السلام عليكم

كيف أخباركم يا بنات ؟
يارب تكونوا كلكم بخير ..

رنومه


ما تزعلى ولا تضايقى نفسك وأن شاء الله ربنا ما أيضيع لك تعب ...وتنجحى وتتفوقى ...
أحيانا أحس أن الأمتحانات ضربة حظ ...
مرات بتكونى دارسه أشياء معينه وهى بس اللى اتجيك وخصوصا فى الامتحانات الشفوى ...
واحيانا العكس

المهم وسعى خاطرك وأن شاء الله تكون النتيجه تمام


يمكن ما وصلك قصدى بخصوص التاكس
خلينى أفضفض لك معليش أتحملينى
وأنا بعرف وين اتروح التاكس لان جزء من الميدكل اثكس لازم نعرف عن البروفيشنل تاكس ولمين اتروح
وكل اشوى تجينا فواتير (لاحظى هنا ما فيه فواتير تجيك خذ فلوس كلها هات ) كمان محاسبنا مو امقصر كل اشوى يدق علينا وهاتوا فلوس راح اتروح للجهه الفولانيه ...
بس لما يكون الواحد بيسهر طول الليل وهو بيشتغل وثانى يوم ما يرجع ألا بعد نهاية الدوام يعنى شغل كله تعب وحلال فى حلال
وتجى الدوله بكل بساطه تأخذ أكثر من 40% للضرائب هذا هو اللى يزعلك
ومو قصدى انهم كلهم حيروحوا على الهوم لس والدرق بعرف ان خدمات كثيره تروحلها الضرائب وألا ما كانت البلد فيها كل هالعمران
لكن جزء من الفلوس بيروح للهوم لس بما فيها تأمينهم الصحى وتأمين الدواء بأعتبار أى واحد منهم لما يمرض علاجه ببلاش وايضا الدواء بيحصل عليه مجانا او مقابل مبلغ بسيط
شوفى أنا اللى اخذوا من نص شغلى لازم ادفع مبالغ مأهوله لأى دواء
مثال فيه ابره تزيد المناعه كنت أخذها زمان أيام مرضى حقنه كل 3 أسابيع كنت أدفع على الحقنه الوحده 2000 (الفين دولار) بينما اى حد ثانى من ذوى الدخل المحدود يأخذها ببلاش ...
يعنى مو هذا شيئ يقهر وأنا اللى دافعه اشى وشويات
أنا ما أتكلم عن مئات أو اشوى الالاف اتكلم على ارقام كبيره جدا جدا بتمشى للدوله وفى مقابلها ما فيه شيئ مميز بتقدمه الدوله لى ...
يعنى أنا شو خصنى بالنيتف كنيدين ....؟
لما كنا فى لندن سكن جنبنا ام عندها اربع اطفال منهم بهدلونا بالسرقه حتى العاب اطفالنا كانوا يسرقوها لو تركتيها بالباك يارد لغاية ما صاحب السكن طردهم
أنا طبعا أكثر شيئ حارقنى أن زوجى يدفع أكثر من 40% من مربته للتاكس
هذا غير انهم اكثر من نوع اشي برسونال وأشى كربوريشن وأشي بربورتى وبى بى تاكس ما اعرف شو معناها (يعنى قريب 5 انواع تاكس)
ومع ذلك ما النا شيئ مميز ..
حتى شارعنا لما ينزل الثلج الدوله ما بيجوا ينظفوه بس شاطرين يأخذوا بربورتى تاكس (918 دولار كل شهرين) لاحظى أنا أتكلم عن الشارع العام مو الدرايف وى لانى مشتركه مع شركه تعمله ..
ولو تركنا السايد ووك فيه ثلج حيدفعونا غرامه ..

وكمان المدرسه اللى جنبى لازم ادفع لها فلوس رغم أن اولادى ما بيدرسوا فيها ..
بس قانونهم لازم تدفع 2000 دولار للمدارس اللى بمنطقتك هذا المبلغ يندفع مع ثمن البيت اللى تشتريه ...

هالبلد شاطرين بس يسحبوا الفلوس ويدفعوك غرامات (حاقده عليهم هاليومين علشان ابريل شهر التاكس )
و بخصوص الهوملس والدرق ادكت
الدرق ادكت هل تعرفى أن الدوله لازم اتوفر لهم الابر اللى يتعاطوا بيها
قال ايش قال أن ثمن الابر أرخص من أنهم يجيهم ايدز أو التهاب الكبد بعدين الدوله حتخسر عليهم فلوس اكثر فى العلاج
كمان فيه ادويه تقلل الاعراض الجانبيه حق الادمان لازم تنصرف لهم حتى ما يصيروا عدائيين وكمان بيعطوهم تطعيمات خاصه علشان النيمونيا أجبارى لهم مع ان هذا التطعيم بفلوس لباقى الناس
يعنى شوفى ثمن هالابر من وين جاى مو من التاكس
هذا والمفروض انهم يدخلوهم السجن كلهم خخخخخ
بس أخاف بعدين نطلع احنا اللى بنصرف عليهم ثمن أقامتهم فى السجن بأعتبار ان سجونهم هنا فندقيه ..
يعنى ما فيه حل الا انهم يقتلوهم ويريحونا (خخخخخ) بس تخافى يستقطعوا جنازتهم ومراسم الدفن من التاكس وهنا مراسم الدفن غاليه فوق العشر الاف دولار ..
ما فيه حل الا انهم يطردوهم من البلد يبعثوهم لامريكا او لكولمبيا جنب المخدرات ...
كمان الهوملس عدا عن التأمين الصحى اللى ببلاش وطبعا مصاريفه من التاكس
كمان الدوله اموفره لهم الشلترز والاكل ببلاش فى الفود بانك وحاطيلهم ال السوشيل وركرز وعامليلهم منظمات وجمعبات رعايه أشكال وألوان بس هم اللى عاجبهم حال التشرد ...

لا وجزء من هالتاكس يمشى (سابورت اور تروبس فى أفغانستان )
يعنى علشان يقتلوا فيه المجاهدين
تصورى أنه يوم الماموريل دى لازم فى المستشفى يوقفوا 10 دقائق حزنا على جنودنا اللى ماتوا فى افغانستان
يعنى مو بس ياخذوا فلوسك الا لازم تضربى لهم تعظيم سلام علشان بيقتلوا المسلمين

يلا مثل ما قلت لك أنا مو عاجبنى نظام تاكسهم هاليومين لان أبريل على الابواب وفواتير التاكس محتاجه تسديد ...
يعنى بعد كم شهر راح يتغير كلامى ....
على فكره المستشفيات ما بتاخذ من التاكس كل فلوسها
كل مستشفى يعتبر شركه خاصه ولازم يطلع مصاريفه ورواتب موظفيه من خدماته منها الباركنق فلوسه تمشى مرتبات للاداريين ..
والاطباء مرتباتهم بياخذوها من وزاره الصحه ووزارة الصحه بتاخذ جزء كبير من فلوسها من الحكومه الفيدراليه كمعونه مو من تاكس المقاطعه ولو المقاطعه عطت فلوس زياده للاطباء الحكومه الفيدراليه تحرم المقاطعه من المعونه وتخليها تدبر حالها فى دفع المرتبات يعنى تتبرأ منها
بعنى تاكس المقاطعه بس على اشوى الاجهزه اللى بالمستشفى ...ومو كل الناس بتستفيد منها لان مو الكل بيروح للمستشفيات ..
والتعليم فيه ناس كثيره حاطين اولادهم بمدارس خاصه يعنى برضو بيدفعوا تاكس وما استفادوا من الدوله ...
مو قلت لك انا مو عاجبنى حال التاكس هاليومين علشان الدفع ...

وربنا يطوى غربتنا سريعا على خير يارب
أحس نفسى طلعت كندا بلد ايجيب الغم وقانونها مفترى ...


وتسلمى على معلومات التسجيل
صديقتى عراقيه وفيه صينيات قالوا لها ان الجامعه تقبل عادى تأخر الأوراق بس المهم الابليكيشن كانت فى الوقت المحدد ..
بس التوفل بالعاده يكونوا كاتبين النسبه اللى محتاجها البروقرام كم فى الوب سايت كيف اخوك ما أنتبها لها
وعموما النسبه بتكون اقل كل ما أرتفعت الشهاده

يعنى مثلا الاطباء مطلوب منهم 93 ولو جابوا ورقه أن دراستهم كانت بالانجليزى من موقع WHO
يقبلوها منهم ويمشى الحال بينما صديقتى صيدله مطلوب منها 120 فى الامتحان وما يعترفوا بأى ورقه ..

بالنهايه الله ييسر أمورنا كلنا

وينجحك يا رنومه يارب

بالمناسبه بنات اليوم راح تبدأ مسابقة القرأن الكريم الرابعه على مستوى شمال امريكا
فى الاسلامك فاونديشن سكاربرو لو تقدروا تحضروا ما اتفوتوا الحضور
حيكون فيه محاضرين من مصر ومن امريكا ومن الهند
والمسابقه جوها حلو اللى تقدر تجى ما تتأخر

أولادى عملوا لهم البرى تيست من كم اسبوع بس ما صنفوهم لدخول المسابقه
أن شاء الله العام الجاى يترشحوا

هذا برنامج الحفل
http://logicsoft.ca/qqc09program.pdf

هذا موقعهم

http://www.qiraatcompetition.com/

سلام

السلام عليكم ورحمة الله وبركاته

كيف حالكم جميعاُ ؟؟

سؤالي موجه لبنات أوتاوا بالتحديد ,,,,,, أحد منكم يعرف محلات شوكولاته تعمل توزيعات للمواليد ؟؟

ياليت اللي تعرف تفيدنا

جزاكم الله خير

السلام عليكم_ ابغا مساعدتكم الله يجزاكم خير_ انا بمدينة كالجري جواز سفري ضاع وانا حاجزه هذا الإسبوع ع السعوديه_ ابغا اعرف إيش الإجراءات وهل ممكن اقدر اسافر هذا الإسبوع اولا _ انا لسى مابلغت عنه_ ابغآ اعرف بالتفصيل إيش ممكن يصي ليجوازه يضيع

مرحبا يابنات كيف الجميع ياليت احد يرد على استفساراتي بليز انا حاجزه على شهر5 والى الان ماجبت قبول معهد ابغى اعرف ايش المهعد اللي كويس في فانكوفر وكنج جورج راح ادرس فيه 8شهور وهل يعطى توفل عشان راح اكمل الماستر على حسابي الخاص مده 9ساعات بعدين انضم على البعثه عشان اقدر اضم زوجى معي ياليت تردون لي لو سمحتم بليز بليز

بليز اللى عندها اي معلومه ترد علي الله يجزاكم خيرررررررر