السلام عليكم والرحمة
الله يجعل فكرتي وافادتي لكم خالصة لوجهه بهالشهر الفضيل
وأتمنى كل اللي يجربها انو يدعيلي بالحمل السهل الهين والذكر الصالح..
ياطويلات العمر..اللازم:
1_زيت عطري من زهور الريف اي رائحة تحبي(مهم)..
او روح الورد الطائفي من القرشي او كلاهما (حسب رغبتك).. وهذا الصراحة قنبلة..يعني ريحة خياااااال اذا دخلتيه ضمن الخطة.
2_موية عادية(مهم)
3_موية ورد(هذا حسب رغبتك) يعني قد فنجال القهوة
نخلطهم مع بعض ونحطهم بعلبة بخاخ..
انا الصراحة اخلط تولة العطر الزيتي ببخاخ تقريبا قد قزازة موية الورد(للتوضيح فقط)او انتي ونظرك وحسب التركيز اللي تحبي للريحة..
الطريقة:
سلمك الله انك ترشي الشمغ والملابس وهي بالدولاب مكوية ومعلقة,,من بعيد عشان ماتتعرفط الملابس.. لحد ماتندي عشان تشرب الريحة تمام..ورشي بعدها روح الورد الطائفي اذا تحبي وبعدين اي عطر رجالي..بختين كذا ع السريع وان حبيتي تتفنني اكثر كمان رشي دهن عود مخفف بموية.. كذا بخة من بعيد
بعدين انتي تكوني مجهزة مبخرتك سواء جمر(وهي الافضل) اوكهرباء..وياسلام لو استخدمتي عود زين..
وتدخليها الدولاب وسكرررري عليها..
واطلعي من الغرفة.. :) يعني انسي المبخرة بالدولاب..
بعد كذا افتحي دولابك اودولاب زوجك وشـــــــــمي الريحة الخياااال..
كمان اسوي هالطريقة بأجلة الصلاة..ومفارش السرير..والكنبات اذا جوني ضيوف..والستاير..والموكيت,,........الخ
يعني كللل شي..
تدرون..؟
حتى بعد ما اطلع من الحمام متروشة ابخ على جسمي وهو رطب اصلا بعدين اتبخر..وشووفي ثبات الريحة..
هذي انا أسميها التعطير السحري لاني استخدمه لكل شي حتى جسمي..
طبعا براحتكم تحذفون اي شي لكن اللي كتبت مهم هذا اساس الريحة..اما الباقيات لتركيز الريحة وأكسابها تنوع ومزيج رااااااائع..
لاتنسوني خواتي من دعواتكم..تراها اغلى ماتعطوني..
رائــعــة الكلمة @rayaa_alklm
محررة فضية
$$ تــعــطــيــر ملابس زوجك وشـمـغــه..وملابسك غرفتك أجلة صلاتك.. وكل شي $$
71
7K
يلزم عليك تسجيل الدخول أولًا لكتابة تعليق.
الصفحة الأخيرة
الله يرزقك بالذريه الصالحه