السلام عليكم ورحمة الله
كيفكم حبيباتي طالبتكم في مساعده ابغى برنامج يومي لعشره ايام في تركيا طبعا في الصيف السفر بس ابغى اجهز برنامجي من بدري واحنا اول مره نسافر انا وزوجي ومو فاهمين شي طبعا نبغى نقضي يومين ثلاثه في اوزنقول ضروري واستنبول اكيد ونبغى نعرف بالنسبه للفلوس كيف تكون كاش معنا ولا بطاقه وياليت نعرف بالظبط كم تكلفه الرحله عشره ايام بالسكن والموصلات وهل افضل اننا نروح للشركه سياحيه تنظم لنا السفره خصوصا اننا اول مره معليش كثرة اسئله واتمنى تجاوبوني :39:
السلام عليكم ورحمة الله
كيفكم حبيباتي طالبتكم في مساعده ابغى برنامج يومي لعشره ايام في تركيا...
صراحه ماعندي خبرة مرة في تركيا
بس يجاوب على الاسئله الثانيه
الميزانيه لتركيا مدة 10 ايام شامله التذاكر والحجوزات والمصروف اتوقع 20 الف كافيه
تركيا غاليه جدا وبالنهايه الميزانيه على حسب ناس تحب تصرف كثير وناس وسط وناس اقتصادين والي يضرب حساب التسوق وووالخ
بالنسبه للفلوس
لازم تحطون مبلغ بالشنطه ومبلغ بالفيزة
عشان لاسمح انكسرت البطاقه او ضاعت يكون عندكم بالشنطه
وكويس انك ترتبين جدولكم من الان لانو التخطيط المكبر اساس نجاح الرحله ^_^
بس ماقلتي انتي كم محدد ميزانيه لتركيا
والمكاتب السياحيه مانصحك فيها سوي كل شي بنفسكم وبلاش بدون دفع مبالغ للمكاتب
مررة سهل وكل شي صار واضح حجز الفنادق عن طريق بوكنق وطريقة الحجز منه اسهل شي
والبرنامج انتو ايش تحبو طبيعه حطو حق اوزنقول 4ايام تحبو التسوق متاحف حطي اسطنبول 3ايام .. الخ يعني حقون المكاتب والبرامج السياحيه يمشون على ذوقهم !!! ليه ماتمشون على ذوقكم انتم
و10 ايام قليله يعني انسي اول يوم لانو وصول وانسي اخر يوم لانو العودة وبقي لكم 8ايام عندكم بس
انصحك بمنتدى العرب مسافرون قسم تركيا متعاونين اكثر من منتدى سفاري وراح يفيدونك ويرتبون معاك كل شي
موفقيييييين