السلام عليكم ورحمة الله وبركاته
كل عام وانتم بخير يااخواتي ومبارك عليكم شهر رمضان المبارك
اخواتي بستشيركم بموضوع وابي رايكم فيه
بدخل بالموضوع مباشره
انا متزوجه من سنه وشهرين وعندي ولد الحمدلله
زوي اول ماتزوجنا وايام الملكه لما كنا نكلم بعض كان يمدح ويثني على زوجة اخوه وانه يحترمها ويقدرها وله وقفات معه ومع امه ماينساها وحتى خالتي كذا وانا والله اخذت عنه فكره من كلام زوجي وصرت احترمه وهي والله ماجاني منها شي بالعكس محترمه وحبوبه
تقابلنا اكثر من مره عند خالتي وكل شي طبيعي
اخر مره شفتها قبل اولد باشهر الاخير وتقابلنا وسواليف عاديه
وخالتي كانت توصين لااقول شي عن حملي وانا باي شهر ولا معلومات عن حملي طبعا هي ماكانت موجوده وجت وسلمت عليها وعادي
واخر الوقت هي تعبت مدري وش جاه الظاهر ارتفع عنده القولون وراحت فوق واتصلت بزوجه ووداها المستشفى اخذت ابره ومغذي وانا مشيت وماقدرت اشوفه عقب
وتراسلنا على الواتس وتطمنت عليها ومن بكرا حطت رسايل شخصيه بالواتس اب والبلاك بيري عن الكذب والي يتكلم من ورا الشخص والخداع واشياء زي كذا
وعقبه هي قطعت مررره وانا خلاص ماارسلت له اتطمن والحمدلله ماجا مني شي ولا غلطت معها باي شي
ولا ادري وش صار او وش تقصد او من تقصد
وولدت ودخلت المستشفى تنويم قبل الولاده وولدت قيصريه وتعبت عقب الولاده ورجعت المستشفى تنومت يومين
وهي مادقت ولا باركت ولا ارسلت حتى
وارسلت اخت زوجي رساله بالقروب وهي فيه رساله تبارك وارسلت هي عقب رساله رسميه الحمدلله على السلامه ويتربي بعزكم وانا بعد رديت برسميه مثل اسلوبه
وقبل كم يوم كلمت زوجي بشكل عادي عن هالموضوع وقلت انه متغيره وانا ماادري وش صاير ماادري وش السبب واخاف يكون فاهمه شي غلط وعلمته بالرسايل الي كتبتها والموقف ابيه يشوف مناخته وخالتي بطريقه غير مباشره
قالي انه هي تعبانه وانتي بادري وارسلي وتطمني واكسري هالحاجز قلت خلاص وارسلت اتطمن واسولف معها وهي ترد علي بالواتس برسميه مررره
وانهيت الحوار وطلعت
اليوم زوجي دق علي قالي انه تعبانه وابيك تدقين تطمنين عليه وتسلمين واعتذري له انك ماتعرفين شي وانك دريتي من خالتك عن تعبه
انتم وش رايكم
انا ماراح اعامله بالمثل وهي مادقت علي بعد ماولدت ولا شي وزوجي يدري انه مادقت
والله اني احتسب هالشي لوجه الله وامشي على نيتي
بس ودي اخذ رايكم ادق ولا لا
واذا دقيت وش اقول واتكلم برسميه او عادي
ولو نصحتوني ماادق وش اقول لزوجي
انا والله ودي ادق بس باخذ رايكم وش تشوفون وهل انا اخطيت بشي وليش هي تصرفت هالتصرف
شورو علي يااخواتي وعطوني رايكم
توتي فروتي2012 @toty_froty2012
عضوة جديدة
يلزم عليك تسجيل الدخول أولًا لكتابة تعليق.
{غداً أجمل..
•
شوفي حبيبتي مافيها شي انا انصحك انك تدقين وتسلمين عليها وتطمنين وتتكلمين معها بكل حب وريحيه وذا شفتيها رسميه قوليلها تراي مادريت بتعبك واذا كان في خاطرك شي علي قوليه ترا انا والله يشهد ماجاء مني قصور يمكن فهمتي غلط وانت عزيزه وغاليه صدقيني بتكبرين بعينها وبيطيح الي براسها جربي وشوفي وعلمينا وش يصير عليك
خليك الاحسن ودقي عليها واتحمدي لها بالسلامه وبالمسايره حاولي تساليها ليه متغيره يمكن احد قايل لها كلام انك متكلمه فيها
وبكذا تعرفي شنو السالفه وتدافعي عن نفسك
او حاولي تسالي خالتك يمكن هي تعرف شي
الله يصلح الاحوال
وبكذا تعرفي شنو السالفه وتدافعي عن نفسك
او حاولي تسالي خالتك يمكن هي تعرف شي
الله يصلح الاحوال
لا يلعب عليك الشيطان
عادي كلنا نتصائق و نكتب رسائل شخصية مو شرط نقصد أحد بعينه أو حتى نقصد لكن ترجع الأمور لمجاريها
هي ما دقت عليك وقت الولادة يمكن مشغولة أو تعبانه أو خجلانة
خلئ رأيتك بيضاء و صفي نيتك لله
عادي كلنا نتصائق و نكتب رسائل شخصية مو شرط نقصد أحد بعينه أو حتى نقصد لكن ترجع الأمور لمجاريها
هي ما دقت عليك وقت الولادة يمكن مشغولة أو تعبانه أو خجلانة
خلئ رأيتك بيضاء و صفي نيتك لله
لا يلعب عليك الشيطان عادي كلنا نتصائق و نكتب رسائل شخصية مو شرط نقصد أحد بعينه أو حتى نقصد لكن ترجع الأمور لمجاريها هي ما دقت عليك وقت الولادة يمكن مشغولة أو تعبانه أو خجلانة خلئ رأيتك بيضاء و صفي نيتك للهلا يلعب عليك الشيطان عادي كلنا نتصائق و نكتب رسائل شخصية مو شرط نقصد أحد بعينه أو حتى نقصد لكن...
مشكوره اختي ان شالله نيتي صافيه ومابخاطري شي
سالفة الرسايل حيرتني من عقب اخر زياره وهي متغيره وحاطه هالرسايل
اانا عادي بس مااحب احد ياخذ بخاطره علي
سالفة الرسايل حيرتني من عقب اخر زياره وهي متغيره وحاطه هالرسايل
اانا عادي بس مااحب احد ياخذ بخاطره علي
الصفحة الأخيرة