تــــــــــــــــكفون يابنااات الريـــــــاض

وعليكم السلام ورحمة الله
هلا بك اختي بالرياض
عندك العقاريه ثلاث عماير متلاصقه وعندك مركز النمر ورويال مول والعليا مول والاندلس وخريص بلازا وغرناطه وطيبه والعويس والمعيقليه واذا تبين شعبي مره روحي للديرة وشارع الثميري عموما الرياض كلها اسواق من شمالها لجنوبها ماله داعي تسألين امشي بالشارع واللي يعجك انزلي فيه

وعندك حياة المرأه وهذا نسائي وعند بشرى مول برضو نسائي

مشكورة أختي ذوق00اسم على مسمى:)
وتسلمين00
قلت لك بفر الرياض فر:26:

عندك العليا مول ورويال سنتر حلوات مره والاندلس فيه محلات حلوه وطيبه وان كانك جيتي الحين تلقين معرض لصناعات الدول فاتح مقابل طيبه يعني مثل السوق الخيري يكون فيه صناعات صينيه وايرانيه وهنديه ومصريه ----- وغيرها

مشكورين توفية وياسمين وتسلمون00:26:
كل شي بالرياض أكيد بيكون حلو00

عزيزتي (نجم افل)...اهلا بك في الرياض اللي تنور بجيتك ..وانصحك تزورين منطقة وسط الرياض وفيها اسواق الديره مركز التعميروالمعيقليه وسويقه وشارع الثميري(مجوهرات وملابس وبدل رجاليه)وشارع السويلم(لالعاب الاطفال والاكسسوارات وادوات التجميل وكله بسعر الجمله)ومركزابن سليمان(اكترونيات وملابس وكماليات وصالة مطاعم وملاهي) وكل هذه الاسواق مرتبطه ببعض ومتجاوره ويمكن التنقل بينها مشيا على الاقدام لمن يلك الياقه والحذاء المريحه بحيث تبداء رحلتك منمركز التعمير (وفيه ملاهي وصالة مطاعم ومحلات مجوهرات وادوات التجميل والملابس والاقمشه والملابس الجاهزهوسوق نسائي مغلق)ثم تنتقلين لاسواق الديره المقابله لمركز التعمير وهي على شكل خيام بيضاء ويشتمل الدور الارضي على محلات العطاره والمكتبات وادوات التجميل ام الدور الثاني فيضم محلات الملابس والمفارش ...ثم تنتقلين لاسواق المعيقليه عبر ساحةقصر الحكم وهي عباره عن اربع ابراج وتضم محلات الذهب والملابس والجلابيات والمستلزمات الرجاليه والعطورات وادوات التجميل ومستلزمات المشاغل بالجمله والبخور والعود ومحلات تفصيل العبايات وباسعار رخيصه ومحلات العطاره ومحلات المراييل المدرسيه((يعني كل شي يخطر ببالك))وفي بعد الهرم ......؟واذا خلصت من المعيقليه اطلعي على ساحة الحكم وخلي العيقليه على يمينك وقصر الحكم على يسارك واتجهي شرقا بيجيك جامع الامام تركي وفي مصلى للنساء ..استمري في المشي حتى يقابلك قصرالمصمك وفيه قهوة المصمك تقدم القهوه العربيه بكل النكهات والتمروانواع الشاي ارتاحي فيه شوي وبعدين مري على شارع الثميري اللي في اوله سوق الزل وهوسوق قديم وفيه السجاد والفرش التراثي ثم محلات المستلزمات الرجاليه الشعبيه ثم الاكسسوارات الرجاليه ثم البدل والقمصان ..واذا لفيتي الثميري ادخلي سوق سويقه وهو يسارك وانت ماشيه في الثميري خلف الحميضي للساعات وفيه البيجامات والجلابيات وملابس الاطفال والاكسسوارات والاقمشه ..واذا خلصتي من سويقه اطلعي على شارع البطحاء واعبريه الى مركز بن سليمان واذا خلصتي منه ارجعي اعبري شارع البطحاء وارجعي مع شارع العطائف وانت راجعه يجيك شارع السويلم اللي قلتلك عليه سابقا......هذا اللي قدرة اتذكره الآن بالنسبه للاسواق اما اذا حبيتي اكتبلك عن المنتزهات والحدائق في منطقة وسط الرياض تراني في الخدمه..وحياك الله