الله يعينك حبيبتي الوظيفه اكيد اثرت علي وضعك يوم تركتيها مو بس ماديا حتي نفسيا وخلت تنشغلين بالمشاكل اكثر مع زوجك افضل حل تشوفين لك وظيفه ثانيه ادري بتقولين دورت مالقيت وواسطات لا شوفي لك وظيفه باي مكان مؤقتا حتي لو ماكانت قد طموحك في وظياف كثير بمصانع او حتي محاسبه بسوبرماركت ياخذون علي 4500 تقريبا لين ربك يحلها هذا زوج صديقتي مسكين متخرج جامعه وعنده شهاده ماجستير ولغه وماحصل وظيفه اشتغل سكيرتي ببنك يستلم لك 4 الاف ولا تعطل لاحد ولا مد يده وبعد 3 سنين ربك جاب الفرج واستلم وظيفه أحلامه وهذا هو عايش ومعيش اهله احلي عيشه كل شي محتاج صبر وانا اختك وزوجك حاااولي قد ماتقدرين ماتتمشكلين معاه حتي لو هو الغلطان خذيه علي قد عقله هامليه مثل الأطفال وان شاء الله وحاضر حبيبي وتامر اضغطي علي نفسك عشان المركب تمشي

ما أعتقد زوجك تغير بخله عليكم وطريقته معك بالحياه هو نفسه هذا اللي فهمته من كلامك..
إنتي اللي كنتي عازه نفسك بوظيفتك ومستقله مادياً فما كانت تفرق معك خصاله
من بخل ولا مبالاة بإحتياجاتك
هو تعود على هالنمط وإنتي كنتي متقبله الموضوع لإنو عندك دخل مادي
تركتي الوظيفه وجلستي بالبيت ومع الفراغ ركزتي بزوجك وبحياتك معه حتى قمتي تقارنين بينك وبين حريم أخوانه
المشكله منك وفيك أنا ما اقول أنو زوجك معديه العيب لا
بس كل اللي ذكرتيه نتيجة الفراغ والقعده بالبيت
أول شي إنتي ظلمتي نفسك بتركك الوظيفه عشان مديره متسلطه
أضعف شيء كان كتبتي شكوى ضدها
أو بحثتي عن وظيفه وانتي على رأس العمل
أو خذتي إجازه بدون راتب عشان بس تتخيلين الحياه بدون وظيفه مع واحد مثل زوجك
الحين حاولي بكل الطرق تفهمين زوجك أنو لك حق يعطيك مصروف شهري حتى لو كان رمزي تقبيله بالبدايه وبعدها شوي شوي بتطلبين أكثر
وابحثي عن وظيفه حاولي ولا تيأسين مع إني متخيله صعوبة الحصول على وظيفه بدون واسطه ببلد الشريعه 😁😁
وأكرر عليك ترا المشكله مو في زوجك ولا أخوه ولا حريم أخوانه المشكله منك وفيك أبحثي عن نفسك وعن اللي يريحك وتجاهلي كل اللي خارج حدود بيتك وحياتك الزوجيه


موفقه

داومي ع البقره وخلي عندج يقين انه الله بيشفيج

عندنا وعندك خير،لكن وين نلقى الوظايف وحنا ماعندنا واسطه،لكن بدال المقارنات اشغلي وقتك بالذكر والاستغفار والصلاه على النبي وان قدرتي اوتري قبل الفجر وادعي باللي تبينه،وربك كريم انا كان زوجي مثل زوجك لانه تعود ان اهلي يصرفون علي وانا عنده تخيلي واستغل كرم اهلي وطيبتهم وطيبتي، لكن قاومت وتمشكلت وشهر ورا شهر من الدعاء والاقناع والمحاولات ودااايماً اخلي محفظتي فاضيه الا من عشره او خمسه او ريالات مع الوقت بدا يليل وصار يعطي مصروف صح قليل ميتين ثلاثه حسب المزاج لكن فيه تقدم، وانا على امل ان الله يرزقني الوظيفه ويعوضني عن الفقر اللي شفته معه بعد عز اهل

وو