اختي shahdo
بالنسبة للجهاز ماقد شفته والحلاوة والله ماحصلت هنا اللي ابيه
انا موصية أهلي يرسلون لي من السعودية مع اغراض بيشحنونها لي تبين اوصيهم يرسلون لك وحده ترى عادي

nojood

وينك يا قمر؟ وحشتينا و إلا سبات شتوي مع هالجو ;)

بسألك،،

ما قد رحتي للمحلات العربية، ترى عندهم حلاوة ميم كانك تعرفينها، أنا أول كنت أجيبها معاي بس من يوم اكتشفت إنها موجودة ما عاد جبت

حبايبي هالايام ماشالله كثير والدات اللهم زد وبارك

عاد احترت بالهدايا اشتريت من سيرس وذا بي بس ودي بغير محلات تعرفون الله يجزاكم خيرا..

يعني كراسي او ملابس تكون بعلب وكشخه يعني حلووووووو...

مشمش

انصحج تاخذين ملابس بس ...لا تاخذن كراسي و هذي الاشياء ...لان الاغبيه يشترون لنفسهم و غير وايد ناس ايبونها هدايا كراسي ...انا يوم ولدت ياتني 5 كراسي


شوفي جنبوري عندهم ملابس حلوه

اليوم يايبه لكم قائمه اللونق ويك اند ...علشان نخطط من الحينه و نفكر شو نسوي

اول لونق ويك اند ...هذا طبعا بس لي اونتاريو و الباما بريتش كلومبيا و ساسكاتون ...يعني بنات مونتريال راحت عليكم مساكين ...

.و يارب يارب ما يطلع شغل لزوجي في اخر لحظه لان من سنتين ما فرحت بولا لونق ويك اند كل زوجي مداوم :( ...و محتاريه وين اروح ...مونتريا و لا مونتربلا و لا بلو ماوتن و لا كيبيك محتاره شو اختار :)

الي هو Family Day من تاريخ 16 فبراير الي 18 ..يعني جمعه و سبت و احد

و ثاني واحد الي هو Easter من تاريخ 10 الي 12 ابريل ...بعد جمعه و سبت و احد يمكن الاثنين مب متاكده ...

لو على كيفي كنت بختار اروح نيويورك ..((.مسكينه وحده تحلم وايد ..))

و ثالث لونق ويك اند فيكتوريا دي يصادق الاثنين تاريخ 18 مايو ...يعني الاجازه سبت و احد و اثنين

بعدين Canada Day تاريخ 1 july (( نسيت بالعربي شو نسمي هذا الشهر ))..

ما اعرف شي عن هذي الاجازه لان و لا مره كنت في كندا في هذا اليوم ...و هذي السنه ان شاء الله باذن الله بعد بكون في طياره العوده الي ارض الوطن و الي الابد ان شاء الله ...لا كندا بعد هذا اليوم


بعدين Civic Holiday تاريح 3 اغسطس يوم الاثنين ...يعني بعد سبت و احد و اثنين

و بعدين Labour Day بعد يوم الاثنين تاريح 7 سبتمبر ...

Thanksgiving اكتوبر 12 يعني الاجازه السبت و الاحد و الاثنين

و اخر شي طبعا Christmas و New Years و كل عام و انتوا بخير

ها خبرونا شو مخططاتكم يمكن نغش و نقلدكم بعد