميثاني ... الي مب طايعه اطلعينه من قلبج ... امممم اخاااف اتسولي طاف هاي بعد اول ماتشوووف قصايد ... قصايد... حلوو اسمج ياترى بتطلعين شرات اسمج حلوه ولااا اسم بسس خخخخ ...
ميثه...... ڪّبرت آليۈمَ يآ آلغآلي ۈزآد بقلبي آلآصرآر....على حبڪّ , ۈحب آللي يحبڪّ فآق تعبيره !......
وصلنا البيت ولاحظت على ماماتي انها ماكانت تبا تدخل البيت ماتبا تسترجع ذكرياتها ... ماتبا اتشوووف طيف ولدها خالد مره ثانيه ....
ميثه: اميه اساعدج ...؟
ام خالد: لا غناتي .....
دخلنا البيت وكل واحد راح لغرفته وانا وهنوده رحنا غرفتي ... هنوده بترقد وياي ف نفس الغرفه لانه ماعدنا غرف اضافيه غير غرفة خالد ... وهنوده قررت اتنام ف غرفتي ...
ميثه: يالله انرتب ثيابنا وعقب نرقد
هند: لاااااااا والله ... روحي رتبي بروحج بنام انا برتاح وعقب بنروح بيت قصايد...
ميثه: قصااايد ...لالالا مب الحيين .... اول شي بنرتب عسب انضيع الوقت وعقب بنرقد والعصر بنروح لها وبنسويلها مفاجأه ...
هند: اوووك
ورتبا ثيابنا ... وع الساعه 1 تغدينا من مطعم وعقب رحنا نرقد شوي وع العصر قمت وراسي شوي وبينفجر ...
ميثه: هنووووووووده قووومي بسج ارقاد...
هند: همممممممم افففف خليني ارقد ...
ميثه: كيفج ماتبين اتروحين وياي ..؟
هند:لاااااااااااا وصدت الصوب الثاني وكملت ارقادها...
رحت اتسبح ولبست تنوره سوده وبووودي زيتوني ...حطيت بودره ع الخفيف لانه الجو حرر وحطيت اجحال لونه اخضر عسب تبرز عيوني وكلوووس وردي وآخر شي لبست عباتي والشيله وطلعت برع ف الصاله...
مديه: هاااا ميثاني وين بتسيرين غناتي..؟
ميثه: هاااا امممممم وين ابويه؟
مديه: راح عند ربعه يسلم عليهم .. وانتي وين بتروحين ..؟
ميثه: بروح اسلم ع قصايد..؟
نزلت راسها مديه: بعدج مانسيتيها ..؟
ابتسمت ورحت بست راسها .....
مديه: سلمي عليهاااا ....
ميثه: ****لله...
مديه: وهنووده لييش ماتروح وياج ... ماتبا تتعرف عليها وهي اهناك حاشرتنا تبا تتعرف ع قصايد..؟
ميثه: ههههههههههه ماطاعت اتقوووم ..فقلت اروح بروحي قبل المغرب ..؟
مديه: هيييه زيين ..
ميثه: يالله اماايه مع السلاامه...
طلعت من البيت وانا ميييييته خوووف ... وادعي اني ما اشوف لا بوزايد ولا ام زايد ...يارب اتكوون قصايد ف الحديقه ... اخاااف اتغيرت وماعرفها الحييين اففف شو هالحاله ..؟
دقيت الباب وفتحتلي الشغاله الباب ودخلتني ووقفتني صوب باب الصاله وكل ساعه ابتسم اتذكر يوم كنا اصغار ويوم ادخل البيت بدون استأذان وربع لغرفتها ... كل شي اتغير ..تميت ابتسم بين فتره لفتره...
ميثه: اتغير بيتهم وااااايد ماشالله ... الي يشووفه يقول قصر ماشاءالله ... وتميت اطالع الزراعه والورووود ... والشغاله راحت تزقر ع قصايد ع اساس اربيعتها من المدرسه مب ميثه ....
ف الميلس ....
كان زايد واقف صوب الدريشه ويشوف البنت الي واقفه عند باب الصاله ...
زايد: ياااربي مكان شايفنها انا ...ماشاالله عليهااا قمررر اربيعت قصايد .....
قام يطالعها و هو منصدم من جمالها ما شاف بجمالها أبد تم يطالعهااا بكل اعجاااااب.... تم يطالع مكياج عيونها اللي ابرز جمالها .. وخجلها زادتها حلاه فوق الحلا وتم يتأمل في نعومتهآ الي كان قمه في الروعه....بس فـ عيووونها كلااام ... آآآه من عيووون ....
دش عليه اربيعه وغير امكانه عسب مايلااحظ اربيعه وسكر الدريشه ...
انتبهت ع زايد يوم سكر الدريشه ونصدمت ....لالالالالا مستحييييييييييل.... فديييييييتك ياربي كبرت وحلويييت ...اففف بلااااج ميثه اتخبلتي يمكن يكون حد ثاني مب زايد والله اني مينونه .....
صديت صوب الباب وشفت قصااايد اتغيرت وااااااايد .. اضعفت وقصت شعرها لرقبتها عكس شعري الطوييييل وطوولت واايد ماشالله عليها ..كانت اطول مني بشوي ....
واول ماشافتني صدت صوب الثاني وقالت بصوت عالي: لاااااااااااا ماصدق...
تقربت منها ... وصدت صوووبي وشفت الدمووع ف عينها...
ميثه: اذا تحبيني لاتصيحين...؟
قصايد: وشو افسر الدمووع الي فـ عينج ..؟
حضنا بعض بالقووووو ونحن انصيح بصووت عالي... وكل وحده تحضن الثانيه بالقوووو...
دخلتني قصايد ورحنا غرفتها وتمت اتخبرني شو صار بغيابي وكيف كان حياتها .. وانا بعد ماخليت شي وماخبرتها ... عن اهلي واهل اماايه وهنوووده وعن اصدقائي الي ف المدرسه...
رفعت راسي: عيل ما اشووف امج..؟
قصايد: اميييه .... امييه اتعبت وااايد وكل يوم امطيحاا ف مستشفى ...
ميثه: خير ****لله شو فيهااا..؟
قصايد: كل يوم اطيح علينا مره الضغط ومره التنفس وماخلواا شي وماظهروا ف جسم اميه....
ميثه: احليلها الله يشافيها ****لله ...
قصايد: آمين..... لييش ماسألتيني عن زاايد..؟
ميثه:لا تستهبلييين
قصايد: ههههههههههه
ميثه: وااايد حلو صووتج خاصة البحه..
قصايد: دخييييلج ...
ميثه: هههههههههه ... يالله انا برجع البيت...
قصايد:يلسي عاااد..
ميثه: والله ماقدر ... تعالي انتي باجر بيتنا وبعرفج ع هنووده بنت خالتي...
قصايد: اوك بشوووف ...يعني خلاااص بتمون اهنا...
ميثه:يالييييييييت ...لا بنرجع الاسبوع الياي يوم الجمعه لآنه بتبدأ الامتحانات..
قصايد: هييه صح لاتذكريني اففففف من الفيزياء
ميثه: ههههههههههه ... المهم اشوفج باجر هااا وتعالي من الصبح ....
قصايد: شو رااايج اييج ع الساعه 5 الفير
ميثه: زين بعد ههههههههههه
قصايد: ههههههههههه لا تستهبلين
ميثه:لا صدق تعالي الصبح الساعه 9
قصايد: امممممم لا شوو الساعه 9 اتخبلتي ولاا شوو .. اممم بيلكم ع الساعه 4 هاا شو قلتي..؟
ميثه: هههههه اوكيه ... ووصلتني قصايد صوب الباب وردت داخل ...
زايد: قصووود منو هاي..؟
قصايد: لاااااااااااااااااااوالله احلف انت بس..
زاايد: ماشالله عليها حلوووه وضحك ههههههههههههه
قصايد: زيوووود لا تستهبل ..مايخصك ف اربيعتي..؟
زايد: بلاااج انزييين .. فكرت اروح اخطبها باااجر..؟ ههههههه
قصايد ..اممم اخبره انه هاي ميثه عسب ينقهر ويسكت ..اممم لاالالالا قصوود تستهبلين ماتشوفينه انعجب فيها بخليه يحبها صدق وعقب مايخطبها بقوله ... والله اني مينووووونه وخبله اونه عقب مايخطبها اصلن اليوم ولا باجر بيعرف انه قوم ميثه ردوا راس الخيمه بسسسسس بخليه اليوم بشووف شو يقول..؟
قصايد: اووونه ...قول والله زين بعد عسب افتك منك...
زايد: من قوم منو...؟
قصايد: هاا امممم احم ..ماعرف والله .... من اسبوع بس اتعرفت عليها ....
زايد: ههههههههه ... تعرفين انها احلى عنج بواااايد ...
قصايد: جب جب
زايد: بس انتي احلى عنها بمليوووون
اونها استحت قصايد: قوول والله...
زايد:ههههههههههههه ...مينونه والله انتي...
قصايد: مـــآلت
زايد: انزيين شو اسمها..؟
قصايد: ايييه انت ماتستحي ع ويهك ولا شووو ..؟
زايد: تراني اقولج بروح اخطبها باجر .. واليوم بخبر ابووويه عنها..؟
الخديه قصايد صدقت: يااااااااااااااي اسمها ميثه...
زايد: وععع انااا هالاسم مادانيه..؟
قصايد: ليييش يذكرك بحبيبة القلب..
زايد: قصووووووووووووووووووود ...
قصايد: ههههههههه .... وراحت عنه.... يااااي ماتخيل ميثاني ويانا ف البيت....
ـــــــــــــــــــــــــــ
وع الصبح اليوم الثاني ... نشت قصايد من النووم وهيي فرحااانه مووت لانها بتروح بيت ميثه اليوم وتم تتذكر شو صار امس .....
قمت من النوم ورحت اسبح ......
هند: ميثوووووووه قسم بالله ان ماطلعتي الحيييين بذبحج يالله صارلج سنه وانتي ف الحمام..؟ افففف
ميثه: انزيييييييييييييييييييين اتريي شوي افففف .....
طلعت من الحمام وانا معصبه وفشعري كله ماااااااي ...
ميثه: افففف منج ..آخر مره اتين ويانا خلااااص تووبه...
هند: هيييه تبا تتعدل بسرعه وتطلع قمر وانا الخسفه وريحتي وعععععع
ميثه: والله انج بدون شي قمررر هههههههههههه وريحتج هييه صح وععععع
دخلت الحمام هند: جــــــــــــــــــــــــآااااب ...
ميثه: روحي روحي خلصيناااا ... ورانا طلعه...
عدلت عمري ع الخفيف ورحت الصاله اترياها ...
مديه ام خالد: من الحيين بتطلعوون ..؟
ميثه: هييه ليييش؟ ووين باباتي..؟
مديه: كم مره قلتلج لاتقولين باباتي خلاااص انتي كبرتي ...؟
ميثه: هههههههههههههه ..وخذت الكوب من ايد امييه...
مديه: يتريااكم برع .... لييش ماتروحون العصر ..؟
ميثه:لالالا قصوود بتينا ع الساعه 4 والحيين احسن بعد عن الزحمه ...؟ بنرد ع الساعه 12 وليين مانسوي الكيكه والحلويات يبالنا وقت ... ؟
مديه: زين عيل شو تبوني اسويلكم غدااا..؟
ميثه: اي شي ..كل شي من ايدج حلووو ... واذا مابتسوين شي بعد احسن لاتعبين عمرج بنييب من برع ..؟
مديه: لالالا انا اكل المطاعم موول مادانيه..؟
هند: صبااااااااااااااااح الخير...
ميثه: يالله ماماتي فمان الله ... وانتي يالله طوووفي..
هند: لا والله كلت وشبعت وترست كرشتهااا وانا لاااا ...سيري وووولي لآاااه.. باكل وعقب بنروح..
ميثه: يعلج باباتي يتريانا برع ياللللللللللله...
هند: افففففففففففف
مديه ام خالد: انزين خذي وياج ..؟
وخذت هنوده اكلها وياها وركبنا السياره وقررنا انروح المول عسب نشتريلنا بدل يديده وعقب انروح الجمعيه عسب نشتري اشياء للمطبخ ... حلويات وكيك...
ف المووول....
بو خالد: يالله انا بترياكم اهنا انتوا خلصوا شغلكم بسررعه وتعالوا اهنااا اوكيه..؟
ميثه: باباتي لاتروح بعيد..؟
بو خالد: لااا لاااا بروح اشتري كم من عطر ..؟ وعقب بيلس اهنا .. واشر ع الكرسي...
هند + ميثه: اووكيه...
وتمينا نتمشى انا وهنوده....
هند: ميثاااااااااااااني شوووفي روووعه لآااه..؟
دخلنا المحل.... هند: والله رووووووووووووووووووعه اباه اباه مايخصني..؟
ميثه: انزين انزين بس لاتفظحيني اففففف... ورحنا صوب البدله ...
ميثه: يااااااااااااااااااااااي ... ماشالله ع ذوووقج ... فناااااااان
هند: احم احم ... شو رايج نشتريه..؟ انا وانتي؟؟
ميثه: اممممم اوك ... انا التركواازي وانتي اختاري شراتي بس لونه وردي احس يناسبج اللون الوردي ..
هند: اوك ... يالله ازقريه خليه اييبه ...
ميثه: ههههههههههههه .... وشتريناه ...
ميثه: يالله خلينا انروح صوب باباتي ....
هند: انزيين صبري خلينا انروح نشتري شي ..عطووور ... اكسسوارات... نعله شي جذااا ...
مشيت وراها ... ميثه: انزييين اترييني افففف...
دخلنا محل لأكسسوارات وتمت هنوده تشتري كل شي باللون وردي وتركوازي ...
ميثه: هنننوده خلصينا يالله افففف
هند: اففف منج ... اوكيه انتي روحي عند ابووج وانا اول ما اخلص بييلكم..
ميثه: لاااا والله اتهبين .. تبيني اخليج اهنا بروحج ... تحلمييين ... وصديت صوب عطوورات...
اممم هنوده حبيبي انا بروح محل العطورات وبرد اووك وانتي خلصي بسررررعه...
هند: اوووك بس الشبرات وبخلص...
ميثه: يهال يهال نحن ....تميت امشي صوب العطورات ... عيبني شكل العطر يااااي...
ميثه: امممم محمد ييب ها العطر..؟
الهندي: هذاا
ميثه: هييه ... الله روووعه بشتريه .. اممم بكم..؟ وشتريته وعطيته بيزاته .. وانا ظاهره من المحل اتكربعت بالنعال..زين انه واقف اهنا ولا صدق كنت بطيييح ..(انتبهت) .... لالالالا ميثه انتي ميووده كندوورة الريال ليييييييييييييييييش؟ حسيت بعمري ورفعت ايدي من كندورته ...اففففففف شو هالفضيحه ورفعت راسي اشووف منو واقف صوبي...انصدمــــــــــــــــــــــــــــــــــــــ ــــــــــــــــــــــــــــــــت...لالالالا ياربي لالالالا مستحييل زآااااااااااااااااااااااااااااااااااااااااااااايد .... تميت ادعي انه مايكون زايد .. ماكنت اعرف شو اسوي انزل راسي ولاا اتم اشووفه ... امممم بلآااه اول مره يشوووف ابنيه تتكربع ... صدق مايستحي ع ويه ... آآآخ يااا زااايد فديت هالويه ...
زايد: سلمتي...
ابتسمت... ونزلت راسي بسررررعه وكملت طريجي صوب هنووده .....
ميثه: ياللللللله خلصييييييييني بسرررعه والله بروح عنج...؟
هند: انزيييييييييييين افففف ..اقوووول عطيني 15 وفالبيت بردللجــــ
وقبل لا اتكمل عطيت حق الهندي الفلوووس وييريتها من ايدها ورحنا صوب ابوويه وكملنا نحن الثلااث طريجنا لصوب السياره وركبنا ....
بو خالد: هاا شو اشتريتوا ...؟ خلصتووا ولاا بعدكم تبون ترووحون مكان ثاني..؟
هند: لالا خلااص خلصنا الحمدالله .. وهاي بنتك ماخلتنا نشتري ع راحتنا كل ساعه بسرعه بسرعه اففف منها... اشوووف العطر عمـــي..؟
وتمموووا ع هالحاله وانا اشوووف الشارع ومب مستوعبه الي صار قبل شوووي لآلآ مستحيييل زااايد ... هههههههههه .... آآآخخخخخ ... ماعرفني شكله ..هههههههههه
هند: بلاااج يالدبه...؟
ميثه: ماشي .... ورديت اشووف الشارع مره ثانيه ..
جذبت عيۈني آلثنتين , آلآ يآ مَلفت آلآنظآر
سڪّنت حدۈد نبضآتي , بدۈن آجرآء تأشيره
رحنا الجمعيه وشترينا كل شي الي ناقصنا ف المطبخ والي بنسويه اليوم حق قصايد من حلويات وكيك وعصاير ورجعنا اللبيت ع الساعه 11ونص...
ــــــــــــــــــــــــــــــ
راح زايد صوب ربعه ... وهو يفكر ف القمرر الي شافها قبل شووووي...
زايد: اممممم هييه هي نفسهااا الي شفتها ف بيتنا امس .. فديتها ياااربي ... اول مره اشوووف هالرقه والنعوومه كله ومرآآآابعه قصوووووووووود الدفشششششششششششششششه.... فدييييييييييييت عيووونهااا انا .. وصد صوب المحل مره ثاانيه وابتسم ....بسسسسسس بعد احس شي فيهااا .. كلاااام ف عيووونها .. آه بس لو اعرف او افهم هالكلااام ....وصوووتهاا آآخ من صوووتهااا ...
في نبرة الصوت في نظرتك هم
ما أدري علام الحزن في دنيتك هام
عطني هموم الكون علك تبتسم
وعطني سهرك الليل لعيوني وسام ........
مايد: بلااااك..؟
زايد: ماااشي ... يالله نتمشى..؟
مايد: والعطوووور..؟
زايد: بعدين بعدين الحيين خلنا نرووح نتمشى...
مايد: يالله سرينا...
الجــــزء الثـــآمــن
فدآڪّ آللي تبي آمَر , تمَنّى يآلغلآ ۈآختآر
لۈ آنڪّ تطلب عيۈني , لأقۈل آن آلعمَى خيره
وصلنا البيت وع طووول رحت لغرفتي ونسدحت ع الشبيره....
هند: انزززززين ساعديني ع الاقل .... قووومي شلي اغراضج يالدبه..
ميثه: هنووده والله مب متفيجتلج..
نزلت الاكياس من ايدها وربعت صوبي هند: ليييش؟ بلآااج ميثاني حبيبي..؟
ميثه: روحي سكري الباب وتعالي بخبرج بشي..؟
راحت وسكرت الباب وا نا اشووف كل خطواتها وحركاتها وابتسم... وقعدت وياي ع الشبريه...
هند: هااا يالله قووولي..؟
ميثه: قووولي منو شفت اليوووم ف الموول..؟
هند وبفضووول: منوووووووووووو؟
ميثه: زااااااااااااااااااااااايد...
هند: قوووولي والله...
قمت من امكاني وفسخت عباتي ... والله شفته اليوم ف الموول بس اضني هو ماعرفني... يعني لهالدرجه اتغيرت انااا...؟
هند: اممممم ... ماعرف يمكن ... اممم يمكن لانه هو ماشافج من 6 سنين او اكثر اما انا 24 ساعه وياااج ..؟
ميثه: ههههههههههه .. حتى هو اتغير ..كبر ...ههههههههههه
هند: اكيييد بيكبر عيل شوو بيصغر هههههههههههههههههههههههههههه
ميثه: جب جب يالله قووومي اتلبسي عسب انروح نسوي الحلويات قبل لا اتي قصايد...
هند:اوووك..
رحنا المطبخ وطبخنا كل الشي الي تعلمناه ف بوظبي والي اميه وخالتي علمونا اياه .. وعقب رحنا نتسبح وع الساعه 3ونص كلنا مخلصين كل شي ....
ف الصاله.....
هند: قلت الساعه خليها اهنااا والله امكانها غلط اهناك ميثاني...
ميثه: شو انتي مينونه حد يحطي الساعه فوق الدريشه .. مابشفونها الناس... سيري لااه ماتعرفين شي...
هند: ميثاااااااااااني دخيلج خليها اهنا ...
ميثه: افففف منج.. انزييين قوليلي شو رايج فيني..؟ هههههههههه
هند: قمرررر.....
ميثه: غصبن عنج..
هند: بس انا احلى عنج...
ميثه: مــآلت...
هند: متوتره...؟
ميثه: ههههههههههههه قصايد الي بتزورنا مب وحده من بنات الشيوخ...؟
هند: حتى ولو يعني انا ماعرفها .. اخااف ما اعيبها .. ولا انتي اتسويلي طاف.. يعني لو خالتي اهنا جان يلست وياها وانتي رحتي عند قصايد... الحيين ويا منو ايلس يوم بتسويلي طاف...؟
ميثه: تستهبلييييين ..مستحييل اسويلج طاااف اصلن قصايد حبوبه واول ماتشوفينها بتحبينها والله .... وماماتي ماراحت بعيد الا سوق الخضرا يعني ساعه بالكثير وبتي وبتيلس ويانا كلنا... واذا تبين باباتي بعد يقعد معانا ماعندي مانع..ههههههههههه
هند: تستعبطين هههههههههههههه...
ابتسمت.... عادي يوم كنا صغار كانت قصايد 24 ساعه ف بيتنا وكانت تيلس ويا باباتي تعتبره شرات ابوها ماكانت تستحي منه...
هند: بس الحيين كل شي تغير... واكيد بتستحي منه الحيين لو قعد ويانا ..؟
ميثه: يمكن .. افففف متى بتي...؟ هييه صح من الحيين اقولج .. ها العبط كله ودريه يوم بتي قصايد ... استوي حرمه ...
هند: ليييش هيي يايه تخطبني ولا شوو؟
ميثه: ههههههههههههههههههههه .... المهم اعقلي..
هند: انزيييييييييييييييييين...
طق طق طق
هند + ميثه: وصلــــــــــــــــــــــت ...ههههههههههههه
ورحت صوب الباب....
ميثه: هلااا والله....
قصايد: اهلييييين .... اممممم هلااا
هند: اهليييييين ... امممم قصايد..؟
عطيتها نظره: اكييد يعني بتكون قصايد ..منو بتكون ****لله ... يالسين نتريا منو نحن..؟
هند: اسكتي لو سمحتي ...
ميثه: ههههههههههههههههههه يالله انروح داخل...
وتمينا انسولف وعرفت قصايد ع هند ...
هند: شو رايج بالكيكه..؟ اكيد لذيذه اصلن مب لازم اتقولين...
عطيتها نظره: هنووووووده وبعدين....
قصايد: خليها عااااااادي فديتها وربي حبيتها...
هند: اتصدقين وانا بعد وراحت ايلست صوبها...
هند: وشو بعد خبريني عن هاي الفقمه يوم كانت ياهل شو كانت اتسوي..؟
قصايد: ههههههههههههههههههههههههههههه... ماكانت اتسوي شي فديتها بس كله تسرق بيزات من عند امها حق بعض الناس...؟
ميثه: ههههههههههههههههههههههههههه قصوووووووووود
هند: اكيييييييييييد زااااايد
انصدمت قصايد وقالت فخاطرها... يعني خلاااص رحت انا ويت مكاني هند قمتي اتخبرينها كل شي وانا لاااا .. دمعت عيونها ... حظج والله هنوده 24 ساعه قرب ميثاني ... وصدت الصوب الثاني ... بلاااج يا قصايد قمتي اتغارين من هند ..لاتنسين انها بنت خالتها وانا .. وانا بس اليوم بيلس وياها وبترد بوظبي وبتنساني مره ثانيه ... وبتعيش حياتها... وقفت عسب اتطير الافكار من راسها...
اتقربت من قصايد فهمت الي فبالها والي يالسه اتقوله ف خاطرها: بتمين الاولى ف قلبي يا قصايد لاتخلين حد يوم من الايام يخرب الي بينا وعن هنوده ولييش خبرتها لاني كنت محتاجه لحد يوقف وياي ويشل شوي من الشوق الي فـ قلبي كنت محتاجه اسولف واخبر حد عن الي فـ قلبي وماحصلت حد غير اختي هند ... والحييين وعقب ماشفتج مستحيييييل حد يفرقنا مره ثانيه ...
قصايد: اعتبره وعد...
ميثه: وعد... وبنرد شرات قبل واحسن بعد ..كل اسراري ف قلبج وكل اسرارج ف قلبي...
هند: واناااا...
ميثه: انتي الي طلعتيني من الوحده الي كنت فيها يوم كنت صغيره وعمري مابنسى جميلج يا هنووده وبتمين فـ قلبي ومحد بيقدر ياخذ مكانج ف قلبي...
اتقربت مني هند وحظنتني بالقووو ... وتمينا انصيح ثلااثتنا....
ميثه: اقووول انروح الغرفه احسن لنا ..
هند وقصايد وهم يمسحوون دموعهم..: هههههههههههههههههههههههههههههههههه
ميثه: انا بروح اييب العصاير ..عطشت ...تبون شي ثاني..؟
هند:لاا وانتي قصايد..؟
قصايد:لاااا... تسلمين غناتي
هند: عيل تعالي انروح الغرفه ...؟ بنترياج اهناك ... تعاااااااااااالي بسررررررررررعه
ميثه:هههههههههههههههههههههه
هند: يالله خلينا نروح الغرفه لاتستحيين..؟
قصايد: هههههههه لا عادي ماستحي...؟ امممممم انتي ترقدين اهنا..ف غرفة خالد..؟
هند:لاا .. نمت امس ويا ميثاني بس اليوم قلنا بنرتب غرفة خلود وبنتقل انا لغرفته... الله يرحمه ..
ودخلوا الغرفه .....
قصايد: اتقربت من الصور الي كان متناثر ع السرير.... الله يرحمه ...
وهند كانت واقفه صوب الباب....
هند: تعرفين اني مارمست خالد ولا مره يمكن يوم كنت ياهل بس ماذكر...واليوم الظهر شفت الصور وحاولت اتذكره بس ماتذكرت شي ... يوم شفت صورته حسيت جني اول مره اشوفه مب ولد خالتي... ولو مايشبه ميثاني جان ماعرفت منو الي فالصور ابد..
قصايد: لييش ماكنتوا اتزورونهم؟ ف عمري ماسمعت ميثه ترمس عنكم..؟ عن خالتها..؟
يلست هند ع السريروتمت اتشوف الصور مره ثانيه : يمكن لانا كنا ابعاد عنهم واايد ..مادري والله ... وراحت قصايد صوب الدريشه ....
قصايد: بيت قوم منو هذا..؟
هند: ماعرف والله...
قصايد: نقدر انشووف كل شي يصير ف بيتهم هههههههه
هند: هههههههههههههه تعالي لااه سولفي وياي ...
مسكت قصايد الستاره ..: خلينا انشم هواا..؟
هند: مينونه انتي..؟ لاتتهورين..؟
قصايد: ههههههههه شو حرام نشم هوااا,,,لاتخافين مابفتح الدريشه بس بشووف... مسكت الستاره وظهرت راسهاا بس برع اما جسمها داخل ...
هند: انا بروح اشوف ميثاني ليييش اتأخرت..؟
قصايد: يلسي لاااه ... بتي لاتخافين..؟
انسدحت ع الشبريه هند وتمت اتشووف السقف وتغني...هند: بنغنيلج اغنيه جديمه بس اتعيبني الكلمات...
اما عن قصايد فكانت ف حيره.....
قصايد:اوكيه اوكيه.... امممم الحيين هو يشووفني ولاا؟.. اممممم لييش يشوفني وعقب يرد صوب سيارته .... بلاااه..؟ لايكون يشووووفني .هههه لالا مستحيييل ..اممم منووو هذاا ..؟ يشبه مووزان... يمكن اخوها...
هند: يسألوني ليه أحبك حبِ ماحبه بشر وليه انتي في حياتي شمسها وانتي القمر وليه صوتك لي وصل صحراي يملاه الزهر علميهم يالحبيبه ااااه يااغلى حبيبه.... عدلت يلستهااا... قصوود اتخبلتي ويا منو ترمسييين..؟
قصايد: تعالي تعالي هنوده ...شوفي هذا يطالعنا ولااا انا اتخبلت..؟
دخلت الغرفه ... ميثه: ايييه انتوا شو تسووون اهنااا.؟ شهقت بصووووووت عاااااااااااااااااالي آآآهههـــــــــــــــــــــــــــــــــــــهه يعلكـــــــــــــم ... ربعت صوب الستاره .... ودزيت قصايد وهنوده ...
قصايد: بـــــــــــــلااج..؟
ميثه: يالهرمه يبيين الحيين كل شي..؟
قصايد: شو الي ييبين مافهمت..؟
ميثه: نحن محطين عاكس يعني هو من الصبح كان يشوووفج يالعنز ....
قصايد: قوووووووووووووووووووووووووووووووولي والله
هند: هـــــــــــــــــــــــــــــــــــآااااا.. وتبوني انام ف هالغرفه بعد ...
ميثه: يعني ماتشوفين الستاره والله انج مينونه ...
ميثه:ههههههههههههههههههههههههههههههههههههههههههههه هههههههههههههههههههههههههههههههههههههه
قصايد + هند : !!!!!! ؟؟؟؟؟؟؟؟؟ !!!!!!!
ميثه: اكيييد نقع من الضحك يوم شافكم ... اكيييد قال فخاطره بلااهم هاذيلااا .. ههههههههههههه
قصايد + هند: هههههههههههههههههههههههههههههههههههههههههههههههههه ههههههههه..
قصايد: انزيين منو هذا ..يشبه مووزان؟
ميثه: هييه هذا اخوهاا مروان ...وقد اخوج زايد ... وبعد فترة صمت
ميثه: يالله انروح غرفتي...
هند: يالله...
تمت قصايد واااقف صوب الستاره كانت تبا تشوفه آخر مره ..ماتدري ليييش كانت تبا تشوووفه . المهم اتشوفه قبل لاتروح البيت...
قصايد: لالالا شو اشوفه ..بلااج قصايد روحي الحقيهم ..لالالا بس نظره ... افففف ياربي .. وكملت طريجها صوب غرفة ميثه...
ميثه: لييش واقفه غناتي تعالي يلسي... شو تبين تشربين..؟
قصايد: اممم عصير برتقال... هييه صح هنوود ...؟
هند: هلاااا
قصايد: تعرفين انه صوووتج رووووووووووووعه ....
هند: لالالالا ههههههههههه وجان استحي...
ميثه: مالت جان هاي صوتها رووعه ...
هند: هههههههه .. قصوود انتي مخطووبه..؟
قصايد: هههههههههه لا لييش يعني..؟
هند: لا بس سؤال..؟
قصايد: وانتي.؟
هند: لااا
قصايد: اممممم وانتي ميثاني....؟ كانت تسألها هالسؤال وايدها ع قلبها وتتمنى ف قلبها انها مب مخطووبه ... كانت تتمنى ميثه تكون مرت زايد يعني بتعيش وياها ف البيت فبتكون وياها 24 ساعه ومحد بيحرمها او بيقدر يبعدهم عن بعض مره ثانيه...
ميثه: ههههههههههههه لااا ...
قصايد: هيييه اتحريت بعد ...
هند: ليييييييش؟؟؟؟؟
قصايد: ميثااااني ****لله بتكوون مرت زااايد صح..؟
ميثه: لا والله
قصايد: هييييييه والله
ميثه: لاتحلفين يالدبه...؟ يمكن الاخ يكرهني..؟ بعدني مانسيت السالفه وصووته ليين الحيين يدندن في اذني يوم كان يقول اكررهج ميثه...
قصايد: لاتنسين انه نحن كبرنا الحيين وكل شي تغير..؟
ميثه: اتنهدت... ماعرف والله بس احساسي يقول لي انه زايد بعده يكرهني وماضني يحبني ابد..؟
قصايد: ههههههههههههههههههه
ميثه:بلاااج اتخبلتي... وهند كانت يالسه تسمع الحوار ....
قصايد: عيل تعرفين انه قال لي يبا يخطبج ويمكن يكلم ابووويه اليوم عنج..
وقفت مصدوومه: مستحيييييييييييييل... هو اصلن ماشافني ومايعرف انا نحن ردينا راس الخيمه ..كيف؟
قصايد: شو نسيتي انج ييتي بيتنا امس..؟
نزلت راسي من المستحى : هاا امممم
هند: هههههههههههههههه مبروووك غناتي...
قصايد: هههههههههههههههه والله ماتخيل تكونين وياي 24 ساعه ..؟
هند: اييييييييييييييييه شو هالرمسه اتخبلتوا اوونه مبروك وماتخيل ... سيرواا لااااه هههههههههههه
دخل ابويه علينا .. وعدلت قصايد شيلتها....
بو خالد: هلاا والله بشيخة البنات ..اشحالج ؟
قصايد: الحمدالله بخير عمي .. اشحالك انت..؟
بو خالد: الحمدالله بخير انا ...هاا جني سمعت كلمة مبرووك ...
قصايد + ميثه+ هند: هههههههههههههههههههههههههههههه
هند: بنتك ميثه....ههههههههههههههه
ميثه: جذااابه ابوي لاتصدقهااا .. باباتي وين امااايه..؟ قصايد تبي اتسلم عليهااا..؟
بو خالد: فالمطبخ غناتي..؟ مشترين لحم... يالله عيل انا بروح اتييد شوي وبأذن المغرب..تامرون ع شي..؟
كلنا : سلآمتك..
صديت صوب هند: قوومي يالدبه روحي ييبي الهدايا...؟
قصايد: لاوالله تستهبلوون .. لييش تعبتواا عماركم..
هند: تعبج راحه غناتي ...
قصايد: والله تعبتوا عماركم كفاااايه شوفتكم الي ترد الرووح والله
ميثه: فديتج والله يعلني مانحرم من هالويه مره ثانيه..
قصايد: هههههههههههه آمين...
وكملنا سوالفنا لين ما أذن المغرب...
ونحن وقفين صوب الباب...
قصايد: عاد باجر انا الي عازمتنكم والي مابتي بزعل منها..
ميثه: لاتحاتين غناتي هاي الدفشه اول وحده بتلاقينها صوب الباب ههههه
هند: جب انزييين ...
ميثه: فديتج والله هههههههههههههه
وراحت قصايد بيتهم ..
ميثه: يالله انرد شو تتريين بعد..؟
هند: حبيتهااا...
ميثه: ههههههه قلت لج ... قصايد حبوبه...
الجــــزء التـــآسـع
أنْ ڪَنْـت تسأل عنْ ۈدادڪَـ يا غالـي!
تعال ۈإنْظر منْزلڪَـ في عيــۈنْي../
رحت اصلي وعقب ماخلصت ...
ميثه: لااااااااااااااااا...ربعت وشيلة الصلااه ع راسي صوب غرفة خالد وفجيت الباب بالقوو....
هند: بسم الله الرحمن الرحيم ..اللهم سكنهم في مساكنهم ... بــلآااااااااااااااااج؟ روعتيني..؟
ميثه: نستهم.؟؟؟؟؟؟؟؟؟؟
هند: شوووووووو؟؟!!!!!!
ميثه: قصايد ... نست كيس الهدايا... نستهم ف بيتنا,....
هند: يعلج ****لله بريل يشلج من البيت اليوم قوولي آمين انتي بس عسب افتك منج..؟
ميثه: ههههههههههه هنووده ارمس جد انا الحييين... نستهم قصايد...
هند: انزين روحي بيتهم ....؟ ولا اتصليلها وقوليها اطرش الشغاله ..؟
ميثه: اممممم .. ماعرف..
هند: ولا اقووول وين الكيس ..انا بوديلهااا.؟ هههههههههه
بو خالد: ميثاني حبيبتي تعالي اميه ابا ارمسج ..؟
ميثه: هلااا ابوووي ...
وكانت هند يالسه ع السياده وتسمعنا وكانت حاسه بالخوف شراتي لانه ويه ابوي مايطمن...
بو خالد: غناتي صدق السالفه الي سمعتها قبل لا ادخل عليكم اليوم ..؟
ميثه: اي سالفه.....؟
بو خالد: انه زايد يبا يخطبج..؟
ميثه: ههههههههههه لا ابويه قصايد كانت اتسووولف .. احم ..
بو خالد: امممممم اتحريت... يالله روحي ساعدي امج..؟
ميثه: ليييش ابووويه لو زايد تقدملي بترفضه...؟
بو خالد: لييش نسيتي انهم يكرهونا ... وما ظني ابوه يوافق عليييج انج اتكونين مرت ولده ... وانا اعرف انج اتحبينه من يوم وانتي صغيره .. بس اتمنى البعد قدر يمحي حب زايد من قلبج... وطوول انا عايش عمري مابوافق ع زايد... اذا السالفه الي صارت قبل سوت فينا جذا ... شو بريحني اذا صار بينكم شي لا سمح الله بوزايد بيقنع ولده انه يطلقج ... صح اني مسامح ابوه ع الي سواه بس انتي غاليه علي ومستحيييل اعقج ع الناس انا مب واثق فيهم وخاصة عقب سالفة وفاة اخوج وغاليه بنتهم .. نزل راسه...
ميثه: بسسس ابوووي
بو خالد: ادري بتقولين احبه ومادري شو ...لايا ميثه .... وقف بو خالد عسب يروح غرفته... انسي زايـــــــــــد يا ميثه... عيب علييج اتقولين هالكلاام حق ابووج ماضني ربيتج على الحب والخرابيط ربيتج على احسن تربيه.. خـــــلااص يا ميثه انسيــــــــــه... دام اني كلمتج اليوم باسلوووب هادي وما عصبت اباج تنسينه انتي بعد بكل هدوووء ...
دخل ابوي غرفته ... صديت صوب هند وعيوني مبزوره دموووع ومب مصدقه الي يالسه اسمعه من عند ابوووي... ربعت صوبي هند ولوت علي وتمينا نصيح ...
هند: خلااااص يا ميثه لاتقطعين قلبي اكثر دخيلج بس... انزيين انتي ماتعرفين شو بصير باجر يمكن يوافق عليه ...
ميثه: ماسمعتي الي قاله ابوووي ولاتبين اعيد الرمسه من اول ... لا يااا هند وربي ماقدر انسااه والله ... ابوي ع عيني وراسي بس حب زايد والله ثم والله اني ماقدر امحيه من قلبي.. وكملت صياحي..
وقفت هند وشلت الكيس من الارض... هند: انابروح اودي الهدايا لقصوود وبرجع ... دخيلج ميثاني اسكتي عشاني ..مابا امج تعرف بالسالفه وتحاتي كافي الي ياها... بليييز...
مارفعت راسي ..كملت صياحي وراحت هند عسب اتوصل الهديه لقصايد...
كيف يطلب مني ابووي انسااه وانا حبيته فصغري وحبه كل يوم يكبر ويزييييد ف قلبي ..كيف تطلب مني هالشي يا بوووي كييف... حرمتووني منه يوم كنت صغيره ووفوق هذا حرمتوني من شوفته وما قلت شي سكت وصبرت... لا يابوووي دخيلك... ماصدقت زايد يحبني وعقب ماقال لي اكرررهج... رجع قلبي ينبض مره ثانيه بحب زايد والحيين يخترب كل شي بلحظه..
ــــــــــــــــــــــــــــــ
صلت قصايد ونزلت تحت اتذاكر شوي وهي نازله شافت اختها مشاعل ع الدري...
مشاعل: قصووود وين رايحه؟
قصايد: ويه بسم الله انتي شفتي شكلج..؟ روحي عدلي شعرج وتلبسي عقب تعالي وياي... بيلس ف الحديقه..
مشاعل: مابا ... بيي بيلس وياج..؟ واصلن انا حلوه من دون ما اتعدل ماماتي قالت...
قصايد: حراااااام امممم حبيبي ماماتي كانت اتجاملج ... سوري والله وكملت طريجها صوب المريحانه...
ربعت وراها مشاعل: اصلن ماماتي قالت اني انا احلى وحده فيكم...
قصايد:لالالا اميه جييه اغلطت ..اقوووول اذا بتيلسين تمـــــــــــي ساكته مابغي اسمع ولا نفس واذا تبين تلعبين روحي فوووووق لاني ابا اذاكر باجي اسبوعين عن الامتحانات... فاااااااهمه
راحت مشاعل فوق اتخبر امها وهي تصييييح....
دخل زايد البيت... ماشالله اختي اتذاكر..؟
قصايد: انت شووو؟ حالف ماتدخل البيت العصر.. 24 ساعه برع البيت..
زايد:لايكون اتولهتي علي..؟
قصايد: مــــــــــــــــــالت...
فاطمه ام زايد: قصووووووووووود شو مسويه حق مشاعل..؟
قصايد: ماسويت شي بس قلتلها اتروح فوق عسب اذاكر بهدوووء
ام زايد: اممم وين رحتي انتي اليوم..؟ العصر؟؟
قصايد وعيونها ع زايد: هااا اممم كنت .... كنت عند ميثه..؟
زايد: اربيعتج..؟
ام زايد: لا والله وانت شوخصك..؟
زايد: لالا اميه روحي فوق ورتاحي .. روحج تعبانه رووووحي الغاليه..
ام زايد: محمد بمرضني غيركم... انزيين اتخبرج صدق قوم مديه رجعوا من بوظبي..
وقفت قصايد ... : هااااا هييه هييه
ام زايد: يعني كنتي عندها العصر..؟
قصايد: هييه ونزلت راسها..
دخلت داخل ام زايد وصرخت بصووت عالي : دواااج عند ابوج يا قصايد..
بس قصايد ماهتمت لرمسة امها كثر ما اهتمت لنظرات زايد ...
زايد: منوووووووو ميثه؟
قصايد: اخت خالد... دخيلك يازايد دخيلك لاتقول شي ...
زايد: يعني قصيتي علي ... وانا اقوووول مكان شايفنها... اظهرت هييه.. ميثه بنت محمد
وفهالوقت وصلت هند بس من كلاام زايد خلااها توقف صوب الباب وتسمع الحوار بدون ماتخرب عليهم ..
قصايد: ها دليل انك مانسيتها..
زايد: لييش منو كانت هي اصلن ؟ اربيعت اختي لا غيررر
قصايد: لا انت اتحبها ياا زايد لاتقص علي والله انك اتحبها..
زايد: اتخسيـــــــــــــــــــــــــــــــــــــــــــــ ــــــــــــن
قصايد وهي تزاعج: واكبر دليل الكتاب يا زايد.. انت يمكن نسيت بس انا لااااا ..
اول ما قالت قصايد الكتاب فهم زايد السالفه وعرف عن شو هي كانت ترمس وتوتر : هااا والله كنت اقصد اربيعي مب ميثه...
بدت الدموع تنزل من عيون هند ... بدت اتحس بحروره بالرغم من برودة الجوو... كافي الي فيها ميثه لا تزيدونها حرام عليكم .. اليوم ابوها حرمها منك وانت اتي الحيين وتحرم عمرك عنها..لييش هي شو سوت ميثه عسب ترد لها هالجميل .. لييش شو سوت عسب تكرها هالكثر...صبرت وعانت بروحها وتمنت مليووون مره اترد عسب .. عسب بس اتشوفك والحيين انت اتقولها بكل برووود اتخسي............
وبعد فترة صمت....
قصايد: زززايد انا اليوم قلتلها انك بتخطبها وبترمس ابووووي عنها...
صد زايد بسررعه صوبها ومسكها....
زايد: لالالالا دخيلج قصوود قوولي انج اتجذبين ..دخيييلج... مستحييييييييييييل...
قصايد: يعني كنت اتقص علي..؟
زايد: هييه كنت اقص علييج لاني ماكنت اعرف انها اخت خــــــــــــــــــالد...
ماقدرت هند تسمع اكثر ..ركضت صوب البيت وربعت لغرفتها ..نست انه ميثه ف نفس الغرفه يالسه اتصيح.. فجت الباب بالقووو ويلست ع الارض اتصيييح.. شو ذنبها ميثه ...
ربعت صوب هنوده وانا امسح دمووعي ..خفت عليهااا ...
ميثه: هنووده فديتج ... خلااص لاتصيحين ..خلاااص بسكت والله...
هند: لييييييييش حبيتيه يا ميثه ليييش؟ ليييش؟
وقفت .: انتي بعد يا هند ... كلكم صرتوا ضدي اليوم يوم اعترفت اني احبه...
هند: دخيلج يا ميثه اذا صدق اتحبيني وتحبين ابوووج انسي زايد... شيليه من قلبج.. اسمعي كلاام ابوج وريحي عمرج.. وكملت صياحها..
ميثه: حتى انتي تبيني انساااه ...رحت غرفتي بس ف الدرب شفت اميه ...
مديه: ليييش يا ميثه... ماترومين تنسينه عشان ابوج .. ابوج الي يحبج ويمووت فيج وسوا كل الي تبينه والحيين تردينه... لاتزدينه يا ميثه كافي كافي الهموم الي حابسنه ف قلبه مب طايع يخبرنا اياه عسب مانحاتي...
كملت طريجي لغرفتي ...
ميثه: اميييه صدقيني ماقدر انساه ماقدر اكره زايد والله ماقدر .. وانا ماقلت الحيين بروح افضح عمري .. خلاااص حب زايد بتم ف قلبي لين ما امووت وعن الزواج خلاااص مابا.. عمري مابوافق ع حد غير زايد يا اميه .. واي حد يتقدملي اباكم اتردونه ... يعني انا ماصدقت زايد يحبني .. وثاني شي قصايد قالت برمس ابوه ماقالت باجر عرسناا .. لييش اتكبرون السالفه.. واذا ماتبون تسمعون اسمه ترا من اول ما حبيته وانا ساكته ..عمري مارمست عنه صوب ابووي..لييش يعني اليووم عصب علي..لييش محد حاس فيني ..لييش تبوني انساه.. مسحت اميه ع راسي وراحت عند ابوي .. غرفتهم عسب اتنام
آآآآآآآهــ يآبـــــوي ِِ.......
يآبوي هو صحيح ان الحب للبنت عـــــيب
وأنه أجرآم وعار للي ماعـــــرف يربيـــــهآ
يآبوي هو صحيح ان البنت مثل علبة الطيب
لا طـــــآحت وآنكــــسرت محــــد يــشتـــريهآ
يآبوي طيــب لا صآر >قلبهآ< مآلــــكه حبيب
ومشغــل حيآتهآ وشوقــهآ دآآآآآآيم يكـــــويــهآ
يآبوي سمعت حبهآ عـــذري ولآ فيـــــــه ريـــب
ولآ فــــيه يغضب الرحمن ولآ فيـــــه يجآزيــــهآ
يآبوي طيــــــب هي حبته وأبتلـــــت بهالقليـب
اللي تعلق به وكل يـــــــــــــوم ينآآآآآآآآآآآجيهآ
يآبوي طيب وش تسوي لا كآن عشقهآ مثل الذيب
بليلــــهآ تــــــــــسهر بــــــــه وطــــــيفه يوآآآآسيهآ
يآبوي يالعنبوا حآلن كآن شـــــــــــــقه الجــــــيب
وغـــــــيرت لون الحــيآهـ ومــــــــــــجأريـــهـــــآ
ويآلعنبوا ..حبه... مثل العســ ـ ـــل مع حبة زبيب
ومثل العطـــشآن اللي تعب وفآقـــــد ظــــوآميـــهآ
............. عــــــــــلمني يابوي ..................
علمني يآبوي وش الـــــــصح ووش الـــــعيب
وش اللي تملكه البــنت وتمســــــــكه بيديــــهآ
........ آآآآويـــــــــــــــــلي ..........
آويلي يابوي لوعرفت حب البنت كان ماقلت عيب
وألا كآن شفت عذآآآب الـــفكر ولا دوآهــــــــيهآ
همس تريح ........البآل......... وتـــــطفي اللهيب
رهــــيف ..القلب.. وهموم النــــــــفس تخفيهــآ
............. أأأأأأأأهــ يآبوي ..............
آنا البنت اللي ذبحها الحب وطلع فيها الشيب
والعذر لا كآن آخطيت والمــــــسامح لخطآويــهآآ
خلاااص يا ميثه اسمعي كلاام ابوج وهند وانسي ع الاقل خليه فقلبج بس بالسرر .. ادفني حبج لزايد فقلبج.. خلااااص..وقررت اروح عند قصايد واقوللها اتقول لزايد ينساني ولايفكر يروح عند ابوي عسب يتقدم لي..
لبست شيلتي .. فتحت الباب وحمدت ربي محد ف الصاله وكنت عارفه انه هند فالغرفه اتصييح ..معذبه عمرها عشاني.. فديتج والله.. كملت طريجي ..وصلت صوب بابهم.. بس شي منعني اني ادق الباب ..شي خلاا ريولي تتشلل..مصدومه ..هيه مصدومه وكلمة مصدومه شوي ع قلبي...
كان كلاام زايد مثل السم يدخل فـ جسمي ... كلاامه كان مثل السجين في قلبي,,,يعني الي قالت لي اياه قصايد اليوم كله جذب.. يعني خليت ابوي يتعب ويتضايج اليوم بسبت جذبه...آآه يا ميثه.. كنتي واثقه انه زايد فعمره مابحبج لييش غيرتي رايج و وو عشتي ف الأوهام.. نزلت راسي صوب الكيس وعرفت انه هند سمعت سوالفهم وكلاام وكره زايد لي عسب جييه كانت اتصيح عسب جيه كانت اتقول لي انسي زايد واسمعي كلاام ابوج.. اليوم حسيت اني ظلمت ابوووي وايد وااايد بشكل فظيع لييتني سمعت كلاامك يابوي لييت البعد قدر يمحي حب زايد ليييت .... سامحني يا بوي سامحني
رجعت البيت وكلاام زايد يتردد ف اذني مليون مره وهو يقول لقصايد: " مـآيشرفني اكون زوج ميثه بنت محمـــــــــــــــد... مستحييل اكلم ابوي عن ميثه مستحيييييل فاااااااااهمه...رجعت البيت يلست ع شبريتي ودموعي تحرق قلبي .. مع كل دمعه تنزل على خدي...
لا يا عين لا تبكي .. عيشي نعمة النسيان ..
خسارة دمعتك تنزل على من لا يراعيها
__________________
عبير 10 @aabyr_10_1
محررة برونزية
يلزم عليك تسجيل الدخول أولًا لكتابة تعليق.
عبير 10
•
رفع
الصفحة الأخيرة