تغييييرت شخصيتي ١٨٠ درجه ! هل من تفسير ؟!

السلام عليكم


اخواتي انا كنت انسانه طبيعيه ايجابيه عايشه مثل الناس واستمتع بحياتي الحمد لله واحب اطلع واروح واجي واحب الجمعات ، لكن من قبل سنتين تغيرت شخصيتي ١٨٠ درجه صرت خوافه ولو احس بصداع او مغص على طووول اخاف واوسوس انه مرض خطير الله لايبلانا ولولا رحمة ربي ماكنت كملت الجامعه لأن كنت لما اجي اروح للجامعه اخاااف واحس انو راح يصير فيني شي وراح ادوخ بالجامعه !! حتى لما ابي اروح للسوق اشيل هم واخاف يصير فيني شي وصرت مااقدر اروح لحالي او مع بنات لازم معي رجال ، يعني وساوس قهــررررريه غريبه عجيبه خصوصاً بالمرض الله لايبلانا ... حتى مناعتي صارت اضعف وصرت اتعب وصار فيني قولون عصبي مززززمن وكذلك صرت مااستمتع بالحياه احس الدنيا سوداء وفرحتي ماتكمل كلما جاني خبر حلو مايكمل !!
صرت احس بالنقص لما اشوف الناس حياتهم ماشيه ومبسوطين ويطلعون ويجون وانا كئيييييبه مااحس فيه طعم لأي شي بالحياه الله يهنيهم ويزيدهم من فضله ويجبر خاطري جبراً يليق بجبره ❤️

وكمان صار عندي يأس وهذا اكثر شي مضايقني ابي ثقتي وحسن ظني بالله ترجع مثل اول انا احب ربي ومابي اغضبه لكن قلبي وعقلي مو بيدي غصب احس اني متشائمه مهما قلت اني ابي اتفائل

الله يخليكم دلوني على مقاطع او مواضيع تزيد ثقتي وحسن ظني بالله والله اني ودي ارجع مثل اووول كنت ادعي ربي بكل حالاتي ومرات اقعد من النوم وادعي وكانت كل دعواتي مستجابه ، اشتقت لشخصيتي وحياتي القديمه 💔