تغيير جذري.

السلام عليكم ورحمه الله وبركاته
تعرفون الشخص اللي يعطي الواس على حساب نفسه ويلقى منهم جحد ؟ تعرفون الشخص اللي يشيل اللقمه ويعطيها النااس وبعدين هالناس هم اول ناس يفرحون اذا شافوه بمصيبه؟ تعرفون الشخص اللي يحب للناس الخير ويكتشف ان لو الرزق بيدهم كان منعوه عنه؟ تعرفون الشخص اللي صار يمشي هش كلمه توديه وكلمه تجيبه ؟ تعرفون الشخص اللي انأذى من اقرب الناس له واستغلوه اقرب الناس له؟
هذا كله انا احس اني صايره هشه اعطي البشر بالوقت اللي انا بحاجه فيه لنفسي وكله بس لاني اخاف اني اذا ما سويت لهم ما عاد القى تقدير منهم.
اقرب ناس لي استغلوني يلعبون على نقاط ضعفي ويلوون ذراعي .
حاولت من رمضان اني اتغير لكن كلهم يقولون الله يهديك يحسسوني اني مسويه مصيبه وانا كل اللي سويته اني التفت لنفسي اللي كنت مضيعتها كل السنه .
كلهم عارضوا هالتغيير رغم انه ما يضرهم بشيء بطلت اخدمهم اذا كنت مشغوله او تعبانه لكن اذا قدرت وصار عندي وقت اخدمهم بمويا عيوني ومع كذا مو عاجبهم سمعوني كلام واني صرت انانيه ما اشوف الا نفسي وبالاساس هم اللي انانيين يبغون الناس تخدمهم اهم شيء راحتهم وبس.
سمعوني كلام ليل نهار لين رجعت نفس قبل اخدمهم على حساب نفسي واحياناً اكون مهلوكه استنى يأذن العشاء عشان اصلي وانام ويطلبون مني خدمه اسويها لهم وأأجل نومي بس عشان ما يقولون انتي انانيه وانتي ما تشوفين غير نفسك صرت هشه اي كلمه تكسرني .
كيف احسن من نفسي كيف اغيرني بحيث انه ما يأثر فيني كلام الناس الانانيه اللي تبغاني اجلس على ما انا عليه بس لان هالشيء يريحهم واخدمهم ماهمهم انا كيف عايشه وبأي ضغط جالسه امر. كيف ما اهتم لكلامهم وقت التغيير ؟