وضحى اخت سند @odh_akht_snd

عضوة نشيطة

تغازل اخوي وانا اتفرج حسبي الله ونعم الوكيل

السلام عليكم ورحمة الله وبركاته

انا صديقة وضحى ودخلت من يوزرها ماقدرت اسجل بالمنتدى
اخواتي بنات حواء مالي الا الله ثم انتم

ماعندي خوات وانتم معتبرتكم مثل اخواتي وافضفض لكم

اخوي اللي اكبر مني طبعا هو اكبرنا عمره تقريبا 25 سنه طيييب مرره وقبل 6 شهور تغير تغييير جذري كان له اهتمامات وانشغل عنها وداااايم اشوفه مشغول بجواله وتارك كل شي على جنب انا صراحه شكيت بالموضوع وش السالفه ليش دايم على جواله وماله نفس لاي شي لااكل ولا غيره

بالغلط شفت مكتوب (ناصر دلال مو دايمة لك وانت رجال تختار ع كيفك لاتعذر بأهلك) طبعا انا هنا انصدمت دلال مستحيييييل وتأكدت من الرقم ولقيتها هي فعلا يعني تبيه يتزوجها غصب عن امي تدري ان امي ماراح توافق حسبي الله ونعم الوكيل قلبت اخوي راسا على عقب كيدها عظيم ،،

طبعا دلال امها بنت عم امي وامها نكدت علينا ونكدت على امي عيشتها >> طبعا قصص تشيب الراس لو اكتب من هنا لين بكره مايكفي

وامي مستحييييل توافق من الويل اللي شافت منهم بس اخاف يتزوجها غصب علينا
والبنت تراسل اخووي وتكتب توبيكات عن الحب والغرام عشان اخوي واخوي كل مايسهى عنها تشششده لها

وش السواه يابنات مانبي ندخل بمشاكل مالها اول ولاتالي لاتزوجت اخوي اكيد بتصير مشاكل وتدّخل امها بكل كبيره وصغيره وينكدن على امي انا ماآمنهم على امي يعني لاسمح الله لو تزوجت راح تسكن ببيتنا

بنات رجآء لاتجي وحده وتقول طيب عادي يمكن طيبه وكذا لاااااااا هي ذكييييييه وزي امها مغروووره مررره وكيدهن عظيم واخاف على اخوي يتعلق فيها ويصير زي الخاتم بإصبعها بذاك الوقت راح ينسانا كلنا

زي ماامها مسويه بزوجها موريته نجوم الليل بعز القوايل ويخاف منها ويحسب لها الف حساب وتارك امه واخواته

طبعاً اخوي واعرفه ماراح يقتنع اذا تكلمت معاه يكفي انه عارف كل اللي صار بين امي وامها ومع ذلك يراسلها ويبيها

ابي خطه او حل يبعد عنها او
تبعد عنه بأي طريقه بدون مايدرون انه انا
تكفووون الله يبشرها باللي تبي ويحقق امنياتها اللي ترد علي

يلزم عليك تسجيل الدخول أولًا لكتابة تعليق.

تسجيل دخول

aaassss19 • 8 سنوات

قولي لاخوك ياغالي صديقتي تقول بنت عمها تكلم أخوها ويقول عنها عند خوياه اتسلى فيها كيف تكلمني بكره تكلم أحد غيري خليه ينتبه لهذي النقطه ويفكر فيها بعدين تخيل يااخوي وهي تحبه شكلها بس غلطت يوم جات من الشباك لو تحبه فيه الحلال

أنا ندمانه • 8 سنوات

aaassss19 :

قولي لاخوك ياغالي صديقتي تقول بنت عمها تكلم أخوها ويقول عنها عند خوياه اتسلى فيها كيف تكلمني بكره تكلم أحد غيري خليه ينتبه لهذي النقطه ويفكر فيها بعدين تخيل يااخوي وهي تحبه شكلها بس غلطت يوم جات من الشباك لو تحبه فيه الحلال

قولي لاخوك ياغالي صديقتي تقول بنت عمها تكلم أخوها ويقول عنها عند خوياه اتسلى فيها كيف تكلمني بكره...

لا احس برضو ماتصلح بيخطبها عشان تصير حلاله لان البنت مو هي اللي تخطب الرجال هو الي يخطب...

مادري الله يعينكم والله ان شاء الله البنات يفيدونك بس حاولو تلمحو قدامه ان لو ايش مانتزوج من ذيك العيله او ناخذ منهم بعد اللي سووه فينا...

غروب الذكرى • 8 سنوات

بسيطه قوليسمعتها مب زينه وان الناس تسبها وتتكلم بشرفها
وانتي ماكذبتي فعلا هي ساقطه ولازم تبعدينه من هالناحيه شككيه فيها
الرجل ماراح يبعد الا اذا شك فيها

أم سآري • 8 سنوات

لاحول ولاقوة الا باللهالله يكتب اللي فيه الخير
مادري صراحه ليش تربطوون مشاكل العائله باالابناء وزواجهم
اذا هو من نصيبها مهما سويتي وفعلتي ماراح تقدري تبعديهم عن بعض لاتكيدين لهم وادعي لاخوك بالخير
استعيني بالله والصلاة والدعاء
المكيده ماراح تجيب نتيجة اكثر من انها راح تسبب مشاكل

أم سآري • 8 سنوات

غروب الذكرى :

بسيطه قوليسمعتها مب زينه وان الناس تسبها وتتكلم بشرفها وانتي ماكذبتي فعلا هي ساقطه ولازم تبعدينه من هالناحيه شككيه فيها الرجل ماراح يبعد الا اذا شك فيها

بسيطه قوليسمعتها مب زينه وان الناس تسبها وتتكلم بشرفها وانتي ماكذبتي فعلا هي ساقطه ولازم تبعدينه...

اتققي الله
هذا واحنا في أيام فضيله
استغفر الله العظيم