هلا بغزولة و عذبة انا كمان اشتقتلكم ..

غبت كم يوم صار معانا حادث سيارة انا وزوجي

بس الحمد لله ربنا ستر و لطف فينا

بس من يومها جسمي كله بوجعني

و بحس كل عظامي مكسرة

المهم انتو كيفكم و شو جديدك يا غزولة

بتولة خوفتيني شو الحادث؟؟؟

ان شاء الله ما في شي
الله لا يضرك يارب

انا الحمدلله كويسة
تقلانة وبتعب احيانا
اليوم الاثنين الف حمد وشكر اخر يوم صيام الي

وعم احضر مونة صغيرة لرمضان مشان ما اتعب فيه

الله يقدرنا نصومه ونقومه وان شاء الله نكون عتقاء الرحمن

طمنيني عنك كيفها لين؟؟؟؟ان شاء الله الحادث بسيط

هلا غزولة
انا الحمد لله بخير

بس ظهري متعبني و بوجعني من اثار الحادث

و ليلي كويسة و نازلة في خبط و رفص

احلى رفص بالدنيا ....

كل سنة و انت سالمة و ينعاد عليكي بالسلامة يا رب

و يكون عبودي بحضنك

قوليلي شو جهزتي لرمضان

انا كنت ناوية افرز كم شي من اللي قرأت عنهم بالمنتدى

بس للاسف الحالة الصحية مو مساعدة .

وانت بالف خير يارب

حتى انا والله عبودي شاحذ همته ونازل تخبيط خصوصي لما اكلت شوكولا من يومين وكترت وتعي شوفي صار يرقص رقص
ومن يومها ابوه كل يوم بيجيبلي شوكولا ويدحش فيني ويقلي بدي ياه يرقص


المهم يا ستي
فرزت توم مفروم وقطع هاي اول مرة بفرز بالعادة كله تازة اول باول

وفرزت قطع جزر وفرزت بندورة معصورة وبس
ناوية افرز قطع بطاطا وفليفلة خضرة

هدول بستخدمهم للشوربة
واحتمال اعمل سمبوسك بس مو اكيد
ممكن سوس بيتزا

الله يقدرنا يارب

كمان اشتريت اغراض لعبودي بيجننوا يا بتول ان شاء الله لو عرفت احطهم في المنتدى بحطهم

قوليلي كيف فيني احطهم؟؟؟

كمان انتي ديري بالك على حالك ولا تتعبي كتير
قربت ولادتك لانه ومشان الحادث