كل الغلا .. ياكل الغلا انتي

بقول بالتفصيل وقتي معاهم كيف .. يمكن يستفيد احد منكم وماابي غير الدعاء لي ولاطفالي

انا عاده مااسهر .. بس بكرا ورايا سفر وللان ماجهزت كل اغراضي وحايسه شوي ..

توامي .. يصحو على الساعه 7 ونص الصباح ..

اغير لهم والعبهم شوي .. والحين صرت احطهم بالمشايات وانواع التخريب خصوصا الزرع صار عاهه زرعي .. تقولي خرفان مو اوادم ياكلو زرع هههههه

على 9 ونص .. افطرهم .. وطريقة اكلي لهم تلقوه بملفي الشخصي حاطه موضوع عن طريقتي في تغذية اطفالي كلهم من الكبير للصغار

على 10 ونص اول قيلوله .. لمدة ساعه واصحيهم ..

الظهر سناك .. فواكه او بسكويت اطفال ..

3 القيلوله الثانيه .. لمدة ساعه واصحيهم

الساعه 6 ونص عشاهم ..

الاستحمام يومي .. وولدي بالذات لو مااستحم مزاجه يتغير .. محدده لهم الاستحمام على 7 ونص

يطلعو من الحمام .. دايخين .. على 8 يكونو في عالم اخر .. صراخ وصياح ومزاج مرررررره سيئ ... واحووس معاهم في غرفتهم

الساعه 9 اطلع من غرفتهم وهم نايمين ..

تقريبا كل 3 او 4 ساعات يصحو للرضاعه

اولادي اعطيهم 120 ملم مو 180 .. لاني اوكلهم واعطيهم عصيرات مو بس حليب

.....

طبعا الساعات اللي حطيتها مو بالدقيقه .. فرق نص ساعه او ساعه على حسب وضعي .. بس حطيتها للتقريب

بس الغالب الوقت اللي حطيته

صدقيني ياكل الغلا .. هذا نظامي معهم .. بدون شي زائد او ناقص ..

ونظامي مع عيالي من قبل .. النوم بدري اقدسه للصغار حتى في الاجازه .. ولدي عمره 9 سنوات .. في الاجازه اعطيه زياده ساعه تاخير في النوم لانها اجازه .. يعني على 9 ونص ينام !! وجميع اخوانه كذا ..


التوام الرضع لو مانظمتي نومهم .. واحد ينام وواحد يصحا .. وتوتر وقلق ..

لا تنسي لنفسك عليكي حق .. ولزوجك عليكي حق

ايام هم مواليد كنت متوتره ومعصبه طول الوقت من قل النوم والراحه .. زوجي اوقات يعذرني واوقات يمل ونتهاوش ..

وللامانه .. انا عندي شغالتين عشان لا تقولو ماشاءالله هذه المراه الحديديه وحده تساعدني فيهم والثانيه لها شغل البيت وامور اخرى .. يعني مقسمه الشغل بينهم ويساعدوني في توامي مجرد مساعده لا غير .. بس انا بيتي كبير وعندي اطفال غيرهم

يعني المفروض عندي 4 مو اثنين << ههههههه

بالنسبه لرضعات الليل .. مايخلصوها كلها .. يعني مو كل 4 ساعات 120 ملم .. اوقات مايكملوها .. يرضعو شويه وينامو ويصحو بعد 4 ساعات تقريبا اسوي لهم رضعات جديده

وهكذا ..

انا اجهز لهم في غرفتهم وقت النوم كل رضعاتهم وترمس الموسا الحار وجك مويا بارده .. والحليب .. عشان اسويه بسرعه ويرضعو بسرعه

والحين ماشالله بدو يمسكو رضعاهم بنفسهم وهالشي ريحني اعطيهم الرضعه وارجع انام

اتمنى اني قدرت افيد اي وحده محتاسه مع عيالها ..

انا بطلع واستودعكم الله .. لاني مسافره لاهلي بكرا .. وامي الله يحفظها ماعندها نت ..

اطل عليكم لما ارجع بالسلامه لبيتي .. بعد اسبوع ان شاءالرحمن

مع السلامه ...

كلا الغلا
كيفك .....متى بديتي توكلين عيالك


شابوره

ماشاء الله عليك
بس سؤالي كم عمر عيالك
وكيف نظمتيهم من عمر كم
لانه انا عيالي حاليا ما اقدر توهم بيكملون ثلاث شهور بعد كم يوم
طيب مو الساعه 7 بدري انا ما اتوقع تنفع معي.. لانهم بسم الله عليهم ثلاثه انا لو ينامون 12 اسوي عزيمههه

بنااااااااااااااااااااااااات
اللي تعرف تسوي توقيع لي انا ولدت ب29 القعده
يعني ان شاء الله بعد ثلاث ايام يكملون ثلاث