تغيرت بدون سبب ,, وكرهتها ,, صديقه غريبه

السلام عليكم

بادخل في الموضوع علطول هو اني بعد ماخلصت التحضيري في الجامعة ودخلت التخصص كانو معي مجموعة بنات بعضهم معارف ثانوي على تحضيري على غيره لكن اركز على ثنتين هم ( زميله في التحضيري وليست صديقه ) والثانية عمتها صديقتي ( والثالثه الحديث عنها مؤخرا

طبعا اللي عمتها صديقتي لمن عرفت تخصصي اللي راح ادخله اتصلت علي وقالت لي بالحرف الواحد راح تدخل معك بنت اخوي وهي طبعها خجوله مو اجتماعية حساسه من هالشي يعني وصفتها لي وصف خلاني ارحمها ,, وقالت لي لاتتركيها لانها كانت ايام المدرسه والتحضيري ترجع متضايقه لانها تعاني من نقطة ماتعرف تختلط بالناس

من هنا كان اول يوم تقابلنا فيه كننا مع بعض وبالصدفه طلعت بوجهي الثانيه للامانه هذي الانسانه مااتقبلها تنتقد الناس وتطلع فيهم عيوب من تحت الارض وعوبا وياما فرقت بين ناس وكانت بالتحضيري تجلس مع صديقاتي واذا انتهى الدوام تتصل علي هذي سوت لي كذا كذا كذا لمن كنت جالسه معك هذي يادوب تسلم هذي يوم جلست انا معك قامت ليش واه بس يوم عرفت انها معي بالتخصص كرهت حيااااااااااااااااااااااااتي

دخلت معنا هي وبنت اخو صديقتي و2 من بنات الثانوي

اول موقف حصل انه الشكايه طردت بنت اخو صديقتي من الشله من بعد ماانتقدتها وكرهت الاوادم فيها وقالت كلنا مانبيك البلا عمرها 26 سنه

كل ماعلي اني دافعت عن بنت اخو صديقتي لاني اولا رحمت البنت ثانيا الثانيه مااطيقها وبعدين ليش تقول كلنا مانبيك

تركناها واخذت المسيكينة معي

مرت الايام وتعرفت على بنت ي ناس حسينا براحه كلنا تجاهها بشي مو طبيعي لو فيه نفر ثاني مثلها بحياتي انا بخير بخير بخير

المهم هالبنت بالبداية ماتعمقت بالصداقه معها لانه جداولنا تختلف ثانيا على بداية الفصل الثاني لمن بدينا ندرس مع بعض هي اعتذرت عن الترم

بعدين السنه الجديده ب ثالث سنه لما رجعت تدرس راحت الاولى اللي طردت صديقتي من الشله وسحبتها وصادقتها حسبي الله بس

صرنا هنا مسطحين علاقتنا مع البنت الحليله ليش الزفته لزقت فيها بس حاولنا انه ما تشوف فينا الا كل خير

السنه اللي بعدها ب رابع البنت الكويسه تركتها وصارت معنا وبدت الغيره من المنافقه

بس اللي صااااااااااااااااااااااااار اني حبيت البنت والبنت جبتني والله في الله لااكتر وصارت علاقتنا قويه قويه قويه

البلا لما تعمقت الصداقه بيننا بدت الغيره من مين


من البنت اللي تركناها اول المجنونه

والثانيه اللي عمتها صديقتي واللي صديقتي من اول


وصارت الثانيه ترمي كلام مو طبيعي

هاه متواعدات من وراي اشوفك متضايقة عشاناها غايبه ومصلحات زحمه من بعض وبينكم اتصالات وهدايا وزيارات وطلعات وانا مسحوب علي ( البنت هي تعزمني واتفاجا انه بس انا اللي قايله لي وهذي مسحوب عليها )


بعدين ايش اللي حصل صديقة الكويسه الحليله جتني زياره بالبيت وبعدها اختفت وبعد وقت عرفت انها تتوحم .. من هنا حسيت فيه نقاط تغيير بدات البنت ترجع لخوياتها قبل
وماعاد تتصل ولا تسال مع توفر الواتساب ولله الحمد ....

اتوقع هنا استغلت الفرصة صديقتي بنت اخو صديقتي راحت نشبت للمخلوقه تسالها انتي حامل واتوقع حسب معلومات وصلتني انها قالت لها ( انا زعلانه منها لانها ساحبه علينا واني بارد لها الحركه وااسحب عليها ) وقالت لها البنت بعد ما علمتها لاتقولي ل فلانه اللي هي انا اخاف لو تدري من غيري راح تزعل ؟؟؟؟؟؟؟؟؟؟؟؟؟

علما بانها جت وقالت لي كلام البنت بالحرف الواحد .. وكل يوم تجي تسالني قالت لك ولا باقي اللي صدمني انه لما بطنها طلعت وبقى لها شهرين وتولد ... ماقالت لي لسا وماايهمني بس بما شفت البطن وباراكت كان ردها بارد جدا قلت مبروك ماردت لي الله يبارك فيك سكتت ربع او نص ساعه قالت توني مو كثير ؟؟؟

اللي يجرح كل الشله عارفه من اول شهر ومره تقول لبنت زايد وزني معاه 6 كيلووو وانا حيط جنبها واجلس مع صديقاتها يسولفو لها عن الولاده والتوائم واضح انها فرحانه فيه وانا كرسي قاعد


بعد هالموقف شريت كرامتي وضليت اكثر من اسبوعين او اكثر قرابت شهر ماامر من عند طاولتها ولا اكلمها واتس ولا غيره ..

وبعد ماعرفت تقول لصديقتي احضر لك عرسك بروب النفاس وتعلم الثانيه متى اسبوع الولاده


جتني تسأل وينك قلت موجوده بس ماندري مين اللي قطعنا ولا يسأل

ورجعت زي زمان ايش الاهتمام وو

لكن قبل ولادتها صارحتها قلت لها انتي ماتبيني اعرف صح وانه سمعت كذا كذا ... علطول اتهمت خويتنا اللي نشبت لحملها ووراحت سحبت نفسها من قروب الشله الثانية ولما ولدت انا اللي قالت لي وسحبت عالبقيه ماقالت لهم


من هنا بنت اخو صديقتي زادت غيرتها وتتمنى لحضه نترك بعض فيها


توريني محادثات شوفي قلت لها انك جيتي الجامعه تراجعي وماشفناك وانه الله يهديني ماقلت لهم وماعلقت
ليش بينكم شي


يعني ذا مثال كذا انه تتمنى يصير بينا شي ( لانها يمكن خسرت الثقه من البنت اللي ب تبعدها عني *


المهم انه اللي مزعلني عدة نقاط

اولا _ اول موقف صار بيني وبينها مدري ايش المقصود لكن على حسب مو انا واثقه فيها وعارفه اخلاقها استبعدت كل النوايا السيئة عنها ( هذا قبل كل المواقف ) عطتني رقم وقالت شوفيه بالنمبر وطلع لي ب اسم واحد بالاسم الثلاثي واضح انه رقم اخوها بلا شك

قالت لي اليوم الثاني هذا يزعجني ويوصف شكلي ويقولي على مواقف ماحد يعرفها الا اهلي وواضح الكذب بعيونها ... قلت لها اسمه كذا يمكن اخوك قالت ماعندي اخو بهذا الاسم بعد وقت اكتشفت انها تكذب

ثاني موقف ؛ حملها ورقعته بنفسها

ثالثا تخرجت وما سمعت كلمة مبروك بالعربي حاسدتني لاني خلصت قبلها ب سنه

رابعا : تذلني بهدية التخرج

5- تتريق علي لاني اكبر منها ومو متزوجه ومو فارقه معي وتعلم البنات بعمري وتراها كبيره ( وتسالني ليش للحين يعني ( قلت حسد من واحد فيني ) قالت ب اسلوب شماته

عاد الحسد مايطلع الا اذا مات الرجال

6- تحط توبيكات انه يعني ماهمها الا صداقاتها القديمه وانا اكلمها عالواتس تقرا وتطلع وتتعذر مشغوله

7- ماتسأل الا اذا تبغى حاجه واخر مره قالت كيف حالك بشهر 3

8- ماشفت منها هدايا على الرغم اني غرقتها هي وولدها بعد ماجابته وبنتها ماباقي الا الشغاله

المشكله اني الحين خلاص قفلت اخلاقي منها هي وانقلاب حالها المفاجئ والبلا تبي تدخل معي الدبلوم السنه الجايه وانا ماابغاها خلاص ( رسميه , ومتحفضه ., وراعية مصلحتها )

ساحبه لي قرابة شهر وهي تحتك ترسل عن الجمعه اليوم واتصلت واتس

الله يرحم يوم اني كل يوم اقول وينك عالواتس ترد علي نايمه مشغوله ماعندي شبكه ,, الين ما عفتها