@كل الغلا@ :

هذا نظام الاكل اللي اتبعه مع عيالي شيء من تاليفي وشيء من الفرفره بالقسم والمنتديات الثانيه وسؤال الدكاتره اتمنى التعديل عليه واللي عندها اضافه تضيف ترى عيالكم مابقلى لهم شيء ويبدون ياكلون بسم الله عليهم انا بديت لهم بالعصيرات ..تفاح وكمثرى,,,بالخلاط مع مويه بعدين اصفيه واشربهم وخلال هالاسبوع كنت اذوقهم الخضار بس باصبعي ثم سيريلاك الرز بعدين صرت اخلط بالخلاط الفواكه التفاح..الكمثرى,,الخوخ..المشمش كل صنف لحاله..بعدين خلطتهم مع بعض كوكتيل وعلى نص السادس بديت لهم بالخضار القرع ثم الكوسه ثم البطاطس والجزر اسلقهم وبالخلاط مع الماء زي الشوربه بعدين صرت اخلط الخضار مع بعض ثم دخلت الرز المصري.. بعد ماتموا 6 شهور عطيتهم السيريلاك ودخلت لهم الموز وقطعة صغيره من صدر الدجاج..والطماطم مع الخضار..والشوفان وعصير اليوسف افندي ... والزبادي بالنسبه التفاح والكمثرى الافضل بالبدايه تطبخينهم مع الماء بعدين تخلطينهم بالخلاط بس فتره وبعد كذا ممكن بدون طبخ اما برنامجي مع عيالي الصبح يشربون حليب الضحى اعطيهم زبادي قليل الدسم اول مره خلطته مع بسكويت فارليز او بسكويت اطفال وبعدين خلطته مع فواكه تفاح او كمثرى او خوخ فراوله او مشمش والحين ياكلونه ساده بعد كذا وجبة حليب للي يجوع منهم الظهر اعطيهم وجبه خضاااااااار الاساسي فيها ....القرع (مره اضيف له تمر احطه بماء حار واقشره واخلطهم جميع بالخلاط) احرص عليها اذا معهم امساك احيانا اضيف جزر كوسه بطاطس وطماطم صغيره وقطعه دجاج صغيره من الصدر وملعقتين رز مصري احيانا بدل الرز المصري ملعقتين شوفان واسلقهم على النار بعدين بالخلاط على اخر العصر او بعد المغرب اعطيهم فاكهه مره موزه..او تفاحه..او كمثرى... او اقشر التفاح واطبخه شوي على النار مع ماء بعدين بالخلاط وممكن مع التفاح تضيفين الكمثرى والخوخ بس قشريهم ..وبعد مايبرد تحطين عصير برتقال شوي او يوسف افندي يطلع مرره لذيذ وممكن تضيفي التمر او البسكويت وممكن تخلطينهم بدون طبخ يوم عصير يوسفي او عصير جزر احليهم بسكر نبات او عصير تفاح بس لازم اخففهم بماء عطيتهم عصير برتقال واللي استفرغ واللي صار مايشرب الحليب فقالي الدكتور انه مايصلح لحاله البرتقال يتعب المعده اخلطيه مع اي فاكهه ثانيه ويوم اسوي مهلبية التمر(انقعه بماء حار اقشره واطبخه مع ماء بعدين بالخلاط وارجعه على النار مره ثانيه مع ملعقة نشاء وممكن بسكويت مع ماء واذا امي عندهم حطت لهم شاي مع البسكويت من شاهيها تخليهم يتقهون معها خخخخخخ بعدها وجبة حليب او وجبتين بالليل اعطيهم سيريلاك بالتمر لاني غالبا اصير دايخه ومالي خلق طبخ او اذا بتطلعين برا البيت اسهل شيء لك السيريلاك جربت اللي بالفواكه حق 6 شهور وكان حامض شوي وماتقبلوه وولدي صار يستفرغ عاد اذا فيه بالعسل ابجربه وبعدها ينامون...وباليل ياخذون رضعه او رضعتين حليب بس غالبا مايكملون ال120 حاليا باذن الله بدخل لهم صفار البيض مع البطاطس...او الزبادي...وبعطيهم عصير الزبيب الاسود مخفف بماء مادخلت لهم البقوليات خفت من الغازات الملح حطيت شوي مع الخضار مرتين بس ابيهم يتعودون على المالح بعد كل وجبه اعطيهم شوي ماء لو بالملعقه اذا رفضو ه وجبة الغداء حقت الخضار اسوي كميه اعطيهم واحفظ حق يومين بالثلاجه وحق يومين بالفريزر اطلعه قبل بساعه واحطه بحمام مائي هذا حاليا نظام الاكل معهم لكن احيانا مالتزم بقوه هذا ينام وهذا يقوم اوانا اكون تعبانه فنلغي وجبه او وجبتين واكتفى بموزه او تفاحه والسيريلاك او الزبادي والسيريلاك بس احاول قد ماقدر اعطيهم 4 وجبات متنوعه ملاحظه بالنسبه للشهر السادس كنت اعطيهم الحليب اكثر شيء والوجبات فقط وجبه وحده باليوم لانهم مابعد تقبلوا الاكل اما وجبة خضار او فواكه وماخليها تشبعهم يعني لاخلصت يصيحون لاني خفت يكرهون الحليب على اول السابع صاروا وجبتين واخره 3 وجبات الان جدولي هذا طبقته لهم لما دخلوا الشهر الثامن صرت اعطيهم اربع وجبات... والله يقويني وياكم ودعواتكم لعبودي ان الله يشفيه ويعافيه وخواته ياكريم

هذا نظام الاكل اللي اتبعه مع عيالي شيء من تاليفي وشيء من الفرفره بالقسم والمنتديات الثانيه وسؤال...

أم غدغودة :

مون وسن ،، ألف سلامة على عيال ولاتخافين انا ولدي سوا عملية الفتاق الاربي مرتين ،، واحدة وعمره شهر ووزنه 1700 غرام والثانيه وعمره شهرين ونص ووزنه 2600 غرام .

مون وسن ،، ألف سلامة على عيال ولاتخافين انا ولدي سوا عملية الفتاق الاربي مرتين ،،...

@كل الغلا@ :

بنات انا لي اسبوعين نفسيتي مرره تعبانه وجيت عند اهلي ابغى اغير جو بس ماتغير شيء كل يوم اصيح بسبب وبدون سبب صح فرحانه بعيالي بس مفتقده نفسي و زوجي وحياتي الخاصه وحريتي ببيتي من حملت وانا بين المستشفى وبيت اهلي وبعد الولاده جلست شهرين بعدين رحت بيتي شهر بعدين رجعت لاهلي اسبوعين وعلى هالسيره بين كل فتره وفتره اجي لاهلي اريح شوي اذا جلست ببيتي انام بالغرفه مع عيالي مستحيل اخليهم لحالهم والصبح عندهم الخدامه واحيانا اجيب خدامه خالتي هي ساكنه تحت عشان تساعدنا وانا انام بغرفتي بس زوجي يصير راح الدوام واغلب وقتنا انا بعالم وهو بعالم اخر احسه يكره البيت عشان الشغالات وصياح عيالي و24 ساعه هيصه وحوسه بهالبيت لاتقولين خليه يتعود هذولا 3 بسم الله عليهم مو واحد اقول بكيفه ...وهو دوامه من الصبح الى العصر ومتعب جدا هذا غير مشاوير المستوصفات واغراضهم اللي ماتخلص وهات وجب ولاتنسى..وهو وحيد امه والمسؤل عن اهله يعني ماقدر اظغط عليه اكثر بس انا نفسيا خلاااااااااااااااص ..وكل مرحله اكتشف انها اصعب من اللي قبل شوي اقول ليش ماقترح عليه اسافر 4 او 5 ايام واخليهم عند امي وخالتي من حقي ارتاح شوي عقب هالتعب كله وشوي اقول لا هذي انانيه اروح ارتاح واخلي عيالي واشقي فيهم غيري بعد مدري تعبت وبس وش اسوي

بنات انا لي اسبوعين نفسيتي مرره تعبانه وجيت عند اهلي ابغى اغير جو بس ماتغير شيء كل يوم اصيح بسبب...