شفت هالموضوع واعجبن ..احس رفع معنوياااتي



( الموضوع منقول للإفاده )

انا كاتبه الموضوع فقط لسبب واحد,اني حابه اساعدكم وافيدكم واريحكم من هالنفر العلّة,اللي

سبب لي عقده من سادس ابتدائي الى اولى جامعة والحين الحمدلله ارتحت



وكل الكلام الموجود من واقع تجربتي انا واختي وربي يشهد اني صادقة في كل كلمة,فانا ماكتبت

هالموضوع الا اني عارفة ان نص شباب وبنات العالم يعانون من هالمشكلة ,وما كتبت الموضوع

عشان اسوي دعاية لهالدواء,انا بس راح اقولكم عن تجربتي معه ,فاللي حاب يستفيد يشتريه من

الصيدلية واللي مو حاب فالله يكون معاك.






محتويات الموضوع:

#تعريف بالروكتان

#كيفية استخدامه

#تنبيهات قبل وبعد الاستخدام

#صور لبشرات قبل وبعد الاستخدام

#اثاره الجانبية

#تفاصيل تجربتي انا واختي ومالاحظناه قبل وبعد الاستخدام

#مدة العلاج

#اقتباسات لردود اشخاص قاموا بتجربة حبوب الروكتان وتعليقي الشخصي عليها

#مدة العلاج

#اسئلة شائعة بخصوص حبوب الروكتان

# محاسن استخدامها

#بعد كل هذا هل الروكتان دواء آمن و مفيد؟

أولاً ما هو الروكتان ؟



الروكتان او الروكاتين Roaccutane أو ما يعرف علمياً بإسم Isotretinoin هو دواء

نستخدمه في علاج حالات حب الشباب المستعصية والشديدة، وأيضاً نستخدمه في حال عدم تحسن

حب الشباب بعد علاجه بحبوب المضادات الحيوية وكريمات ال Retinoin ، أحرص تماماً على أن

يكون المريض على دراية تامة بالروكتان و بالآثار الجانبية له كذلك قبل أن أصرفه له. لذا أنصحك

بشدة بالتحدث مع طبيب الجلدية لديك إذا كانت تراودك أي أسئلة حول الروكتان قبل أخذه أو إذا

كنت تواجه أحد آثاره الجانبية العديدة خلال فترة العلاج

كيفية استخدام الروكتان؟

تناول الروكتان مع الوجبة الرئيسية وذلك لزيادة إمتصاصه من المعدة

أبق الروكتان بعيداً عن أشعة الشمس و لا تتركه في مكان حار أو في الثلاجة, , درجة حرارة

الغرفة تعتبر مناسبة

تم وصف الروكتان لك أنت فقط , لذا لاتشاركه مع أي شخص آخر إطلاقاً

لاتنس أن تضع الروكتان في مكان بعيد عن متناول الأطفال

لاتتبرع بالدم في حال تناولك للروكتان، يمكنك التبرع عن التبرع بالدم بمدة لا تقل عن شهر واحد

بعد توقفك عن أخذ الروكتان

احم احم اختكم في الله في يوم من الايام رايحه وبكلللللل ثقة تتبرع بالدم وسااااعةوهي واقفة في

الطابور تنتظر دورها وساحبه على محاضراتها

لما وصل دوري قامت الدكتورة تسالني كم سؤال

بعدين سالتني اذا اخذ اي علاج؟

فقلت اني اخذ روكاتين

وعلطول تقول توكلي على الله ابدا ابدا ماينفع تتبرعين ياعيوني

لاتعمل أي ليزر أو تقشير للبشرة تماماً أو أي إجراء تجميلي يجعل البشرة أكثر نعومة طوال فترة

تناولك الروكتان, يمكنك ذلك فقط بعد 6 شهور على الأقل بعد التوقف عن الروكتان

أخبر طبيبك ما إذا كنت تعاني – أنت أو أحد أفراد أسرتك – من أمراض الكبد، أمراض القلب

والكلسترول أو الإكتئاب

كذلك يجب على طبيبك أن يكون على عِلم إن كنت تعاني من حساسية اتجاه أي نوع من الأدوية، و

خاصة Parabens الذي يوجد في كبسولة الروكتان ويوجد أيضاً في مستحضرات التجميل و

المرطبات



الروكتان مفعوله كمفعول فيتامين A ، لذا يجب عليك عدم تناول حبوب فيتامين A ، أو حبوب

المتعددة الفيتامينات التي تحتوي على فيتامين A أيضاً

لاتأخذ أي نوع من أنواع المضادات الحيوية إطلاقاً إلا بعد إعلام طبيبك أولا بأنك تأخذ الروكتان

لأن بعد المضادات مثل ال Tetracyclines تزيد بصورة كبيرة من الآثار الجانبية النادرة

للروكتان




أخيراً تأكد من إخبار الطبيب عن أي دواء آخر تتناوله حتى تلك التي تصرف دون وصفة طبية .


يتبع

طيب انا عندي كم سؤال:

كم وحده فيكم متعقده من بشرتها؟

كم وحده منكم ماتطلع من بيتها الا وهي حاطه كريم اساس عشان تخفي حب الشباب؟

كم وحده حامت كبدها من الخلطات وحاليا قاعده تقرأ موضوعي وهي حاطه قناع طبيعي او

كيميائي على وجهها بسبب حب الشباب؟

كم وحده منكم تقعد بالسااااعات عالنت تدور حل لحب الشباب؟

كم وحدة تركت اكل الكاكاو والشطة والفلفل لانها سمعتهم يقولون انها تطلع حب الشباب؟

طبعا انا واختي كانت حالتنا مثل اللي فوق مابقى شئ الا وجربناه ,وياما جربنا صابونات

نيتروجينا السائلة والجامد سواء ديب كلين او العادية



ومنظفات جونسون clean & clear




,وكريمات ومراهم وصفوها لنا الدكاتره في المستشفيات الحكومية والاهلية ......والنتيجة بشرة

تزداد سوءا

لدرجة انه وبقدره قادر النفر زااااد بشكل مو طبيعي في وجهي بالذات العام والبنات لاحظوا

وكل من شافني قال يابنت الناس وش اللي قاب في وجهك وش انتي ماكله؟ وانا لاتعليق

لدرجه اني صرت كل يوم اروح الجامعة وانا حاطة بودره لوريال على وجهي عشان يخفف مظهر

النفر
وللمعلومية هالبودره خطيييييييييرة وحلووووه انصح الكل يستخدمها وهاذي صورتها


طبعا اللي بشرتها دهنية وبقوة مثلي راح تتفهم حالتي بالضبط

خصوصا عند ازالة الشعر

اذكر اختي قبل من سنتين سوت فتلة,الله لا يوريكم وجها كيف صار كله نفرررررررر

وانا اذا شلت كتفي وقسم ان النفر يطلع بشكل رهيييب من بداية الكتف لنهاية الكوع لدرجه

ان خالتي لما شافت كتفي قالت يرحم امك بلاش تشيلين مره ثانية

طبعا مايحتاج اوصف لكم صدري وظهري كيف كانوا ونفس الحالة مع المحروسة اختي

ولو تشوفون مغسلة حمامي وانتوبالكرامة تقولون انكم داخلين صيدلية موحمام ,الغسولات

والمنظفات ماااليه المكان.

لدرجة اني نويت اني استخدم حبوب منع الحمل لاني قد قريت في الجريدة انها تساعد على تخفيفة

وان الكثير من الشابات يستخدمونها بس الحمدلله ربي اغناني عنها

طبعا وللخلطات الطبيعية نصيب في اللعب ببشرتي

جربت قناع الزبادي والعسل واعوذ بالله كل ماله يزيد مو يخف

جربت قناع المرّه وياما نشف وجهي ولا جاب نتيجة

جربت قناع الزبادي والبطاطس المهروسة وياما وياما قرفني استغفر

على فكره اللي يقول يمكن العيب فيك مو في الخلطات لانك مااستمريتي عليها ,اقووول شهوووور

وانا اجرب نوع واحد من اي خلطة ومافاد

واللي يقول ان سبب ظهور النفر هو قلة النظافة الشخصية ارجع واقولة نتسبح كل يوم ومع ذلك

مافيه فايده

احب انبه كل واحد فيه نفر انه مايسوي هالحركه ابدا



لانها هي اللي من جد تحفر وتشوه الوجه وبعدها لا روكتان ولا غيره راح يزيل هالاثار فخلوا

النفره في حالها ولا تفقعونها

المهم

اختي خلاص حامت كبدها وقررت انها تستخدم حبوب الروكتان

راحت الدكتور ووصفه لها

والحين هي خلصت العلاج

والله ثم والله ثم والله ان بشرتها طلعت تلق بسم الله ماشاء الله

الصدر والظهر والاكتاف والوجه كل واحد يقول الصفااااوة عندي

لدرجه انها لما سوّت فتلة مره ثانية بعد العلاج ,ولا نفره تجرأت تطلع على وجهها

طبعا خلصت العلاج من سنتين تقريبا ولله الحمد لحد الان البشرة ماشاء الله ماطلع فيها نفر

اللهم من كم شهر وحده الله يهديها شافتها وقالت اهب يانورة وين نفرك مير اختفى كله وعلطول

من بكره طلعت نفره كبر قريح في وجهها <<ترى ذكر الله زين على فكره

حتى صديقتي كتنت بشرتها معدوووومة بالحرف الواحد ياقلبي عليها والله النفر كان كبييييييير

وفوق بعض وياالهي بالضبط مثل اللي بالصورة


ولمااستخدمت هالحبوب بسم الله ماشاء الله تقولون ان بشرتها ماذاقت شئ اسمه نفر

وربي ياعالم اني ماابالغ في كلامي

صور لاشخاص قبل وبعد استخدام الحبوب:

بيني وبينك انا اول كنت اقول مستحيل ان البشره تصفى بعد كل هالنفر بس التجربة خير برهان

المهم انا من بعد ماشفت النتائج الباهره على اختي وصديقتي<<متعوب عليها كلمة الباهره

وانا طيراااان عالمستشفى عشان اخذ حبوب زيها

خلوني اوريكم صورة لبشرة كانت مثل بشرتي



على فكره انا واختي عالجنا في مستشفيين مختلفيين والسبب انها كانت تكررره دكتوري لانه

بااارد وانا كنت اكره دكتورها لانه عصبي بس يالبى قلوبهم والله لولا الله ثم هم كان شفتوني لحد

الان احط قناعات على وجهي

طبعا هم في البداية ماراح يعطونك الحبوب اول ماتطلبينها

لازم اول شئ يعطونك كريمات ومقشرات وبلاوي يقولون لك جربيها لشهر واذا مافيه تقدم راح

نعطيك الحبوب (قعدت ساعة اقنعهم واقولهم انا مجربة نفس هالادوية بالضبط من قبل ومافيه

نتيجه لكنهم اصروا اخلاء للمسؤلية لان الروكتان دواء موسهل ابدااااا له اثار جانبية راح اتكلم

عنها ان شاء الله)

وعدا الشهر والحبوب هي هي وحولوني عالاستشاري عشان يصرف لي الحبوب

اول شئ قام يسأل عن تاريخي وتاريخ العائلة الكريمة الطبي وعن وزني و الخ الخ

لكن اهم خطوة اللي من دونها ماااافيه امل يسمحون لكم باستخدام الحبوب

الا وهي تحليل الدم عشان يعرفون نسبة الدهون والكليسترول والشحوم الثلاثية والخ الخ

بعدها اذا طلعت النتيجه كويسة راح يسمحون لكم باستخدام الحبوب

والحمدلله صرفوه لي
وبدأنا بالعلاج......... في شهر 7 عام 1430 (العام الماضي)

يتبع

كيفية الاستخدام:


اول شهر قالي الدكتور اكل حبة 20 غرام كل يوم بعد الاكل وهاذي صورة العلبة




لا يغركم جحم القصديرة ترى الحبة صغيروووونه

كذا حجمها بالمليمتر






هاذي مو ايدي للمعلومية بس

طبعا انا مده علاجي استمرت لمدة سنة وكل شهر كنت اروح احلل عندهم عشان

يوافقون على

الاستمرار في استخدامة

لماقربت على نهاية العلاج قالي اخذ حبة 10 غرام لانه ماينفع اقطع العلاج مره واحده

وهاذي صورتها









طبعا حجمها اصغر بكثير من اللي 20 غرام


بعض الاحيان ماكنت الاقي في الصيدلية علب الـ20 غرام فكنت اخذ علبتين من الـ10

غرام واصير اخذ حبتين مره وحده بعد الاكل

لازم تنتبهون انكم ماتلخبطون في وقت اخذ الحبوب

يعني خلو لكم وقت محدد مثلا العصر

مو يجي يوم تاخذ الحبة العصر وبكره تاخذها العشاء ماينفع ابداااا

وانتبهوا تاخذون حبه عالريق ماينفعش خاااالص


الاعراض الجانبية:تنقسم الاعراض الجانبية الى قسمين:شائعة و نادره الحدوث


طبعا مو شرط كلها تصير فاأنا راح احط علامة * عند الاعراض اللي تعرضت لها

اولا:النادرة في حال حدوثها لاسمح الله يجب عليك الاسراع بالذهاب الى الطبيب

1_جفاف شديد في العين

2_اصفرار البشرة و العينان أو البول بلون أصفر داكن

3_الشعور بالتعب الغير اعتيادي، أو انعدام الشهية

4-الصداع، الغثيان، التقيؤ، أو عدم وضوح في الرؤية

5-ألم حاد في المعدة، الإسهال، أو نزيف في المستقيم

6_الاكتئاب أو التغيرات المزاجية المفاجئة كالحزن أو الغضب

ثانيا: الشائعة

1-جفاف بسيط البشرة *

2-حساسية في الجلد *

3-جفاف في الجيوب الافنيه +نزيف من شده الجفاف *

4-جفاف الشفاة وتشققها لدرجة خروج الدم *

5-تسبب الم في المفاصل والعضلات وتخلي النفسية زفت

6-تساقط الشعر

7-جفاف بسيط في العيون-أصحاب العدسات اللاصقة طلعوا نظاراتكم الحين!

8-زيادة الحساسية والحروق من الشمس – إستخدم كريمات الحماية من الشمس*

9-تقشر الجلد في راحة اليدين و أخمص القدمين – المرطبات مرة أخرى!

10-جفاف الجلد و الشفاه – ضع كريمات مرطبة لتخفيف هذه المشكلة*

11-إرتفاع الكلوسترول وإنزيمات الكبد في الدم

12-ألم في العضلات – اللي عنده دورة أو بطولة مهمة أنصحه بتأجيل الروكتان

13-العشى الليلي

كل هالاعراض تزول بمجرد التوقف عن الروكتان

بالنسبة لجفاف الشفاة انصحكم وبشده انكم تخلون لابيلوا معاكم في كل مكاااان لانه

مايمديكم ترطبون شفايفكم الا وهي ناشفة بعد فتره قصييرة

بالنسبة لي كنت حاطة لابيلوا في شنطة السوق وشنطة الجامعة وعلى التسريحة وعلى

المغسلة وفي شنطة الابتوب ويالله السلامة مع أنه في بعض الاحيان ماكان يفيد معي الا حبيب الشعب فــازلـــيــن والله توني احس بقيمته

وبالنسبة للحساسية انا تقريبا في الشهر السادس او الخامس <<حسيت اني وحده

حامل تسولف
جتني حساسية في يدي بس العيب مني لاني ماكنت ادري انها من اثار الروكاتين

فلمار حت الدكتور قال حطي كريم او فازلين وبالفعل من ثالث يوم وهي بادية تروح

وبالنسبة لجفاف الانف ومادراك ماجفاف الانف الحل الوحيد انك تدهنين خشمك

بالفازلين كذا مره في اليوم<< مو قلت لكم اني عرفت قيمة الفازلين

جفاف العين الحمدلله ماجاني بس جاء اختي وعلطول وصف لها قطره ترطب العين

اما باقي الاعراض من تساقط ونفسية وعضلات والخ فلله الحمد ماجتني.


طبعا لما جاء شهر رمضان الله يبلغنا واياكم هالشهر الفضيل,صار لي مستخدمته لشهر

ونص طبعا خف النفر وانا كنت طماعة كنت ابي العيد يجي وبشرتي تلق فرحت

لموعدي وقلت ابي ازيد الجرعة واخليها 40 غرام في اليوم بدال 20

زدتها وياليتني مازدتها

الحين على 20 غرام مغير داقتها صداقة مع الفازلين واللابيلو عشان الجفاف ومع

ذلك كنت اتجرح

فمابالك بـ 40 غرام ولا بعد صيام (شين وقوة عين)
اسبوع واحد اذا ماكان اقل وانا على 40 غرام وتوووووبة اذا كررتها كل شئ فيني نشف
صرت مثل الانشوفة<< ابدا ماقصدها مثل انهيوك ^_^

ورجعت على 20 غرام ويالله السلامة فالمقصد من هذا كله بلاش عجلة في العلاج.




اذكر لمابديت اخذ الحبوب قالت لي بنت خالتي :

صدق انك مجنونة احد ياخذ هالحبوب ؟انا صديقتي اخذتها وشوهتها؟البنت صارلها

حروق ومدري ايش وماعاد صارت تطلع من البيت واعتذرت عن الدراسة و و و


ياسااااااتر كل هذا؟؟

اقول بس انا الحمدلله اخذتها وتمام صديقتي بعد اخذتها وتمام واختي اخذتها وتمام

لاننا اخذناها عن طريق طبيب اما اللي مستعجل ويبي ياخذ على كيفيه فذنبه على جمبه

لان هالدواء له تأثير على وظائف الكبد والكلى تراني علمتكم واخليت مسؤليتي.اللهم

اني بلغت فاللهم اشهد

يتبع

محاسن استخدامها:


1-اصلا كفاية انها تزيل حب الشباب نهائيا وحالات نادرة جدا ترجع لهم الحبوب

بالظهور وان ظهرت بعد الاستخدام تظهر بشكل خفيف

2-تزيل الاثار والبقع الداكنه التي سببتها حبوب الشباب

3-اختفاء الحبوب السوداء بشكل كاااااااامل

4- تودعين شئ اسمة شامبوللشعر الدهني لان شعرك ماراح يزيت عليك ابدااااا

5- راح تقضين نصف يوم تمقلين في خشتك في المراية من جمال بشرتك



مدة العلاج:


تختلف المده من شخص لشخص حسب نتائج التحاليل ومدى تطور البشرة مع العلاج

مثلا اختي قعدت تقريبا 9 او 7 شهور

صديقتي ماذكر للاسف

انا قعدت سنه

بس الغالبية يقعدون 6 شهور


هاذي صورة توضح مراحل التطور وتحسن البشرة بالفعل كذا كانت بشرتي وكيف

صارت في النهاية وربي يشهد اني صاادقة<< تنرحم تبي الكل يصدقها