تغير حياتي بسبب يتيم

حبيت اضيف تجربتي في رد حتى يتمكن الاخوات من نقله بدون تعديل
اقسم بالله العلي العضيم اني جربت هالطريقه واني كتبت موضوع اننا انعاني من الديون واراتب والله يكون فيه عجز يعني لالازم تنسلف على الراتب عشان نوفي الديون الشهريه
وربي هداني قلت ليش يابو فلان مانكفل يتيم قال اقل شئ بالكفاه 300 وحنا من وين لنا هالمبلغ واصلا عدنا عجز
قلت اعتبرها مو لك والله لها فضل عضيم جرب
وفعلا اودعنا مبلغ معين والشهر الي بعده ماقدر قلت المهم ماتخليها اودع لو خمسين ريال قال طيب مادري قد ايش حط والله الذي لااله الا هو ان الجمعيه الخيريه الي عمتي مسجله فيها هي للارامل والايتام فقط اتصلو علل جوالي وقالو فلانه لها كوبونات تجي تاخذها قلت طيب
قلت لزوجي ليه ماتقدم قال مايعطون غير الارامل والمطلقات سكت ورحت مع ام زوجي قال هذه كوبونات لمدة عشرة اشهر تاخينها فيها قيمة 300 ريال تاخذين فيها الي تبين من المركز الفلاني وقلت انا بقدم اوراقي وفعلا كتبت معروض وارفقت معه اوراق الديون على زوجي والله اسبووووع الا ومتصل علي يقول فلانه قلت ايه قال نضرنا في اوراقك وسجلناك لك كوبونات عندنا لمدة عشرة اشهر تعالي تخيلو مع انه مايشملني النظام بس ربي الحمد لله مايخيب دعوة عبده
قولو ماشاء الله الله يرزقنا من واسع فضله
المهم بعدها زوجي كان مطالب بمبلغ 40000 ريال وماقدر يسدده اخذ سلفيه من البنك وجتنا في اسبببوع وراح للرجال قاله مامعي غير 15000 ريال الحمد لله رضي الرجال مع انه قبل اشتكى بالمحكمه بس طول هالمده نودع في حساب الايتام بنيه ان الله يفرج كربتنا والحمد لله
ومن علي الله بزيارة المدينه اول مره اروحها
وتغيرت حياتي والله ماصنا زي اول الحمدلله وماشاء الله لاقوة الا بالله صار نصرف ريال يجينا بدال وربي يابنات لاتستهونون فيها الي تقدرون عليه
ادعولي ان الله يخليلي اولادي ويرزقني برهم وربي يغنينا من واسع فضله

ما شـــــاء الله ,,يعطيك الفـــــــ عافيــــــه على التنبيـــــه

جزاك الله خيرا

جزاك الله كل خير

واسأل الله لك الاجر و التوفيق

:26:

ماشاء الله الله يكتب لكم الخير وين مكان