الهنوف ياحبيلك والله كلنا عندنا شغالات بس الشغاله مو كل شيء صح تساعد تغسل ملابس تكوي تنظف تمسح
بس مستحيل تامنينها على عيالك لو طيبه وحنونه بس معليش الشغالات مايرحمون ولافيهم عرف عشان تتكلين عليهم بشيء
انا عندي شغاله تحي عيالي وشغاله خالتي تحت ترقى تساعد شوي ومع ذلك انا ميته تعب
لان طول الليل عيالي عندي واخليها تنام وتشبع نوم
الصبح اعطيهم ااياها بعد مارضعهم واغير لهم انا هي تغير لهم مره وترضع مره بس
ولما اصحى الضحى افطرهم زبادي لازم اتاكد انه بحراره الغرفه مو بارد

الظهر تسوي لهم رضعهاتهم تحت اشرافي واناارضعهم وهي معي
لكن الغداء والعشاء انا اسويه بنفسي ماتكل عليها ابدا لاني توهقت واتكلت واكتشفت انها مامن نظافه
وكل الشغالات وسخااااااااات واتحداك اذا فيه شغاله نظيفه اغلبهن يمثلن النظافه قدامك بس من تحت لتحت تعالي شوفي البلاوي

تخيلي رغم حرصي علي عيالي وهي تدري وتحب عيالي تخيلي قبل كم يوم رحت زياره بسيطه لبيت خال زوجي
وهم معاي وكنت قايله لها خوذي ترمس المويه لازم ناخذه معنا لو اروح بيت اهلي

صاح الولد والبنت جوعانين قلت سوي لهم حليب تخيلي لما رضعوا الحليب خلاص
وقمت المطبخ الا واكتشف انها ماجابت الترمس قلت من وين جبتي المويه قالت من الابريق هذا
وتاشر لي على ابريق الله لايوريك كنه من العصر الحجري وسخ وكله غبار ودسم قلت ياربي وش هذا قالت بنتهم هذا ابريق المزرعه قلت والماء اللي فيه قالت من عصر جدي له اسبوعين الماء بالابريق جايبينه من المزرعه واشوف الماء لونه اصفر عساها العمى ماتشوف لونه
قسم بالله العبره خنقتني ماقدرت اصيح ولاارد لما رحنا البيت هزئتها تهزي بس وش عقبه عقب ماشربوا عيالي

وشوفي من بعدها كلهم طاحواعلي تعبانين
فلازم باستمرار اشيك على كل شيء على رضعاتهم وغسيلهن وملابسهم والماء
والدواء عاد مستحيل اخليه تقربه

كل واحد اعطيه علاجه بنفسي واوقت الجوال على مواعيد الادويه واصحى من نومي عشان اعطيهم حتى لو انام قلبي عندهم
يعني لو عندي مليون الشغاله مامثل الام وقلب الام وحنان الام ونظافه الام

سلام يا حلوات من امس وانا ادور التجمع الحمد لله لقيته :09:
امس طعمت عيالي تطعيمة الشهرين بس اني سألت الدكتور عن تطعيمة الروتا
كنتوا تحذرون منها ( جزاكم الله خير لولا الله ثم انتم ما كان دريت ان فيها شيء و ما كان سألت )
و قال لي ايه لا تأخذينها لأنهم موقفينها في امريكا لين يتأكدون من سلامتها

طفوله ..
ياعمري هونيها وتهون و دايم لما يضيق صدرك تذكري نعمة الله عليك انه اعطاك توأم سليم كامل الخلق واستغفري و سبحي و ربي بيعينك
و الله يرجع لك رجلك :arb: بالسلامة و يجمعكم على خير

ام لمار كيفك و كيف لمار واخوانها ؟
لو سمحتي ارسلي لي رابط القروب للماسنجر على الخاص
و معليش ابغى اعرف كيف افتحهاعرف استخدم الماسنجر بس ما اعرف
كيف بالرابط اللي حطيتيه ؟

نونو
ام غدغودة

الله يجزاكم خير و يوسع عليكم و الله وسعتوا صدري

طفولة

صدقيني مو رجعت زوجك الي بتغيرك و بتغير نفسيتك، انتي الي لازم تتغيرين
طنشي
يعني اذا رضعوا رضعوا و اذا ما رضعوا بالطقاااااااااااق لا تشيلين هم و تهلكين عمرك
و الله هذولا مو قاعدين عندك يوم و الا يومين، هذولا بسم الله عليهم معك العمر كله الله يحفظهم، لذلك لازم انتي تتغيرين، لازم تطنشين، و تاخذين المواضيع برحابة صدر و توكلي على رب العالمين
و المرض الي فيك لانك مقابلتهم 24 ساعة، يا ماما لازم تتركينهم عند احد سواء عند شغاله و خليهم بالصاله عند امك و الشغالة ترعاهم و اطلعي مع صديقاتك، قريباتك و غيري جو و تعشي برا و عيشي عمرك
و اذا طلعتي لا تشغلين بالك فيهم بالعكس انسيهم و توكلي على الله و كلها كم طلعة و تتعودين
و الله لو تشوفين انا كيف ولدي الاول انهبلت عليه، ولدته بأمريكا لحالي و جلست بالبيت شهرين بغيت اموت من الاكتآب، و بعدها صار لازم اروح الجامعة، فحطيته عن جارتي امريكية سمرا قالت لي ابشتغل بيبي ستر لولدك و الله ما اعرفها و لا اعرف عنها شئ، و اظطريت احطة، و اول يوم بالدوام بس اصييييييح و قلبي متقطع مدري هي بتذبح ولدي و الا بتخطفه و الا بتتركه يفحط صياح، و هواجيس
بعدين خلاص تعودت و شفت معملتها له قدامي تحبه و توكلت على الله، قويت قلبي و الشكوى لله
بس الحمدلله على كل حال لانه لو اني مطاوعة نفسي ذيك الايام و لا قويت قلبي كان انا الى الحين بمعمعه الحفايض و الرضاعات
خلاصة القول
اجدعيهم و اطلعي انبسطي و وسعي صدرك و هم يغيرون جو عنك تراهم هم بعد ملوا منك
هههههههه
الله معك

عسل وقشطه ههه ضحكتين على هالصبح الله يسعدك (تراهم هم بعد ملوا منك) ايوالله صادقه انا عيالي اذا شافوني قبل جلسوا يصارخون من الفرحه الحين كله واحد اروح اجي ماهتموا
وابوهم عشانهم يشوفونه العصر وبالليل بس تعالي شوفي شهقتهم لاشافوه الله يصلحهم