تغير حياتي قبل (موظفـــــــــــة) وبعد ( ربة مــــــــــنزل)

مرحبا أخواتي كيفكم.

( أنا أم لخمسة عيال وأكبرهم 16 سنة وأصغرهم بنت 3 سنوات و3 أشهر : وراح اعرض لكم بعض التغيرات إلي حصلت بحياتي بعد ماتركت وظيفتي وتفرغت للمنزل بعد خدمة 15 سنه بالوظيفة لما كنت أداوم وبعد ما طلعت منة وتفرغت لللاولاد والزوج والمنزل ومن عدة نواحي :

أولا/ الأولاد::04:
قبل كنت اخلي اولادي عند الشغالة في فترة دوامي وكنت اطلع من البيت قبلهم وكنت دايما في حالة قلق ما ادري الشغالة كيف تعاملهم في فترة غيابي عنهم وهل فطرتهم قبل ما يروحون لمدراسهم ولما يرجعوا هل غدتهم ، ووقت الدراسة كنت ما اطيق ادرسهم واتعصب عليهم من تعب وضغط العمل
اما الان فانا اتابعهم اول باول من يطلعون من البيت الى مدارسهم وافطرهم بنفسي وانتظر الباصات تمر عليهم واحد واحد وهم مرتاحين كثير وفرحانيين ونفسيتهم متغيرة كثير ونفسيتي انا وابوهم بعد متغيره واجلس معهم وقت المذاكرة وانا مرتاحه .

ثانيا/ الزوج ::32:
لما يقرب مني اقوله تعبانه ابي انام واتنرفز وحالتي حالة والزوج يتعصب وما كنت اهتم بنفسي ، اما الان فالزوج كثير مرتاح ومبسوط مو مثل اول والاهتمام زاد بنفسي وأي طبخة هو يبي يأكلها أسوي له .

ثالثا: ترتيب وتنظيم المنزل :::3_13_11:
قبل ما كنت مهتمة كثير بالمنزل وارضى باي تنظيف تنظفه الشغالة وكنت أخاف اقولها أي شي او اضغط عليها بشغل البيت وتحقد على أولادي وتنتقم منهم بفترة غيابي ،وكنت اخليها تنظف غرفتي يعني البيت وبما فيه كان بيدها . أما الآن فأنا على راسها من اول ماتصحى وما اخلي شي في البيت الا تنظفه وما أرضى بشي ما منظم وأكون معها في التنظيف حتى الشغالة تمل مني ومن كثر تدققي ، اما غرفتي الحين انا انظفها لانها من خصوصياتي وملابسي وملابس زوجي اغسلهم بروحي . والطبخ انا معها في المطبخ .

رابعاالميزانية : :27:
قبل ما اتخذ قرار استقالتي من العمل كنت كثير افكر بالميزانية وكنت مترددة ولكني توكلت على الله والحمد تصدقون راتبي كان يروح بأشياء تافه بالملابس والإكسسوارات والمكياج وكلما اسمع حد من البنات بالدوام اشتروا شي كنت أروح اشتريه وكنت شهريا اشتري ملابس لاولادي يعني الراتب يخلص في اشياء تافه ، اما الآن ولله الحمد راتب زوجي يكفي وفيه البركة طبعا اصبحت ماأشتري شي الا وانا محتاجه له وقللت شراء الملابس الي ما لها داعي ووفرنا كثير وشرينا بيت ثاني والحمد لله الله بارك لنا .

واخيرا نصيحتي لكل ام وزوجة وربت بيت تريد ان تتخذ قرارا بالاستقالة من العمل لا تتردد والله اني جربت والحمد لله مرتاحة نفسيا وان تتوكل على الله والله يبارك لها.:)