تغيير مفرش السرير!،، كم عندك لحاف؟ وكل كم تغيريه؟ يلا نتفاعل ونفيد بعض

السلام عليكم ورحمة الله وبركاته

كيف حال الحوائيات:27:

مفرش السرير وماادراك مامفرش السرير

طبعا فتحت هذا الموضوع علشان نستفيد من بعض

كل وحده تدخل تقولنا كم عندها لحاف؟ وكل كم تغيره؟ وهل تتقيد بلون الغرفه والبويه لمن تختار الالحف؟ وكمان ايش انواع المفارش العمليه وفين نلاقيها؟ واخر شي كيف تغسل اللحاف وفين تخزنها بما انها تحتاج مساحه؟



حبدأ بنفسي

عندي 4 الحفه ودوبي اشتريت الخامس
اغير كل 3 اسابيع تقريبا
بس مررره اطفش
احس اللحاف يطلع ريحه والمفروض يتغير قبل 3 اسابيع
كل الالحف اللي عندي طقم كامل يعني ماعمري جربت الاشياء المضغوطه واللي تجي بسيطه نفسي اجربها احسها حتوفر عليها كثير بس ماعندي خبره ياليت تفيدوني فيها

غرفتي بويتها وردي واحس نفسي مرررره متقيده في اللحاف يافوشي ياسكري يابيج كل الواني كذا
فهل تتقيدوا انتو كمان ؟ والا تشتروا كل الالوان
نفسي اجرب الوان ثانيه:44:

غسيل اللحف .. اغسل اللحاف نفسه في البانيو والمخدات وغطاء المرتبه في الغساله عادي
والتخزين مرررره محتاسه فيها ماادري فين اخزنها
كل واحد في كيسه وفي غرفه فاضيه لسا ماكملت تأثيثها بس المشكله حكمل تأثيثها دحين ومو عارفه اودي الالحف فين

والتعطير طبعا اغسلها بداوني
واغرقها عطور قبل ماتشف

وابخرها وهيا رطبه


وسلامتكم


يلا المايك لكم ياحلوات

وقولوا تجاربكم مع الالحف المضغوطه وتعدد الالوان