تغذيه الطفل بعمر السنه

الاكل من اكلكم عادي بس كثري لها الاشياء الي تحسي فيها فايده بطاطا دجاج خضار زبادي رز مصري عصيده فواكه واحسن حفايض جربت بيبي جوي وبامبرز كلهم زينه بس بامبرز ناسبت بنتي اكثربذات بعد السنه حركتهم ماشاءالله كثيره

الطفل اذا وصل عمر السنه يصير ياكل من اكل البيت خلاص ماتسوي وجبه خاصه فيه الا اذا هو يحب نوع معين .

كل شي تقريبا مسموح له بهالعمر من كل انوع الأكلات .. فقط المكسرات ابعديه عنها لحتي عمر 5 سنين .

الحليب اذا ماتبغي تستمري تعطيه البودر المخصص لفوق السنه تقدري تستخدمي حليب البقر الطازج او النيدو .

والاكل حاولي تهرسيه بشكل بسيط حتى يساعده على المضغ لانه لسى مافيه طواحن .. وعطيه كمثرى او خوخ او شريحة خيار ياكلها لوحده اذا فيه اسنان من فوق وتحت حتى يستمتع بعملية المضغ وتجربه جديدة عليه .

وبشكل عام حاولي تخليه ياكل بنفسه بصحن مخصص له .. المكان بيصير فوضى وحوسه لكن راح يفرح انه يحاول يعتمد على نفسه .

موفقه .

بالنسبه للحفايض انا عيالي تجيهم حساسيه وحبوب في منطقة الحفاظ اسمها الحصف ,, السبب هو انكتام منطقة الحفاض وارتفاع درجة حرارة الجلد وعدم وجود تهوية مناسبه من الحفاض نفسه .

جربت انواع كثير لكن ماناسبهم الا بامبرز رعاية خمس نجوم لأنها مره رقيقة وخفيفه .

لازم تجربي انتي بنفسك معهم وتتابعيهم لأن مو كل الحفايض تناسب كل الاطفال .

البامبرز هو الوحيد اللى ناسب عيالى جربت لهم كل شى على طول التهابات
الاكل خلالص زيكم بس حاولى تنوعى وتكثرى من المهروس زى السليق او الجريش

نفس اكلكم ارز خضارفواكهه زبادي سمك دجاج اي شي معاكم بس قطعيه صغار عشان الهضم ولان ماعندهم اسنان كافية للطحن
وعصائر طبيعية
وبالنسبة للحفائض بيبي جوي حلوة ومناسبة جربيه او الا انتي متعودة عليه استمري عليه