لم اجد لما ..؟
ياريت تخصصوا مكان للقصص المنقوله والمكتوبه بابداع العضوه
هذي منقوله لعيونكم ولو تفاعلتوا بكملها لكم :27:
حبيت أشاركم بروايه و أتمنى أشوف تفاعل منكم
واتمنى انها تنال اعجابكم...
و هذا الجزءالأول و ***** الله تعجبكم
تع ـبت يآ دنيآ ارحميني !!
الجــــزء الاول
ليــــه تجرح من مــد لك ورده
ليــــه تطعن قلبي برماح الكلام
جاك قلبي يبي دفاك في عز برده
ومالقى منك أي معزه واحترام
ليه تكسر خاطري ليـــه قلبي ترده
بذمتك هاللي سويته ماهو حرام
ليـــه قسيت وليـــه قلبي عدوك تعده
ليـــــه ( تكرهني) وانا كلي لك غرام
التعريف بالشخصيات ::
محمد ( بو خالد): رجل بمعنى الكلمه يحب الخير للناس ولآهله ... يحب عياله وااايد ويشتغل عند بو زايد ف شركته ومخلص في شغله .. انسان ما همه شي في الدنيا غير سعادة وراحة عايلته وما يقصر في عياله ابد ...
مديه ( ام خالد): حنوووووونه وتحب عيالها مووت وزوجها ... وما ترفض لهم طلب وتخاف عليهم حتى من الهوا الي يتنفسونه خاصة بنتها ميثه لأن الكل كان يحسدها ع جمالها ...
ميثه: دلوعة امها وابوها متعلقه ف امهاا واايد وما تتخيل يوم تبتعد عن امهاا... عمرها 9 سنوات..حنطية البشره ملامحها حلوه وعيونها ناعسة ورموشها طوال وكثيفه وسوود وكبار ووساع محدده باللون الاسود طبيعي بدون ماتكحل عيونها وخشمها كالسيف وخدودها الموردة وشفايفها الوردية وشعرها اسود كسواد الليل وطويل لآخر ظهرهاا.. الكل كان يشهد بجمالها والحريم كانوا يحسدونها ع جمالها الطبيعي ودايما يقولون " اذا هي صغيره آيه من الجمال يعلم الله يوم بتكبر"...
خالد: عمره 21 سنه ... طويل وابيضاني وحليووو..شخصيته قوويه مع ذلك يحب المزااح .. يحب غاليه بنت بو زايد واايد بس محد كان يعرف بعلاقتهم ويعشق شي اسم ميثه اخته يحبها موووت بالرغم من ضرابتهم دوووم ويا بعض .
ــــــــــــــــــــــــــــــــــــــ
سعيد (بو زايد) : قوي الشخصيه وعصبي لآاخر درجه و كلمه ما تترد عنده .. يحب شغله ويعتبر من كبار الشخصيات في راس الخيمه .. ومايحب حد يدخل في شوؤن حياته وحياة عايلته..
فاطمه (ام زايد ): حقوده .. ماترضى بالقليل تأخذ فوق حقها ومايعجبها العجب.. همها ف الدنيا الفلوس ووووبس.. بس بعد اتحب عيالهاا وزوجهاا..
زايد: انسان حبوب مرح.. طيب قلب .. شخصيته يعني فوق الخيال..يحب امه وابوه وايد خاصة ابووه مايحب يزعله ويضايجه ابد.. عمره 12..ابيضاني وشعره ناعم واسود وقصيروعيونه سوود .....ونظرته حااده... يحب نفسه واثق جدآ بنفسه.. وما يحب حد يقوله انه ياهل صغير دايما يعتبر عمره كبير وقد المسوؤليه..
قصايد: براءة الدنيا كلها ف ويها ... طفوووليه وتحب اللعب والمزح .. اتموووت على اربيعتها ميثه وتعتبرها اختها الثانيه مب بس اربيعتها توأم روحها...بيضه ومليانه شوي دبدوبه وخدودها دايما حمررر وشعرها مب طويل واايد ولا قصير وبني... عمرها من عمر ميثه 9 سنوات وفي نفس المدرسه والصف..
مشاعل: دلوعة امها...بنت 4 سنين .. مايخصها فـ حد 24 ساعه فغرفتها عند العابها وعرايسها..اخت قصايد الصغيره...
غاليه : عمرهاا 18 سنة.. جميله وطويله وضعيفه وشعرها طويل وااايد.. ماتحب تقعد ويا اهلها واايد دايما ف غرفتها وعلى اللآب والفون... وتمووت ع خالد.. وكل اسرارها عنده.. غامضه شوي.. اخت قصايد ومشاعل
ــــــــــــــــــــــــــــــــــــ
موزه: بنت ييران قوم بو زايد ... حقوده وماتحب حد يرمس ويا زااايد تعشقه وتحبه مووت عمرها 9 سنوات.. بيضه وشعرها قصير واايد واسود ونااعم..24 ساعه تلعب ويا عيال الييران...
مروان: اخو موزه وكبر زايد ف العمر .. خقاااق... شخصيته قويه .. مايحب اللف و الدوران.. محبوب من الجميع .. .. وراسه يابس..مب طويل وااايد شرات زايد وضعيف وشعره قصير..
احــبك من صغر سني ** ما بالغ من يوم ميلادي
اشرقي يا شمس الحياة لتغرد العصافير ولتتفتح الزهور ولتشرق شمس الحب من عيون العاشقين وليملؤا ايامهم فرح وسرور وعشق ومحبه...
قمت من الارقاد بسرعه بسرعه وربعت الحمام وتسبحت ولبست جلآابيه حمره .. طلعت من الغرفة مشيت شوي شوي لغرفة ماماتي عسب ماتشوفني ..رحت صوب التسريحه ويلست امشط شعري وتعطرت بعطر ماماتي.. وقفت وشفت عمري وبتسمت..طلعت من الغرفه وركضت صوب الباب وطلعت من البيت وانا اسمع صوت ماماتي....
مديه ام خالد : مييييييييييييييييييثه تعاااالي وين سايره ****لله من الصبح؟
تجاهلتها وضحكت وكملت طريجي وانا امشي بسرعه بسرعه ..وقفت صوب بابهم وانا اشوف ابوه بو زايد نازل من السياره وشكله تعبان من الشغل تجدمت صوبه ومديت ايدي وسلمت علي..
سعيد بوزايد: هلا ميثاني اشحالج؟ اشوفج ناشه من الصبح اليوم؟
نزلت راسي من المستحى وبتسمتله وقلتله: وين قصايد؟ وووووو نزلت راسي مره ثانيه...
عرف بو زايد منو كان ف بالي وقال وهو يضحك: اتلاقينه راقد الحين... روحي لعووزيه وقوميه.. ودخل البيت وسلم على مرته وعلى حرمة جاسم (سلطانه) ..ساكنين ف الفريج الثاني... تعتبر سلطانه اعز اصدقاء ام زايد و24 ساعه ف بيتهم تتغدى وتتعشى وياهم ولآ تهتم ف عيالها اونهم كبار خلآاص يقدرون يعتمدون على انفسهم...
دخلت ورى بو زايد شفت ام زايد يالسه اتشوفني تجدمت منها وقلت لها : هلا عموه اشحالج؟
فاطمه ام زايد: شوو ماصدقتي خلصت المدرسه وييتي ربع بيتنا ؟ هاا شو تبين؟
نزلت راسي .. اممم اتولهت على .... على قصايد وقلت اي العب وياها اكيد هي بعد اتولهت علي؟
فاطمه ام زايد: لييش حبيبتي انتوا ماعندكم ساعه ف بيتكم اتشوفين الساعه كم الحيين؟
ميثه: بلى عمووه بسس مليت وماعرفت شو اسوي؟
فاطمه: سيري عند شاما الخدامه قوليلها اتحطيج الريوق ف المطبخ وعقب بتنش قصايد بخليها اتييج المطبخ يالله روحي..
ميثه وبصوت طفولي وعيونها تلمع: خلاا ص عموه اول ما تنش قصايد خليها اتي بيتنا ووو وزايد بعد؟
فاطمه: اوكي يالله روحي... وقالت بصوت غير مسموع عسب ما تسمعها ميثاني " صدق ماتستحي على ويها .. ماعرفواا يربونها عدل جليلة الحيا تتحراني ما سمعتها وماعرف انها اتحب ولدي صدق مب مربايه عدل" المهم شو كنتي اتقولين سلطانه .. بلآاها مرت عبدالله؟ وكملوا الحش فالناس...
طلعت من بيتهم ومنزله راسي .... وقفت صوب كراجهم ويلست ع الارض العب بالرمل اترياهم يقومون عسب العب وياهم وخاصة زاايد.. الكل كان يعرف هالشي من اسلوبها ومن كثر شوقها وحبها له ماقدرت اتخبي هالشي ف صدرها وقلبها الصغير بس للأسف زايد مايبادلها هالشي يعتبرها اخته حالها وحال قصايد واحد ...
ميثه: اففففف متى بيطلع يلعب وياي؟ اووويييه نسيت ما يبت الدرهمين مالي... اففف الحيين كيف بشتريله آيس كريم... عآدي لآااه اليوم مابشتريله شي ... بيتريق ويا امه اكيد ... وكملت لعبي ع الرمل...
انت لي حلم الطفوله .. اول اسم عشقت اقوله
صعب افارقك بسهوله ... او ابدلك شريـــك
قصايد: بوووووووو
ميثه: حماااااااره.. اهئ اهئ ماحبج خوزي عني.. اهئ اهئ
قصايد: ههههههههههههههههههههههههههههههههههههه... ليش يالسه برع تعالي داخل؟
ميثه: لا مابا.. تعالي وياي بروح بيتنا وبشل من عند ماماتي بيزاتي وعقب بنروح الدكان؟
قصايد: انزيين صبري شوي بروح آخذ من عند امايه؟
ميثه: لالالا مابتخليج عقب تطلعين لو شافتج؟
قصايد: لا عادي بقوللها بطلب من التلفون؟
ميثه: انزيين بسرعه لا تتأخرين؟ حراااااانه..
قصايد: ههههههه انزين..
وقفت عسب انظف عمري من التراب .. رفعت راسي وشفت زايد واقف ويالس يشوفني.. ابتسمت وقلت له: صباح الخير زايد؟
زايد: ما تعرفين متى بظهرون الشهايد؟
ميثه وبضحكه طفوليه : لااا لييش؟ لا تخاف زايد اكيد ناجح انت؟
زايد: اكيد وغصبن عنج بعد هههههههه بس انتي اكيد رااااسبه.. هههههههه
فجيت عيوني وسويت عمري معصبه : لااااا ماماتي ذاكرتني عدل واصلن الامتحان كان سهل وعطيته ظهري ... وضحكت بس من دون صوت .هههههه
دزني زايد وربع وقال لي: رااااااسبه ههههههههههه...
ميثه: لالالا مب راسه انت الراسب .. ماشفتك اتذاكر ايام الامتحانات فاكييد انت الراسب مب انا...
عصب زايد وتجدم صوبي وقرصني بالقوو...
ميثه: زاااااااااااااايد هدني يعور والله .... انزلت الدموع من عيني .. هدددني زاااايد يعورررر بخبر عليك ماماتي؟
زايد: شووو شووو قلتي؟ انا ما اخاااف من حد تسمعين عادي سيري خبريها ما خاف منها انا؟
ميثه: انزززين هدني خلاص .. بشتريلك حلاوه الحيين انا وقصايد بنروح الدكان..
زايد: مااابا عادي انا مب ياهل شراتج .. بس اممممم اشتريلي آيس كريم تسمعين؟
ميثه: انزززين وهزيت راسي بالموافقه..
حطيت ايدي مكان القرصه وكان يعورني بالقو بس ماكنت ابا احسسه انه يعورني عسب ما يزعل ولا يخاف .
زايد: انا بيلس ويا ربعي صوب النادي تعالوا انتوا وعطوني الآيس كريم وروحوا لا تيلسون ويانا عييب؟
هزيت راسي وفداخلي فرحاااانه مووووت.. وانا اقول ف خاطري واشوف زايد يبتعد عني " اكيد يحبني ويغار علي مايبا حد من ربعه يشوفني " حطيت ايدي على حلجي وضحكت...
قصايد ومعقده حواجبها : ليش تضحكين؟
مسكت ايدها وركضتـبها صوب بيتنا وانا مستحيه موووت ...
ميثه: اترييني انزيين مابتأخر؟
قصايد: اوكيه.. ييبيلي ماي وياج.. عطشت؟
ميثه: انزيين
دخلت وربعت صوب المطبخ وشفت ماماتي اتقطع الخضرا رحت ويلست حذالها ...
مديه ام خالد: وين خلووود؟
ميثه: ماعرف.. يمكن راقد ؟... امممم ماماتي ابغي درهمين ابا اروح الدكان ويا قصايد؟
مديه ام خالد: ماشوفها عيل قصايد؟
ميثه: واقفه برع تترياني؟
مديه ام خالد: ولييش ما دخلتيها داااخل عيب عليج؟
ميثه: لا عادي.. ترانا بنروح الدكان؟ يووعانين؟
مديه ام خالد: وابوووويه علييج ؟ قووومي روحي ازقريهاا بسررررعه؟
ميثه: ههههه اسولف ماماتي مب يوعانين بس نبا حلاوه؟ يالله بسرعه ماماتي قبل لا يسكرون ؟
ام خالد: اقووولج روحي ازقريها ماتسمعين انتي ولا شوو؟
قمت من امكاني ومديت بووز وتميت اطالع ماماتي وانا امعصبه لين ما وصلت صوب الباب: زيييييييين ..طلعت برع عسب ازقر قصايد وشفتها شاله كرتون وتهوي عمرها فيه وتتأفف ضحكت واشرت عليها هههههههههههههههه
قصايد: يااا الحماره ليش تأخرتي كنت اشوي وبصيح ؟
ميثه: تعالي تعالي داخل ماماتي ماخلتني ؟
دخلنا ورحت وياها للمطبخ صوب ماماتي ... افرشتلنا امي تحت وحطتنلنا ريوق .. راحت قصايد اتسلم على ماماتي ويلسنا عقب تحت وتمينا نتريق ...
بيتنا كان غير عن بيت قوم قصايد ...بيتنا كان وااايد بسيط ..اما بيت قوم قصايد كان بيت فخم فله ووحواليه زراعه مزروع فيه الشير والوورد ..
وشوي سمعت صوت باباتي ينادي على ماماتي قمت من امكاني وربعت صوب باب المطبخ ولويت على باباتي وشلني فوق شوي وعقب نزلني...
محمد بو خالد: فديت خشمج انا ...
ميثه: باباتي لييش نزلتني؟ اهئ اهئ
بو خالد: متنتي ماقدرت عليج واايد ههههه
مديت بوز وقلت : يالله قصايد بسج زط قوووومي
بو خالد: خليها تاكل شو وراكم ؟ شيخة البنات هاي..
استحت قصايد وضحكت هههههههههه ولفت صوبي وطلعت لي لسانها
رحت صوب باباتي ولويت عليه وتم يمسح على راسي ...
ام خالد: محمد اصبلك حليب؟
بو خالد: لالا عقب بتريق مب يوعان ..
ميثه: باباتي؟
بو خالد: وين خالد عيل ما اشوفه؟
ام خالد: مادريبه يمكن راقد ؟
بو خالد: سيري وعيه ميثاني بسه رقاااد .. مايعرف شي هذا غير الارقاد
ميثه: بعدين باباتي المهم اممممم باباتي؟
بو خالد: هااا باباتي؟
ميثه: ودني الجمعيه .. انا وقصايد .. وقفت وجابلته حرام باباتي حرام اهئ اهئ
بو خالد: ههههههه انزيين وانا شو قلت لج الحيين عسب اتصيحين؟
ضحكت ههههههه لالا ما صحت كنت امثل هههههههه
نشت قصايد اول ما اسمعتنا ... يالله ميثاني خلينا انروح نتريا عمي برع عسب ما نأخره؟
ام خالد: هههههههههههه حرام عليكم قومتوها من اكلها .. كملي كملي اميه وعقب بوديكم محمد؟
قصايد: لالا عادي اصلن انا شبعت..يالله ميثاني
هزت راسها ام خالد ورحنا انا وقصايد ركض برع نتريا باباتي .. وشوي طلع باباتي وركبنا سيارته ونحن ميتين من الفررررح مب امصدقين بنروح الجمعيه ونشتري حلااوه على كيف كيفنا وبيزات باباتي .. مرينا صوب النادي وشفنا زايد يالس يلعب ويا ربعه ...
قصايد: لالالا لاتوقف عمي خله يولي.. بنشتريله نحن .. بخسرك زايد مايصدق يشوف بيزات؟
ضحك بو خالد من الخاااطر على رمسة قصايد وقال: حراام .. عقب بصيح زايد
ميثه: هييه حراام عليج قصايد هذا اخوج خلي ايي ويانا باباتي " وانا مستانسه من الخاطر ف قلبي "
قصايد: لالالا حرااام عمي لالالالا ابا اغايضه ف البيت لا تركبونه اهئ اهئ
بو خالد: انززززين شو رايج اخليه يشتري بس خمس ريال وانت 50
ماصدقت قصايد وشهقت بصووت عااالي .. والله عمي بتخليني اشتري بـ 50 .. والله احبك انا عمي ابا اتم عندكم مابرد بيتنا بتم عندكم انا وبتسمت..
ضحك بو خالد ووقف صوب النادي ودق هرن عسب ينتبه زايد وايي صوبنا..
زايد: هلا عمي؟
بو خالد: هلا زيوود قم تتعال اركب السياره.. شو اتسوي تلعب من الصبح وفالحرر.. بتسوود..
ميثه + وقصايد: هههههههههههههههههههههههههههههههههههههههههههههههههه هههههههههههه
زايد: جب اسكتواا من بياضكم عاد الحيين .. انتي اييه دبووه شو تسوين ؟ وين رايحه ****لله؟
بو خالد: ههههه اركب اركب بوديكم الجمعيه؟
ما صدق زايد وفج عنونه ع الآخر.. والله.. وفتح الباب وقال: انزلي يا الراسبه سيري اركبي ورى .. الجدام بس حق الرياييل يالله انززززلي؟
ميثه: مابنزل كيفي ..سيارة باباتي مب سيارتك انزيين وطلعت له الساني..
زايد: عمي قولها تنزل اففف حرااان .. مليت من الوقفه.؟
بو خالد: انزلي اميه روحي اركبي وراا .. ماتبين تقعدين ويا اختج قصايد؟
قصايد: تعالي ميثاني ورا احسن نقدر انشوف كل شي؟
ركب زايد جدام وقال: لا والله ..لآيكون تقدرون اتشوفون باريس بعد وانا مادري وانتوا يالسين ورى؟ ههههههه
قصايد: مايخصك انت تسمع تراا والله بخبر عليك امايه؟
زايد: جب يالدبه...
وكملنا طريجنا للجمعيه .. واول ما وصل باباتي .. فـتحنا الباب وركضنا داخل الجمعيه انا وقصايد وزايد وكل شوي زايد يقولنا يوم بتشوفوني لاتون صوبي روحوا بعيد عني ادريبكم تبون تشترون مثلي؟ سوو عماركم ما تعرفوني..
قصايد: احسن بعد .. هييه صح لا تخسر عمي لا تشتري وايد بس بخمس ريال تسمع.. سوتله مالت وربعنا ...
راح باباتي يتشرى ويا زايد وانا وقصايد مع بعض..
ميثه: قصايد شو رايج بهذا احس طعمه رووعه؟
قصايد: افففف منج اسكتي خليني اختار على راحتي ولا اقول روحي بعيد عني افففف
ميثه: ماعليه ماعليه بنشوف عقب...بااااااااي
قصايد طاااااااااف ويالسه تتنقى الحلاوه الي يعيبها وتارسه السله كله حلااااوه
وعقب نص ساعه ... زقرنا باباتي عسب انرد البيت لانه تأخرنا واايد واكيد ماماتي بتيلس اتحاتينا ردينا البيت من دون حشره كل واحد ماسك كيسه ويشوف حلاوته الي اشتراه ...
ام خالد: جان اشتريتي الجمعيه بكبرها بعد .. خليتي شي؟ الله يهديك محمد الحيين منو بيتغدى؟
بو خالد: خليها يا مديه احليلها ...
ميثه: مااااااااماتي حراام عليج ..لآ تخافين ماباكله كله اليوم بس شوي .. وبتغدى بعد هههههه
ركضت داخل لغرفتي عسب اعزل الحلآاوه نصه لي ونصه لزاااااايد...
خالد: ايييييييييد انتي؟ وين كنتي؟
ميثه: ما يخصك .. ماتشوف فايدي حلااوه يعني وين بكون ****لله؟
خالد: اييه انتي احترمي الي اكبر منج تسمعين قبل لا اضربج ببوكس ف كشتج ههههههههههه؟
ميثه: ما تضحك انزيين مالت عليك
خالد: تعالي صح اقول .. يستوي اضربج ببوكس ع كشتج ههههههههههه
ربعت عنه غرفتي وقلت له بصوت عالي مينوووووووووووووووووون واحد
راح خالد وسلم على ابوه وباسه على راسه : صباح الخير ..
ام خالد: جيه انا مالي رب؟؟؟
راح خالد ولوى عليها ... فديتج انا ياربي وفديت خشمج ...
ام خالد: خوز عني لااااااه ... هييه لو ما قلت لك جان سويتلي طاف .. خوووز لااااه
بو خالد + خالد: ههههههههههههههه
خالد: الله لا يحرمني منج يارب .. يا احلى ام فالدنيا والله..
وقفت صوب الباب وقلت: ماماتي؟
خالد: افففففففففففف شو تبين ؟
ميثه: انت منو رمسك؟
خالد: ايييه انتي .. منو الي علمج ترفعين صوتج على اخوج العوووود هاااا؟
ربعت صوب باباتي ونخشيت وراه.. باباتي شوفه دووومه يضاربني ... اففف مب حاله هاي .. اهئ اهئ
بو خالد: خلووود خلها عنك احليلها شو تبابها .. ياهل ماتعرف شي خلها فديتها انا ...
طلعت الساني لخلود ورحت صوب ماماتي وخذت طماطه من الصحن... يمــــــــــي
خالد: وعععععع ... روحي غسلي ايدج اول شي ...من وين يبتوها انتوا هاي.. من الزياله يمكن؟
ميثه: جب جب باباتي شووووووفه؟
بو خالد: خاااااااااالد وراح ويلس صوب ماماتي عسب يتغدى... تعالي ما تبين تتغدين؟
ميثه: لاااا مب يوعانه؟
ام خالد: كله منك وديتها الجمعيه الحيين شو بأكلها؟
وكملواا اكلهم .. رحت عنهم الصاله ودقيت حق قصايد تلفون ...
طوووط طوووووووووووووط طووووووووط طوووووط
.... الووو
ميثه: ..........
زايد: ارمسي يالراسبه؟
سكرت ف ويهااا .. افففف منه واتصلت مره ثانيه... طووووط طووووط
زايد: اففف منج .. اذيه انتي؟
ميثه: جب يالراسب .. عطني قصايد حبيبتي؟
زايد: شو حبيبتي بعد .. عيب ما تسحتين على ويهج؟
ميثه: ما قلت شي انا .. عادي اربيعتي مثل ما انت اتقول حق ربعك انا بعد اقول حق حبيبتي وعمري وحياتي قصايد .. لايكون اتغار منها وتباني اقولك؟ ههههههههههه
زايد: اتهبين وعععع .. انا ريال ما اقول هالكلام... وبعدين لو ابغي اقول بقول حق موووزاني مب حقج انتي يالسباله..
عصبت وانقهرت وكان ودي اروح بيت موزان واييرها من شعرها ها الكشه وبنفس الوقت كان ودي اسكر ف ويه وسبه....
ميثه: وععع شو تحب فيها ؟ من زينها ؟ دبه .. كشه ... وع وع وع
زايد: مالت عليج ... اييه لا تغلطين عليها هاي قلبي؟
ميثه: بااااااااااااااااي...
زايد: هههههههههههههههههههههه..لا يكون صدقت..ههههههه
ربعت برع ف الحوي وشفت ماماتي ...
ام خالد: وين رايحه؟
ميثه: عند قصايد..
ام خالد: تعالي يلسي وياي... توج كنتي عندها ماشبعتي منها؟
ميثه: لاااا
بو خالد: لييش انشآلله ؟ شو عندك فـ دبي اهناك؟
صديت وراي وشفت باباتي ياي صوبي هو ووخالد ...
ام خالد: منو ؟ منو الي بروح دبي؟
بو خالد: ولدج بعد منو؟
ميثه: ماماااااااااااااتي برووووح انزيين؟
شلني خالد فوووق ... ميثه: هههههههههههه خلوود نزلني ههههههههه
خالد: قولي خالد اول شي ؟
بو خالد: نزلهااا عن اطيحهاا ... وتعال داخل ابا ارمسك؟
ام خالد: ماشي ماشي لييش ****لله اتروح دبي؟ بتسير ويا منو ؟
خالد: ويا اربيعي بعد ويا منو؟
دخلنا داخل ف الصاله وخالد بعده شالني فووق ....
يلسني بينه وبين ماماتي.. ابوووي كل ربعي بسيرون يتمشون الا انااا.. والله ما بتأخر عشر وانا فالبيت؟ ها شو قلت؟
ميثه: لاااا خلودي لا تروح وتخلني بروحي... صد صوبي خالد وتم يشوفني وبتسم وصد صوب باباتي وكمل كلامه: ها ابوي شو قلت والله ما بتأخر؟
بو خالد: الي يريحك .. بس هااا مابغي تأخير
قام خالد وراح باس راس ابوه ...
ميثه: خالد وين دبي ؟ بعيييييده؟
خالد: هييه
ميثه: عيل بي وياك؟ حراام خلود حرااام شلني وياك
خالد: وين تبين ؟ لالا كلنا شباب وين بتـنطين انتي؟ يلسي ف اليت اخير لج؟
ميثه: عيل ما ترووح .. باباتي لا تخله يروح اهئ اهئ
خالد: ههههههههههه .. تستهبلين.. من وين طلع هالحب؟
قمت من امكاني وانا حاطه ايدي على ويهي واصييييح ... رحت غرفتي... نش خالد من امكانه وشاف امه وابوه .. بلآاااهاا؟
ام خالد: بلااها بعد .. بتتوله عليك احليلها .. فديتها انا والله ...
خالد: بروح اشوفها؟
خالد: ميثاااني فجي الباب حبيبي
ميثه: ماباااااااا
خالد: كيفج بشل الحلااوه كله ...
ميثه: الحلاااوه عندي فـــ كبتي ؟
خالد: انززززين روحي شوفي التويكس .. سلمي عليه
ميثه: خااااااااااااااااالد لا تستهبل ... ربعت صوب الباب وفجيته ... ييييييييب الكاكاو والله بخبر عليك باباتي؟
شلني فووووق وهو يخوفني بضحكته هاهاهاهاهاهاها
ميثه: هههههههههههههه مااااماتي ماااااااااااااااماتي
فرني على السرير ومسك ايدي وريولي عسب ما اشرد وتم يقلد الاسد الي فالرسوم اونه يبا ياكلني ؟
ميثه: هههههههههه قوم عني خااص خلااااص روح ولاتي موول مابغي اشوفك مره ثانيه ...
خالد: ههههههههههههههه وعطاني بوسه امووااااااح ... وراح صوب الباب..
ميثه: خلووووووود
خالد: عيووووونه
ميثه: لا تنسى اتيبلي حلاااااوه وهدااايااا وعروووسه حقي وحق قصايد؟
تم يطلعني فتره وابتسم ... حيااتي فدوه لج خذيها .. شو تبين بعد؟
نزلت راسي اوني استحيت ... ويوم سمعته يضحك حطيتي ايدي على ويهي لاني صدق استحيت
خالد: لالا ما اتفقنا على جي نحن .. ميثاني الدفشه تستحي مني لا ها شي يديد علي؟ مانروم له هههه
ميثه: خاااااااالد اطلع برررررررى ههههههههه
ظهر وخالد: فديت الي يستحون انا هييه جيه اباج تستحين من اخوج العود وتحترمينه
ميثه: لا تنسى الحلاااوه ههههههههههه
حطيت راسي ع المخده وغمضت عيوني ونمت......................
من اكون انا بحياك ..ياترى قلبك وذاتك
ولا انا انسان عادي..مر صدفه في حياتك
ودي اعــــــرف وش هو قــــــــدري
واطفـــي نار توقد في صــــدري
آآآه ياروحي وياعمري.. من اكون انا بحياتك
ليه تخفي عني حبك..وانت تدري كم احبـــــك
فـ بيت بو زايد وخاصة فـ غرفة غاليه ... الغرفة كانت ظلااام وبااارده ونور يشع من زاويه الي كانت يالسه فيه غاليه ..كان نور اللااب ... كانت يالسه اتسولف ويا حبيبها ع المسن ع اغنية منصور زايد "عالم ثاني" وتخبره كل الي فقلبها وشو سوت اول ما نشت من الأرقاد ...
ودي اضمـكـ (في) عينـي عن النـآاس: اكييييد تستهبل ؟
ما حد بقلبي في غلاتج يساويج : لا ما استهبل حبيبي ... والله بروح وبرجع بسرعه
ودي اضمـكـ (في) عينـي عن النـآاس: وبتخلني بروحي .. يعني ****لله الحين ويا منو اسولف..
ما حد بقلبي في غلاتج يساويج : خلاااص يعني ما اروح ماستانس ويا ربعي .. فيس حزين ..
ودي اضمـكـ (في) عينـي عن النـآاس: هههههههههههه ... وربي احبك
ما حد بقلبي في غلاتج يساويج : بس
ودي اضمـكـ (في) عينـي عن النـآاس: هييه بس
ما حد بقلبي في غلاتج يساويج : اوكيه خلااص عيل باي بروح عند شغالتنا بخليها اتقول لي كلاام حلو
ودي اضمـكـ (في) عينـي عن النـآاس: خااااااااااااااااااااالد ...عن الاستهبال
ما حد بقلبي في غلاتج يساويج : ههههههههههههههههههه .. فديتج انا والله محد يساويج
ودي اضمـكـ (في) عينـي عن النـآاس: ومتى بترجع؟
ما حد بقلبي في غلاتج يساويج : اممم فليل ع الساعه 10 ****لله لييش؟
ودي اضمـكـ (في) عينـي عن النـآاس: لييش بعد احم احم بتوله عليك
ما حد بقلبي في غلاتج يساويج : امممم ابا اشوفج قبل لا اروح
ودي اضمـكـ (في) عينـي عن النـآاس: اوك عادي تعالي سلم على باباتي .؟ بتقدر اتشوفني جذاا
ما حد بقلبي في غلاتج يساويج : لالا .. اممممم
ودي اضمـكـ (في) عينـي عن النـآاس: بلآااك حبيبي؟
ما حد بقلبي في غلاتج يساويج : ابا اسولف وياج قبل لا اروح وبعيد عن بيتك
ودي اضمـكـ (في) عينـي عن النـآاس: لاااااااا والله
ما حد بقلبي في غلاتج يساويج : لا تفهميني غلط حياتي والله مب قصدي شي..
ودي اضمـكـ (في) عينـي عن النـآاس: عيل شو كنت تقصد؟؟
ما حد بقلبي في غلاتج يساويج : يعني صوب الكراج
ودي اضمـكـ (في) عينـي عن النـآاس: لالالا اخاف حد يشوفنا؟
ما حد بقلبي في غلاتج يساويج : اممم خلااص عيل .. على راحتج حبيبي
ودي اضمـكـ (في) عينـي عن النـآاس: زعلت صح؟
ما حد بقلبي في غلاتج يساويج : لا والله مازعلت ... وليش ازعل ... بس بغيت اشوفج وكلمج قبل لا اروح دبي .. لاتحرميني من صوتج وشوفج غناتي؟
ودي اضمـكـ (في) عينـي عن النـآاس: اوك
ما حد بقلبي في غلاتج يساويج : فديتج والله
ودي اضمـكـ (في) عينـي عن النـآاس: بس خمس دقايق
ما حد بقلبي في غلاتج يساويج : اوكيك المهم اشوفج
ودي اضمـكـ (في) عينـي عن النـآاس: انزين الساعه كم؟
ما حد بقلبي في غلاتج يساويج : امممم الصبح قبل لا اروح؟
ودي اضمـكـ (في) عينـي عن النـآاس: اخاف ابويه يشوفنا لانه مرات الصبح باباتي يرجع من الدوام
ما حد بقلبي في غلاتج يساويج : اممممم عيل خليها اليوم فليل
ودي اضمـكـ (في) عينـي عن النـآاس: اممممم
ما حد بقلبي في غلاتج يساويج : خلااص المغرب بيي بيتكم انا وبشوفج صوب الكراج اوك حياتي
ودي اضمـكـ (في) عينـي عن النـآاس: يعني عقب شوي؟
ما حد بقلبي في غلاتج يساويج : هييه غناتي
ودي اضمـكـ (في) عينـي عن النـآاس: اوكيه
ما حد بقلبي في غلاتج يساويج : يالله عيل حبيبي بطلع انا الحيين باي وديري بالج على عمرج
ودي اضمـكـ (في) عينـي عن النـآاس: خالد
ما حد بقلبي في غلاتج يساويج : قلب خالد ... عيون خالد ... آمري انتي بس؟
ودي اضمـكـ (في) عينـي عن النـآاس: يازين انا وشلون بصبر بفرقاك وانا غيابك ما تحمله ساعه ..
ما حد بقلبي في غلاتج يساويج : حقي ها الشعر ؟؟
ودي اضمـكـ (في) عينـي عن النـآاس: اذا مب حقك لمنو بكون ****لله؟
ما حد بقلبي في غلاتج يساويج : آآآآه قلبي ... والله بشتاقلج موووت
ودي اضمـكـ (في) عينـي عن النـآاس: لا تنساني اهناك ؟ هههههههه
ما حد بقلبي في غلاتج يساويج : ياكيف ينسى القلب طلة محياك وحبك طبعته وسط قلبي طباعه..
نشت من امكانها وراحت انسدحت ع شبريتها وغطت ويها بايدها وهي تضحك هههههههههههههه والله احبك خاااالد والله وحطت راسه ع المخده وتمت تسترجع كل الي صاار قبل شوي...
ــــــــــــــــــــــــ
ف الصاله....
قصايد: قلت لج قوووووووووووومي ما تسمعين قوومي يالدبه
مشاعل: انزيين بش واحد حلاام اسيد حلاام بش واحد حواوه
قصايد: ايييييييييييييييه قومي روحي غرفتج .... شو مظهرنج من غرفتج ..ماحيدج كل مره اتكونين ف الغرفه هالوقت ولا عند ماما قووووومي ... ويرت شعرهااا
صاحت مشاعل بصووت عالي : وااااااااااااااااااع اهئ اهئ وااااااااااااااااااااااااااع ماما وااااااااااااع
زايد: اييه انتي الدبه عطيها حلااوه
قصايد: جب انته هالحلااوه كله مالي ... عطها انزيين من مالك ؟
زايد: تعالي حبيبي مشاعل انا بعطيج خليها اتولي هاي الزطيه
راحت مشاعل تربع صوب اخوها زايد ... مشاعل: حواوا
زايد: هييه يالله بنروح الدكان يالله
ــــــــــــــــــــــــــــــــــ
خالد: ميثوووه حبيبي قوومي يالله بسج ارقاد
ميثه: هممممم .. افففف وصديت الصوب الثاني وكملت ارقادي
خالد: اوك كيفج كنت اوني بوديج المخبز عسب تشتريلج كيكه بس يالله شكلي بسير بروحي .. وقام من امكانه
ميثه: لا تتحرك .. انت فـ خطر
خالد: يالمكاااره انتي ... يالله بسج ارقاد قومي
وقفت ميثه وضربتله تااهيه ... نعم سيدي
خالد: خيبه لها الدرجه انتي اتحبين الأكل
ميثه: نعم سيدي احب الطعام كثيرااا .. اكثر منك ههههههههه
شلها خالد ووداها الحمام ..يالله اتغسلي واباج ف موضووع مهم ‘
طلعت من الحمام وما شفته رحت الصاله وشفت ماماتي يالسه اتشوف التلفزيون ...
ميثه: ماماتي وين خلووود
ام خالد: هااااا
رحت وحطيت راسي ع ريولها ورفعت راسي ..ماماتي حبيبتي وين خلودي
ام خالد: ماعرف قبل شوي كان اهنا
خالد: ميثااااني ...ميثااااااااااااااااااني
ام خالد: روحيله هاذو يزقرج
قمت من امكاني ورحت ووقفت صوب الباب ...هااااا شو تبااا؟
خالد: حبيبي ميثاني روحي اتبدلي وتعالي اباج بسالفه
تميت اشوف لبسي ...لييش اتبدل .. مابا ولفيت الصوب الثاني عسب ادخل
خالد: لييش ماتبيني اوديج المخبز.... عيل تبيني اوديج جذاااااا .. وهو يأشر ع لبسها
ميثه: اهااا ههههههههه انزيين صبر اشوي اترياني مابتأخر
بعد عشر دقايق ...
ميثه: خلود يالله انا جاهزه...
مسك ايدي خالد وطلعنا برع البيت ...
خالد: امممممم ميثاني حبيبي؟
وانا ماسكه ايد خلود وانط نط ... ميثه: هااا
نزل لمستواي ومسكني من اجتوفي وابتسم ... وتم يشوفني فتره .. ميثاني انتي حراانه
ميثه: لا لييش .. ؟
خالد: عيل ليش شعرج خرسان ماي وويهج محمر
ميثه: بس جذا هههههه لاني حرانه هههههههههه
ابتسم خالد ... ميثاني حبيبي انتي ....... ونزل راسه