تغيرت علي فجأه

السلام عليكم ورحمه الله وبركاته

انا باشتكي لكم لاني ماابي اشكي لاحد من اقاربي واهلي

كان عندي قريبه لامي واحبها مره وهي تحبني و من تزوجت صارت زي امي
وقفت معي بحملي و ولادتي و كل مااحتجتها القاها
وان قصرت معها دايم هي سباقه تتصل وتسال وماتخليني
عندها بنات قريب من عمري و احبهم ويحبوني

عرفت عليها وحده من قرايب زوجي نقلت عندنا
وصرنا نتجمع عندهم
لكن

قريبه زوجي صارت تهيني قدامهم و تتمسخر علي وعلى وضعي واي شي يمسني
بطريقه اني فله و مزووح وكذا وانا اعديها وماابي مشاكل


وبعدها صارت تروح لهم و انا مدري عن جمعاتهم مايقولون لي ولا زعلت ولا عاتبت براحتهم



توفى خالها قبل فتره وعزيتها ووقفت معها وهذا اخر موقف لي معها وحسيتها مشمئزه مني كانها ماتبيني بس قلت حزينه وماتنلام

دقيت عليها بعد اسبوع ماترد و كل ماادق ماترد

صبرت فتره ورجعت ادق ماردت بعد كم اسبوع دقيت ورديت بنتها الصغيره تقول امي مشغوله


وفجاه صرت اسمع من الناس ان بنتها انخطبت ومسويه حفله وعزمت قريبه زوجي الي عرفتها عليها
واستغربت ليش ماعزمتني
دقيت عليها على طول وكانت تكلمني بدون نفس و باركت لها و قلت لها ليش ماعزمتيني قالت تعالي الحين :08: كانت الساعه 11 بالليل بالله متى بتجهز والحق على حفلتكم ؟؟


مشيتها

المره الي بعدها خطبت لولدها و سوت حفله والحفله في بيت خطيبه الولد قريبين من بيتي مررره
ولا عزمتني و كلمتها وباركت لها و لا عاتبتها على انها ماعزمتني

وماشالله بعدها انخطبت بنتها الثانيه ونفس الشي ماعزمتني وماعاد دقيت ارسلت لها بالواتس مبروك والله يتمم لها بخير و كتبت امين

قبل كم شهر صار حادث اخوي و زوجته وبنتهم بحادث وكانت فاجعه كبيره لنا و توفت البنت على طول و ظل اخوي اسبوعين بالعنايه وكل الناس دقو و واسوني الا هي خلت زوجها يدق على زوجي يتاكد و بس

المهم توفى اخوي والحمدلله على كل حال الله يرحمه وكل الناس جتني وعزتني و هاذي حتى بالواتس ماعزتني و كل اسبوع اقول بتستحي وبتجي ولا جت

دقت على امي و طلبت خواتي كلهم و حريم اخواني وعزتهم ولا طلبتني تخيلو موقفي ساكنه بمنطقتي وكلهم استغربوا ليه ماعزتني
و الله كنا بعزا وقلبي مكسور و كسرتني اكثر الله يسامحها

انا مستغربه منها لانها جفتني فجاه ومابيني وبينها الا كل حب واحترام والله ماعمري اذيتها واحترمها واعتبرها اختي الكبيره ماعمر صار بيني وبينها موقف يخليها تسوي فيني كذا

وهذا اكثر وقت احتجتها فيه ماعزتني حتى لو بكلمه وقفلت

طبعا قريبه زوجي شكيت فيها انها هي السببب لانها هي الوحيده الي من معارفي تعرفهم
وهي متواصله معهم و تدري بكل شي عنهم وحضرت كل حفلاتهم انعزمت و سالتها وتتلعثم وتتعذر لها ان مامعها رصيد وحالتهم صعبه ؟؟
طيب لو بالواتس ؟؟ وليش ماتجي زوجها يعطينا خبر
عجزت القى لها عذر

امي بهمها المسكينه ماابي اتشكى لها منها لانها تقرب لها


كيف يابنات اعرف وش فييها
ولا اصير مثلها واخليها براحتها
مع العلم انها تقرب لي من جهه امي وابوي و استحي والله لو تصير مناسبه و الناس يسالون عني وانا ماادري عنها


الحمدلله على كل حال
عطوني ارائكم احاول اتواصل معها ولا اتركها
امي دايم تسالتي عنهم وتحب اني اتواصل معهم

بتقولون طنشيها
بس يابنات انا محتاجه ناس احس اني بتجنن هاذي ثاني وفاه من اخواني في عز شبابهم احس بكسر ومحتاجه ناس يكونون معي لان لحالي بهالمدينه ابي اتواصل معهم وابي امي تفرح اني اوصل اقاربها
والله اكتب وانا ابكي الله لا يحيجني لخلقه
الله يجبر كسري يارب ويقويني


ابي احذف الموضوع ومتردده :44: