em mohamed :

السلام عليكم ورحمة الله وبركاته كيف اخباركم يا بنات ؟ رنوم تسلمى على المعلومات اللى حطيتيها عن برامج العطله انا رحت الويك اند اللى فاتت لفيلم رحله الى مكه وكان زحمه عليه لدرجه اننا اول يوم اشترينا التذاكر ودخلنا ثانى يوم ما شاء الله الفيلم عليه حضور كبير جدا وحتى اليهود داخلين يتفرجوا عليه وبأعداد كبيره والتذاكر بتخلص بدرى مع ان له ثلاث عروض باليوم .. ورغم ان طول الفيلم نص ساعه بس اولادى انبسطوا فيه وعلى فكره اللى عندها اولاد لو تعمل اشتراك فى الساينس سنتر لمدة سنه يطلع لها افضل من انها تاخذهم تشكى تشيزس فيه مكان للاطفال وخصوصا الصغار من عمر سنه الى 8 سنوات يلعبوا فيه وما ايملوا حطيهم بس وما تسمعى لهم صوت ولا صراخ ...روووووووعه بس رنيم انا محتاجه اماكن ثانيه غير اروح وارجع بنفس اليوم محتاجه اماكن انام فيها يومين مع اولادى وينبسطوا فيها .. وعلى فكره رحت المطعم الايطالى اللى بميسساقا وكان زحمه يوم الفالنتين واكلهم حلو خصوصا التندرلوين استيك .. واكتشفت ان فيه واحد قريب منى بفيوقان ... هلا أم الامورات ,,, كيف أخبارك وأخبار أموراتك ؟ من غير طول تفكير تعالى لماركام ,,, أولا لانها راقيه (هاى ستاندرد) ونظيفه ...وغلاء اسعارها مثل تورنتو بس مناسب لوضعكم الجديد ثانيا فيها جاليه مسلمه كبيره (قليل عرب..ينعدوا على الاصابع) ومسجدها فيه برنامج تعليم لبناتك يوميا من الساعه 5 الى الساعه 7 ثالثا فيها فرصة عمل لزوجك (ما عليك غير تعالوا...) ومحتاجين لأمثاله هنا خصوصا ان الجاليه المسلمه محتاجه مسلمين والمسجد حيسهل حكاية الدعايه له ... رابعا قريبه جدا من تورنتو يفصلنا شارع واحد بس (استيل) يعنى شارع استيل على اليمين حتلاقى لافته مكتوب عليها ماركام وعلى اليسار فى مقابلتها تلاقى لافته مكتوب عليها تورنتو والمسافه للداون تاون عن طريق الدون فالى 20 دقيقه الامان امان جدا جدا طبعا مش داخله فى الرانك مع ميسساقا والسبب لان ماركام معتبرينها تاون(قريه) مش سيتى (مدينه) لكن مستوى الجريمه فيها اقل بكثير من ميسساقا ... طبعا ما تتخيليهاش صغيره لان عدد سكانها حاليا 300 الف (ثلاثمائة الف نسمه) قريبه جدا من الاسلامك فاونديشن 6 دقائق من بيتى وفيه مدرسه اسلاميه ممتازه جدا جدا جدا وتعتبر المدرسه الاسلاميه الوحيده اللى داخله فى تصنيف افضل عشر مدارس على مستوى انتاريو طبعا المدرسه الاسلاميه مفيده جدا لاولادك فى المراحل الاولى لغايه الصف الثامن وبعدها تقدرى اتغيريهم لمدارس عاديه وبهالوقت يكونوا تأسسوا دينيا ... ماركام فيها افضل مدارس على مستوى انتاريو ككل (6 من مجموع عشر افضل مدارس فى ماركام) ايضا فيها افضل مدرسه ثانويه (ماركام هاى سكول )وحده من افضل عشر مدارس على مستوى شمال امريكا والوحيده اللى داخله فى الرانك مع المدارس الامريكيه .. يعنى هى بس من كندا والتسع الباقيات مدارس امريكيه .. الشوبنق فيها الباسيفك مول ...(امزح) كل اسواقهم هنا نسخه وحده يعنى مش حتحيرى ولو ما لقيتيش حاجتك تورنتو خطوه تمشيلها المواصلات مريحه _كل انواع الباصات توصل للداون تاون ) وفيها القو ترين ... المطاعم الحلال مليانه (خصوصا جنب المسجد فيه بلازا كلها مطاعم حلال) ولورانس ستريت قريب جدا وفيه كل المحلات الحلال وفيه سوبر ماركت جديد اسمه الارز .. المستشفيات .. مستشفاها خدماته اكويسه وحتى اللى فى سكاربرو ايجوا يعالجوا فيه .. قريبه من اجاكس وبيكرينج (20 كيلو تقريبا) واشاوا وهذين فيهم عائلات ليبيه محترمه جدا كلهم اطباء متخصصين ... شكلى ما عقبت جهد فى المديح اتقول قاطعين سرتى فيها :hahaha::hahaha: المهم لو احتجتى اى معلومات انا فى الخدمه بس افضل شيئ هو انكم اتشوفوا بعيونكم قبل .. ماركام قبل ما نسكن فيها تخيلتها قريه اتغم القلب بس لما سكنت فيها تغيرت نظرتى وعرفت انها من افضل الاماكن اللى الواحد يقدر يربى فيها اصغاره ويقعد بعيد عن المشاكل والقيل والقال ... وان شاء الله ربى يسخر لكم الخير ويفتحها عليكم وين ما تمشوا

السلام عليكم ورحمة الله وبركاته كيف اخباركم يا بنات ؟ رنوم تسلمى على المعلومات اللى حطيتيها عن...

رغد الحياة :

بنصحك في مدينة ميسساجا mississauga امنه جدا مدينة هاديه ونظيفه فيها يمكن اربع او خمس مدارس اسلاميه فيها مساجد كتير فيها جاليه عربيه ومسلمه كبيره جدا تقريبا 40% منها مسلمين فيها مطاعم حلال من جميع الانواع العربي والهندي والباكستاني والايطالي والمكسيكي والبرتغالي نظام المواصلات فيها جدا منظم وامن قريبه لتورنتو جدا وسهل الوصول للداون تاون فيها اكبر مول في ولاية اونتاريو (سكوير ون) وفيها اكبر تجمع محلات اوتليت في ولاية اونتاريو (هارت لاند ) عيبها الوحيد انه اسعارها بشكل عام تعتبر غاليه متل تورنتو + فرص العمل فيها جدا قليله اذا ماكانت نادره :) وبالتوفيق

بنصحك في مدينة ميسساجا mississauga امنه جدا مدينة هاديه ونظيفه فيها يمكن اربع او خمس مدارس...