انا ولدت بعد التاسع  بثلاث ايام بطلق صناعي وأخذت إبرة ظهر وزني زاد كثير  ونقصت شوي بعد الولاده  والخياط كنت احس بوخز الابره والخيط بس انا كنت تحت التخدير الابره   قبل ما اخذ الابره سوو لي كشف من تحت لقياس الرحم  جداا مؤلم  بعد 3 سم عطوني ابرة ظهر الولاده جيتهم الفجر 3 وولدت بالليل الساعه 10 يعني 24 ساعه تقريبا

لافندر مرررره طولتي

الله يسعد كل اللي ردو ويريحهم وانتظر تجاربكم

3 / من الصباح إلى العشاء شرفت الحلوه بس ترى البنت طلقها بارد بولدي 3 ساعات الحمدلله وبنتي الاخيره من الصباح إلى المغرب واتعبتني 4 / هو الدفع بس يتعبك بس اذا طلع خلاص كل التعب يروح بتكون مبنجتك وموسعه
5 / مانتبهت لوزني
6 / بتكون مبنجتك أن شاءالله ماتحسين بس بعد مايروح البنج بتتعبك في الحركه بس يعطونك مسكن ومضاد
7 / ماجربت إلا المشي وموية زمزم
8 / ماكنت اتحرك كثير

الطلق استمر معي من 8 صباحا ل 1 الظهر بارد ومحتمل ومن 2 الظهر بدا يشتد لحد 5 العصر وكان الرحم خلاص انفتح عالاخر و ولدت الساعه 6 ولله الحمد

الي حمى الطلق عندي كف مريم والي فتح الرحم شم الحلتيته وكله بعد ارادة رب العالمين

تعلمت وقت الولاده مااضيع جهدي في الصراخ والبكاء ضغطت على نفسي وتحملت وتنفست بعمق وذكرت الله والألم كان يعصررررررني

وقت خروج الراس عرفت انه محد بينفعني اذا مانفعت نفسي واستجمعت قوتي وحاولت اركز في تصرفاتي وبديت ادفع مع دفع البيبي عشان اسهل عليه الخروج واخلص نفسي والحمد لله مع التركيز وحسن التصرف ماطولت وانا ادفع

احساس خروج الرأس زي الامساك بس اشد بشوي ومع التعب مراح تحسين فيه بدقه لان كل جسمك يكون تعبان وقتها << رغم اني اكره تشبيه خروج الطفل بالامساك بس مافيه تشبيه ثاني عشان اوضح لك

القص مادريت عنه ابد لان الجسم كله يشكي فماعاد تدرين الالم من وين يجيك والخياطه بعد مادريت عنها نمت وقتها وحاطين بنج بس كنت احس بوخز خفييييف لايذكر ونمت وقتها لين خلصت

ولدت بعد تمام التاسع بالتمام والكمال مازدت ولانقصت ولا زدت ولا يوم

وزني زاد كثير وقت الحمل بس انا طبيعتي كذا حتى من قبل اتزوج قابله للسمنه والنحف

وزن البيبي كان ثنين كيلو وشوي اذا ماني ناسيه

وبالنسبه لي كانت تجربة الولاده حلوووه مره ومجرد ماولدت ارتحت ولله الحمد ونسيت واهتميت بنفسي

ان شاء الله مانسيت شي من اسئلتك

انا عني ولدت في نص التاسع..

الم خروج الراس مثل ماذكرت دانه يشبه الامساك وانتم بكرامه بس اقوى.. بس لاتخافين والله تحسين بقوة ماتدرين من فين جتك..

انا اللهم لك الحمد بسرعة ولدت ماطولت وكان وزن البيبي 2 و200 غرام وصلت عندهم ع وجه ولادة ع طول فماوسعو لي لان الجنين صغير.. هي تساهيل من الله لاتشغلين بالك اطلبي من الله الولادة السهله الميسرة لك ولجنينك وكمان حاجه استفدت منها كنت ما اصرخ ولله الحمد طاقتي وفرتها في الدفع وقت خروج الراس يعني اذا وقف الطلق يجيني سكوووون ولا ابي افتح فمي واذا جا الطلق امسك ف المخدة او المسند حق السرير واحط حرتي فيه وع هذي الحاله لين ربك فرجها..