ترا فه اشياء ممنوعه منها النفاس والدوره بعد واكيييد لها اسباب من منعها مو كذا عبط
وان كنا نجهل السبب احيانا بس انا متأكده ميه بالميه لها حكمه
لا تكثرين شرب المويه واذا بغيت مره اشربي بس مو كثير والاهم مو باااارد
واللبن صح مو زين والطماط ويقولون بعد الخيار والبصل الني
والقرع والموز والملوخيه والباميا
والقائمه تطوول بصراحه هذا الي اعرفه والخافي اعظم
اهم شي للنفاس اللحم ومرقة اللحم
والسلطه وخاصه الورقيات الخضرا
وعصير التفاح بعد كويس جدا
وكلي خبز بر
عصيده
وهالاكلات الشعبيه الحلوه
والتمر
واهم شي خلي جنب راسك زمزمية فيها خمسة اشياء الي هي زنجبيل وقرفه وشمر وقشر قهوه عويدي
وعليهم مويه مغليه
واشربي منها طول اليوم
وماعليك الا العافيه
wqwqt
•
يعطيك العافيه ياعسل بس انا نفاس لي اسبوعين ولاينزل علي دم الى يومين وقالو يمكن وقت الولاده نظفوك والله خااااااايفه عشاني بكريه الله يفرج علي وعلى الجميع بالله انصحوني ايش اسوي
الصفحة الأخيرة
موضوع جميل يعطيكي العافيه ماقصرتي ..
اانا بصراحه اشوف بالنفاس كل وحده والشغلات اللي تناسبها وترتاح لها واذا لها اخوات وعندهل امها وسبق لهم الولاده تشوف وش مشوا عليه وارتاحوا له وتسوي زيهم افضل وثقه ..
الحمدلله خلصت الاربعين وبنفاسي سويت الاتي :
بفتره وجود الخيوط مااستخدمت الا مويه دافيه واجلس بطشت الخاص ربع ساعه وانشف المنطقه كويس وبس .. بعد ماطاحت الخيوط استخدمت بيتادين وبس .. بالنسبه لمكان الخياطه طبيعي تحسي بنغزات وعدم الراحه ووجود نقاط دم ولما يجي وقت تبدأ تطيح طبيعي تحسين بحكه بسيطه دليل الجرح يبرى حتى بعد ماتطيح ممكن تشوفين نقاط دم لما تجففين المنطقه .. تقلقين لما يكون فيه حكه بزياده والالااام مو طبيعيه لازم تراجعين الدكتوره ..
والشاور اخذه يوم ورا يوم واتدفا زين لان مع الرضاعه التعرق يزيد والوحده ماتحس براحه الا تتنظف .. ومو شرط تغسلين شعرك دايما الاهم جسمك ..
الشرب بصراحه ماشاء الله اشرب مويه كثير ماادري كيف يقولون مو زين!! وتكون بحراره الغرفه ولو تقرون بمواقع اجنبيه ينصحون بشرب المويه .. وسألت الدكتوره قالت مايسبب مشاكل .. بالاضافه للعصائر الطازه وابتعدت عن التشويات وكثفت البروتين باللحوم وبالاخص الحمرا ومرق ..وسلطات وابتعدت عن البصل والكرات والفجل والجرجير والخوخ وحتى الموز ان كنتي ترضعين عشان الغازات للبيبي مو ناقص مسكين هو خلقه الغازات موجوده وبكثره ..
قشر القهوه والزنجبيل والقرفه دايماااا اشربه ومريح وينظف .. وكثرت تمر وباليوم اكل ملعقه عسل على مويه دافيه بالصباح
بالاكل احط فلفل اسود ..
سالفه الحلبه والمره مااخذتهم ابد مع كثرث البلبله فيها لا امي ولا اختي قد اخذوها وانا مشيت على سوات اختي والحمدلله عندها 5 اولاد وامورها طيبه ..
بالنسبه للف البطن كنت متحمسه اللبس مشد واللف بس في اخصائيه امريكيه للعلاج الطبيعي والرياضي تجي للوالده دوم ففي وقت نفاسي مره قابلتني وسألتها عن البطن قالت ابد لاتستخدمين شئ لان الرحم لسى يرجع لمكانه تجنبي تشدينه بشئ او تضغطين عليه وبعد ماتخلصين الاربعين ابدي سوي رياضه البطن واشفطيه قد ماتقدرين وهي ماشاء الله عندها 4عيال ومافي بطن .. والحمدلله اصلا انا بحملي مازدت كثير وحملي كان على داخل معرض على قولتهم يعني ماكان بطني بارز فالحين يادوب كرشه صغنونه ان شاء الله مقدور عليها بالرياضه ..
فالزبده يااااخوات كل وحده تشوف اللي يناسبها ويريحها وتسويه واهم شئ الاكل اهتموا فيه .. وشوفوا رد د.جابر على كثره الاسئله لمواضيع النفاس ونصح باالاكل المتوازن المفيد وشرب قشر القهوه والشمر والتمر وحذر من الحبه السودا لضررها على البيبي مع الرضاعه .. فانبتهوا ياااخوات وابحثوا قبل ماتاخذون شئ ماتعرفون له ..
واللبس لاتشيلون همه هي بساطه وبعدين انتوا نفاس اطقم البجايم مع اروابها وطقموا سليبرز معاها في الكاجول خلوها للي تمونون عليهم والرسميه لحمولتكم والباقين وخلصنااا .. بعدين اذا انتم نفس حالتي مااجلس الا شوي وبعدها اروح لولدي يبكي وعند الاغلب مااطلع ولدي يادوب بس اهل زوجي وخالاتي بسسس ..
اهم نصيحه للي منفسه والحمل على وجه ولاده وبتدخل حياه النفاس لاتنسون الاذكار لكي وللبيبي وطول وقتك سمي واذكري الله على البيبي وحصنيه سوا في ناس ولا مافيه والقران خليه شغال اريح نفسيا للجميع وخليكي ايجابيه ونفسيتك حلوه حتى لو انك تعبانه والنوم معدوم مجرد ماتقومين باخر الليل او وجه الفجر وبكل وقت تشوفين العنننووون الدميله وهالكائن الصعنووون تنسين تعبك .. والحمدلله على التعب في هالفتره الا انها تمشي بسرعه وتخلص ..
الله يعينكم ويساعدكم ... والمعذره عالاطاله بس حبيت افيدكم ..