بصراحه انا احسني اغار اخاف زوجي يكون له مشاعر اتجاهه لانه كان خاطب بنت عمه وانا كمان بنت عمه
طولت خطوبتهم وزوجي يقول لي لا وانا عارفه من زمان انو زوجي لفلانه
وهي كانت صغيره يمكن هي اصغر مني بسنه او سنتين
لكن احسني اغار خوفي يكون فيه حب لها
بس فسخو الخطوبه واللي عرفته انها من البنت بس مو متاكده من الاسباب اللي قالي زوجي وبعدها خطب وحده ثانيه وشافها وما اعجبته انا ماهمتني الثانيه بس الاولى مدري يمكن عشان الخطوبه طولت
المهم احسني اخاف يكون له مشاعر اتجاهها وسولفي زوجي بس متاكده ماقال كل شي بس قالي لو كنت ابغاها كان اخذتها يعني ما يتنازل بسرعه وقالي اصلن قبلها كنت ابغى وحده غيرها انا انقهرت وعرفت مين وعرفت انها متزوجه وانه اللي اخذته ولد خالتها وتحبه وقلت الكلام لزوجي عشان معاد يفكر فيها بس يحلف ويقول ما دخل قلبي الا انتي ومن اول ماشفتك ولو كنت ابغى الثانيه اللي هي بنت عمي كمان كان سويت المستحيل عشان اخذها اشوفها في المناسبات مالي علاقه معها ابدآ مره وحده سلمت عليه مع امها بعد ما تزوجت
وهي انخطبت بعد زواجنا والحين صارت متزوجه والحمدلله ارتحت صراحه وكان يقول كنت اسولف لشباب ما احس بحاحساس اللي خاطب وقت خطوبته
وفي النهايه محد ياخذ في الدنيا الا نصيبه والحمدلله ربي رزقني بزوجي
واحبه ويحبني يارب قربنا لبعض وحببه فيني ولا يشوف غيري يارب وانك تحفظه عن كل شر وعن بنات الحرام واولاد الحرام ربي استودعتك زوجي فا احفظه لي اينما كان واحفظ لي سمعه وبصره وفرجه يارب وعافيته وشبابه وارزقنا من فضلك وازرقنا الذريه الصالحه

عادي ما اغار الله ما كتب نصيب و الله يستر عليها

دامه يحبني و حاطني بعيونه

انا زوجي متزوج ومطلق بس امه الله يشفيها ذبحتني كل ما جلست معها تسولفلي عنها وانا كنت أجاملها واسكت بس في يوم تضايقت منها ورحت لزوجي قتله ما تسمع امك كل شوي فلانه وفلانه خلاص فلانه راحت وانا جيت ما تحترم مشاعري طبعا ظحك وقال نفس كلامكم تغاري من الماضي.. جلست بحرتي وفكرت وجت في بالي فكره ومن رجع قلتله قبلك اخطبوني عشره واحد كان خلاص ابوي موافق عليه المهم اسود وجهه وتغير وقال غيري السالفه.. احيانن الغيره حلوه.

انا اول خطبه الحمدلله ماخطب قبلي زوجي ف ماعرف هالاحساس ..
بس انا لا خطبوني قبله كثير ومافي نصيب
واعرف زوجاتهم حاليا كلهم عاددددي ماعدا وحده ...
لاشافتني تصد واستغربت منها
بس عرفت ان السر في ام زوجها تمدحني قبالها
وسمعتها ب اذني الله يهديها وزوجه ولدها تركت المجلس وقامت
وانا انحرجت منها
وقلت لها ليه ياخاله كذا كله نصيب زوجه ولدك مابتلقون مثلها
بعدها زوجه الولد زارتني في بيتي وجابت لي هديه
عرفت انها سمعتني امدحها لخالتها ودافعت عنها واخذت حقها
من يومها صارت عادي معي .. الحمدلله
يابنات بلا هبال تغارون من شي ماضي ترا كله قسسسمه ونصيب..

انا بعد زوجي خطب قبلي كتير يمكن 3 او 4 وكلهم من اهله او قرايبه لانهم ياخدو من الاهل بس ماصار نصيب سبحان الله هو رافض لان الي يخطب له امه او اخواته من راسهم
انا مااغار منهم بالعكس احس هم غايرين ليش خداني وماكمل معهم عادي طبيعي اي بنت كدا هو حكالي الموضوع وانا عادي ماركزت بس انقهر لو انفتح الموضوع من اهله لما جت جدته عندنا زياره كانت تطالعني بنظرات غريبه عشانه تزوجني لانه كان خاطب بنت ابنها بس تناظرني احس فوق راسها استفهامات كتيره تدور وكل شويا تقول سبحان الله كان خاطب بنت ولدي وسبحان الله وين صار النصيب كل دقيقه تعيدها الجمله
لان انا مااقرب لهم ولا من نفس مدينتهم فااحس الغيره منهم مو من طرفي