والله انا بدايه زواجي كانت سيئه للغايه تزوجت وعمري 15 سنه اللحين جالسه اقود السفينه لحالي زوجي غير مبالي كل وقته عل الالب توب يمنعني من اقاربي وصديقاتي خلاني اقاطع كل العالم ماعندي الااهلي وحتى خرجت من المدرسه وانا بأول متوسط الحين ماعندي طموح غير اني اربي عيالي ويبرون فيني ومايطلعون مثل ابيهم ويجعلهم صالحين والله يااخواتي ماني مرتاحه لابنومولابشي ماقدر انام الأبعد مايخرجون المدرسه ويوم يرجعون اصحى اطبخ واجلس معهم ياليتني ماتزوجت بس الحمدلله طلعت بعييالي هم نعمه من ربي اتمنى ربي يعوضني فيهم

انا العكس ..

حياتي بعد الزواج تغيرت للأحسن ..

صح ببيت اهلي كنت مدللة لكن عيب اهلي مايشجعوا الطموح و عادي يعلقوا ع اي شغلة اسويها ..

عكس زوجي شجعني و دعمني اني ادرس مع اني ماتزوجت الا بعد تخرجي من الجامعة ..

و الحين يدعمني بمشاريعي سواء دعم مادي او معنوي ..

والصراحة يساعدني كثير بالبيت و بالبنت حتى احقق طموحي و احلامي ..

الله يحفظه الي يارب ..

ماشاء الله تعليقات جميلة فيها امل لان
بعض الرجال تفكر بالمستقبل والدعم المادي والمعنوي لزوجته زي واحد من اعمامي ما كمل تعليمه الابتدائي وصار يدعم زوجته وراها وراها لين صارت جامعية والان تكمل ماستر وهو ياعمري ولاشي واذا سألناه قال العوض بأم فلان هي تكمل النقص فيني وانا بدعمها تكمل الشي اللي ماقدرت انا اكمله انا اشوف نفسي فيها
طبعاً هو متعود ع التضحية من يومه لان السبب في تركه لدراسته جدي توفى وهو اكبر اعمامي تحمل مسؤولية اخوانه وامه وصار يشتغل ويصرف عليهم لين كبروا اخوانه وطلعوا وبعدها توجهه لزوجته يدعمها ماشاء الله


وبعض الرجال للاسف يكبر ويحلو وينظف ويتطور على حساب زوجته وراحتها لانه ينظر لزوجته انها خدامة له ومربية لاولاده ومساعده لاهله ومبسطة اخوياه
هذا النوع حذر منه استشاري اسري تابعته وحذرت منه ناعمة الهاشمي لانها قالت بعد سنوات راح يكبر هذا الرجال ويتلفت حوله ومايلقى الا شبة انثى تعبانه مبهذلة اهلكتها السنين ونست نفسها مضحية كبرت نفسها كثير عجزت وشاخت غير مثقفة ولا كملت تعليم
اما هو الرجال بعد هذا الوضع بالتأكيد راح يدور البديل يدور على انثى تساويه بالتطور والنمو اللي هو وصل له وتقصد بالنمو والتطور يعني المحافظة على شبابه وعلى صحته وعلى نفسيته وعلى تعليمه وعلى مكانته الاجتماعية بين الناس

امممم اصلا انا حياتي كلها كزوجه هههه فما اعرف قبل احسن او لا
تزوجت صغيره وعشت مراهقتي فبيت زوجي بس اذا قصدك الطفوله لا طبعا ايام الطفوله احلى من الزواج ليتها ترجع ويرجع ابوي الله يرحمه من كنت اصحى لين انام كل همي اللعب لامسوليه ولاشي يازينها من ايام مافيه زي حب الام والاب ودلعهم كل شي عندهم بلا مقابل

ياحليلكم الله يسعدكم في حياتكم