هههههههههههههههههههههههههههههههههههههههههههههههههه

ام كشه ...ضحكني اسمك ...هههههههههههههههههههههه
:26:

ليش لو شفتيني بتضحكين أكثر:28: :28: :06: :(

أم كشة :حلو اسمج ما يضحك كانو ينادوني فيه يوم كنت صغيرة حبيبتي اذا تبين أنا بغلف لج الهدايا قولي لي كم هدية وشو أحجامها وشو المناسبة وبتشوفين اشلون أنسق لج :26:

السلام عليكم

عزيزتي شوفي موضوع الفهرس المثبت في أول القسم فوق ورح تلاقي الكثير الكثير من مواضيع تغليف الهدايا بس دوري شوي وإن شاء الله بتلقي أشياء تعجبك

أم كشة..أنا جيت..
باااااااااااااك..
كيفكم..
أنا عند وعدي يا أم كشه..
بس ان شاء الله ما تكونين مليتي من الانتظار.. >>>>متحمسة مرة..
طيب خلينا نرجع للموضوع..
طبعا تغليف الهدايا هواية حلوة فيها ابداع وتجديد و في نفس الوقت فن ذوق..
مع ان الأغلبية يحبون الاعتماد على المحلات المتخصصة بس أظن ان قيامك بنفسك بتغليف الهدية يدل على اهتمامك بالشخص اللي رح توصل له..
المهم..رح أطرح مجموعة أفكار..حسب ترتيبها..
التجديد في الأفكار المألوفة..
*الألوان..
ممكن تغلفين الهدية اللي معك بالطريقة التقليدية..ورق هدايا عليه شريط..بس تجديدك يكون في الألوان اللي تختارينها وفي نوع الورق ولف الشريط..
مثلا في الصورة..

استخدمنا ورق خفيف لونه عنابي مع شريط ساتان سكري..
ممكن الألوان تختلف حسب المناسبة..
يعني مثلا لو رسمية شوي..تكون ألوان الورق غامقة ( أسود- كحلي-بنفسجي غامق-بني غامق-زيتي غامق-رصاصي غامق.....)
والشريط فاتح وزاهي ( أبيض-بيج- سكري- أصفر ليموني- أخضر فاتح جدا –بنفسجي فاتح- زهر فاتح........)
*جربي اللون الكحلي (ورق) أو الأسود..مع الشريط (الزري..) الذهبي أو الفضي اللماع
وممكن تسوين العكس في المناسبات الأقل رسمية..يكون الشريط غامق والورق فاتح..والكلام هنا على ورق سادة من غير نقوش..
وطريقة اللف تكون عادية..(مثل الصورة..) بس احرصي على الاتقان بحيث ما تكون فيه زوائد ورق أو أشرطة لاصقة..واستخدمي في الالصاق الصمغ الحراري..(المسدس)..
والكرت اذا عندك مهارة سوي كرت من نفس الورق وبنفس الشريط..
- ممكن تغلفين الهدايا بطريقة التعتيق..وهذي مرة حلوة لو عندك هدية مثلا للوالد،الأخ الأكبر،العم أو الخال..
استخدمي ورق هدايا عادي ونقوش لونه قريب للبني البرتقالي..ومعه شريط مناسب..وهذه الطريقة تعطي الهدية طابع القدم والأصالة..(والجدية)..

ممكن تسوين ثنية في الورق( سواء تعتيق أو غيره..)قبل ما تلفين الهدية..ولما تلفينها انتبهي انه يكون مكان الثنية مناسب ( في الوجه..) ولما تربطين الشريط،يكون تحت الثنية مباشرة.. وحطي الكرت في الثنية..(جربي كرت من هذا الورق أطرافه محروقة..شكله جناااااااااان..)

( الحركة هذه تعجب الجدات والأمهات والأخوات الكبار شوي..)
- ممكن تستعملين خامة حلوة من الورق..تستخدم للأعمال الفنية اسمه ورق الكورنيش أو الكريشة.. وهو درجات ،بعضه خفيف ممكن يتثنى معك بسهولة وبعضه مقوى مرة قابل للثني بس ثابت الشكل.. انتي بمهارتك استخدمي لون مناسب من الورق مع شريط مناسب له..(شوفي الصورة)..

شريط بلاستيك أزرق فاتح مع كورنيش أبيض مقوى..والألوان هذه مناسبة لهدايا الصديقات والأخوات وتعطي طابع الصفاء والفرح ..(ايش رأيك؟؟)..
طبعا مع اللون الأبيض ممكن تختارين شريط يعطي الانطباع اللي تبغينه ..مثلا شريط زهر..أنوثة ونعومة وبهجة ..أحمر..حماس و(هاي كلاس..) كحلي ..جدية وتقدير..وهكذا..
طبعا عرض الشريط حسب حجم الشيء اللي تغلفينه ..أنا عادة أشرطتي رفيعة لأني أحسها أكثر نعومة..
بس الألوان الفاتحة العريضة..مبهجة مرة..
*طبعا الكروت مهارة يبغى لها موضوع منفصل..(بس اعذريني..)
*لف الشريط..
فكري مثلا انك تلفين أكثر من شريط..(فكرة مرة رايقة..)..مثلا على ورق أبيض..شريط وردي وبنفسجي وأزرق فاتح بالتتابع بيكون مرة حلو..
أو تستعملين أشرطة شفافة..أو شريط مخرم..(طبعا شريط ورق..) أو يكون على الشريط نقش مميز.... أو اصنعي شريطك بنفسك..(تابعي القراءة..)
*نوع الورق..
فكري مثلا باستخدام ورق الجرايد..(بس الفكرة هذه تكون مع أحد تمونين عليه عشان مايعصب..)..ورق الجرايد مع شريط ساتان أسود..أورصاصي غامق أو فاتح..مرة حلو بس يكون الجزء من الجريدة اللي انتي ماخذته كله كلام من غير صور..
طبعا انتبهي انه ما يكون مكتوب على القطعة اللي تستعملينها اسم الله أو كلام محترم..

وبالجرايد الأجنبية أحلى..(مجرب..)
وممكن لون الجرايد ما يكون أبيض..أصفر.. مثلا ..أخضر..زهر أو برتقالي..

والتكملة لا حقة ان شاء الله..