صبـــاح الخيـــر والفأل الحســـن :39:
<< تفاءلوا بالخير تجدوه واحلا
صباحيه اصبحها عليكم :39:
..
..
المهم
بدخل بالموضوع ع طول
هذي قصة صديقة اختي امس اختي كلمتها بعد ماانقطعت عنها
كم شهر لظروف وبعدين جات اختي تبشرني انها تزوجت هالبنت
وربي فرحت لها لاني من كم سنه وانا اعرف معاناتها مع تأخر
زواجها وكنت وربي كل ماذكرتها ادعيلها من كثر الضيقه اللي كانت
تمر فيها
وقسم بالله اني كتبت قصتها زي ماقالت لي اختي بالحرف
وسامحوني لو الكلام مو مرتب لاني تعبت وانا اكتب بس قلت
اهم شي بوصلها لكم
طبعا البنت هذي عمرها تقريبا 28 أو 29هي قبل الصغيره وهم
ماشاءالله بنات كثير وخواتها كبار بعد اعمارهم
فوق الثلاثين وكلهم ماتزوجوا
والسبب ان ابوهم يرررررفض كل اللي يتقدمون يقول يبي يزوجهم
لاقاربهم واذا جا واحد من الاقارب
يطلع فيه ستين عيب ويرده لانه اصلا مايبي يزوجهم
<<< تفكيره ان الزواج مو ضروري
طبعا هذي البنت مااستسلمت زي اخواتها اخواتها اللي توظفت
واللي راحت تكمل دراستها كله عشان يشغلون وقتهم لانهم
خلااااااص شايلين الزواج من بالهم ويائسات ان ابوهم يرضى
الا هي ماشاءالله عليها استمرت تقرأ البقره
وتستغفر وتدعي ومايئست
ظلت كم سنه على هالحال
تدعي وتستغفر
<< لاحظوا الاصرار وحسن الظن بالله
لين بالصيف هذا اللي فات وتحديدا بشهر 8 شافوها ناس
يصيرون من نفس ديرتهم اعجبتهم وتقدموا وخطبوها وابوها اللي كان
كل مره يرفض سبحان الله نزل عليه هدوء وسكون غرررريب
ووافق من دووون اي اعتراض
وهو اللي رفض حتىعيال اخوه
وتحدد كل شي بسرعه وتزوجت بعد العيد مباشره
الله يوفقها ويسعدها يارب
شوفوا\
سبحان الله كيف الثقه بالله
وحسن الظن والدعاء والاستغفار
في خلال شهرين ماشاءالله تبارك الله تزوجت
وهم اللي لهم سنين يقنعون ابوهم وهو راااااافض
والاهم من ذا كله شوفوا الله كيف كريم
سبحانه كافل الارزاق
حفظ لها رزقها لين جا وقته وعطاها ولو كان ذا الخاطب ربي
مو كاتبه لها ماكان تزوجته لو وش صار بالدنيا
بناااااااااات \
لاتيئسون من رحمة الله وتأكدوا ان رزقكم عنده مو بيد احد من
الخلق ومتى ماكتب له الله يجيك بيجيك لو بينك
وبين الموت شعره
وتذكروا
(لاتموت نفس الا وقد استوفت اجلها ورزقها)
..
وعقبال اخواتها يارب وجميع بنات المسلمين
ويا بنات استفيدوا منها ولاحظوا حرصها ع الدعاء
والاستمرار وحسن الظن بالله سبحانه
لا يخيب من رجاه وأمّله
..
أَتَهْزَأُ بِالدُّعَاءِ وَتَزْدَرِيهِ ××× وَمَا تَدْرِي بِما صَنَعَ الدُّعَاءُ
سِهَامُ اللَّيلِ لا تُخْطِي وَلَكِنْ ××× لَهَا أَمَدٌ وَللأمَدِ انْقِضَاءُ
..
..
منقوول لعيونكم ^-^
وعقبالنا وجميع من يتمنى يااارب:39:
لا احد يجي ويقول غثتينا بسوالف الزواج احب
ابث الامل بنفوسكم :biggrin::biggrin::biggrin:
ودي وحبي ..
منوووره عسوووله ..ولك بالمثل
الله يسعدك وعقبااالك
الله يرزقك بابن الحلال الصالح ياارب..
شكري وتقديري ..
ودي وحبي ..