تغيري على زوجي

ي بنات انا زوجي كويس كمعامله بس مشكلته اذا غلطتي غلط يدفعك الثمن تحسي الحياه عنده قوانين صح انه فيه حنيه ورحمه بس احس مو قادره اخذ راحتي يعني حتى الطلعات يحاسب عليها مثلاً ما اطلع يومين ورا بعض ومع صديقاتي اطلع اماكن معينه يوافق بصعوبه مره وكل شي لازم استأذن منه حتى وهو مسافر لازم ارسله اني طالعه بتقولو عودتيه لا والله ماعودته بس يسوي لي سالفه لو درا اني رحت بدون علمه مع انه كويس معاي بس اذا زعل مني يوه يقعد اسبوعين زعلان مايكلمني يعني احياناً اكون عند اهلي اخواتي كلهم يقولو يلا نروح نتعشى برا لما ارسله يقول لا اقوله ترى كلهم طالعات ابقى لوحدي بالبيت يقول عادي وفعلاً ابقى لوحدي ومايهمه غير وحده من خواتي ترحمني وتجلس معاي والله انقهر مع انه احياناً يوافق بس مو دايم نادراً اللحين هو مسافر لندن وانا ناويه اسافر مع اهلي اخر الشهر قال عادي روحي معاهم عشان كذا سكتت بس والله ي بنات سافر وهو زعلان مني وفعلاً انا اشوف من حقه يزعل لاني هالمره غلطانه بس صار له اسبوع مايكلمني متخيلين ! الموضوع يزعل بس مايحتاج ذا كله ! اول يومين ارسله مايرد علي ويفتح ويسكت اخر شي طنشته احس طفشانه منه بشكل مو طبيعي اللحين كملنا اسبوع مارسلت له ولا ارسل وانا اول مره اسويها اني اطنشه وهو راح وشالني من ستوري السناب انا عارفه عشان افقده واروح ارسله بس لو ايش مايصير ماراح ارسله اول مره يجيني هالشعور اتجاهه شعور التجاهل وانه ماهمني واني اضحك واسولف مع اخواتي وعايشه يومي وهو مو ببالي ابداً اول مره احس كذا خايفه من هالشعور فعلاً ! لاني صرت اقارن اشوف خوياتي والله على كيفهم يتقابلو بالبوليفارد وعادي عند ازواجهم اشوف اخواتي اذا زعلت زوجها جاها وجايب لها طقم ذهب انا ابداً مع ان زوجي مقتدر مادياً جداً جداً صح انه مايقصر معاي بالفلوس ابداً يعطيني بألوفات ومو مقصر بالبيت نهائي بس نفسي احس اني بباله نفسي اذا زعلت يجي يراضيني مع انه يكون غلطان علي وغلط مو عادي والله مايفكر يراضي الى اذا بغى ينام معاي ! احس قلبي شايل عليه مره حتى بالنومه صرت ماعطيه مثل اول صرت عادي اقوله مابغى اذا زعلني صرت مافكر الى بنفسي زعله ورضاه صار عندي واحد متجاهلته تجاهل تام وهو ملاحظ بالعكس شايفته ماعجبه تغيري عليه يبغاني ارجع الاولى اللي ادلعه وشايلته شيل بس لمتى انا اعطي بدون مقابل المقابل بس فلوس وانه مايقصر بالبيت ولا علي طيب انا انثى احتاج حنان احتاج دلع احتاج انك تسمع لي تناقشني تاخذ وتعطي معاي لما يصير بيننا شي هو ابداً مايناقشني اذا انا غلطانه او هو ابداً مافيه نقاش هذي الاشياء مخليتني هالفتره ابعد عنه بشكل ماتتخيلونه مصدومه من نفسي كيف عدا اسبوع وانا حتى شوق ماشتقت له !