السلام عليكم
صيام مقبول ان شالله
اعمال الخيركثيرة..بس عسا الله يهدينا ويفتح على بصايرنا
بنقلكم تجربتنا بتفطير الايتام ..ويشهد الله اننا مانبي نضيع اجرنا بالكلام ولكن من باب ((فذكر))..
ماتتصورون شكثر فرحة الايتام بهالفطور,,المراكز ماتقصر ولكن هم يولهون على طباخ البيت..
هذا وفيه كثير ايتام للمعلومية بس موفي مراكز,,اعرف ايتام مجموعين بعمارة كلهم من الشباب الصالح ماشالله..يعني لامركز يناظرهم ولاشي..
هم على الله ثم اهل الخير..هذولا والله اللي فيهم الاجر..وان شالله بتشوفون اثر عملكم بحياتكم وعيالكم وصحتكم ورزقكم ونفسيتكم..
ارسلنا لهم اكل بيت فعلا لذيذ(لدرجة طلبنالنا :) بس مو من بيتنا ..من واحدة دائما نتعامل معها بعزايمنا وزواجاتنا وحتى بايامنا العادية مانستغني عنها..
سوت لنا رز عزيمة على قولتنا..بالحشوة على وجهه والبيض والدجاج المحمر والمكسرات والفلفل بنوعيه واليمون يعني شي خيال ربي يسعدها..وجريش...وحافظة شوربة كبيرة..وصحنين سمبوسة...ومثلهم لقيمات..
واصابع العروسة بالشيرة..وجركلين فيمتوا وتانج..
ماتتصورون ردة فعل الايتام جدا فرحوا وتشكروا..ياااربي لك الحمد
واحنا الحمدلله لاتعبنا ولاشي..الفلوس تخدم يا اخوات بس ادفعي وخذي اجر
يعني لاطبخنا ولانفخنا,,ببيوتنا والاجر ربي لايحرمنا واياكم..ان شالله واصل
حبوباتي,,
كان ودي موضوعي ببداية رمضان,,عشان تفطرون هالايتام..ولكن مو مشكلة السنه الجاية ان شالله ياسرعها ع الحي والسالم.
وكمان سووها بايام عادية..غدوة او عشوة تسر قلوبهم..والله يااااافرحتهم بها..
بس حبيت اخبركم ان موكل ايتام يجمعهم مركز...فيه ايتام مصكوك عليهم بيتهم مايندرى عنهم,,واكيد الكل يعرف مجموعه
وفيه ايتام مثل هاللي ارسلنالهم مجتمعين بعمارة..والله يالاجر اللي بتحصلونه منهم.
وفيه عاد مراكز الايتام بعد..ومراكز العجزة..والمعاقين..
كل هذولا يافرحتهم بزيارتك ومعك الهدايا,,او بوجبات بيتية (وليمة) او وجبات من مطعم..
العجزة يمووتون بشي اسمه طبخ بيت واكل شعبي..ملو من اكل هالمراكز..تراه اتوقع مثل اكل المستشفيات..
بس ولو طبخ البيت ينوله عليه ياجماعه..حطوا نفسكم مكانهم لاقدر الله ..وشوفوا..
خذوا لهالعجز وهالشياب هدايا مسابيح او مصالي مع اجله..مصاحف..دهن عود..اطياب..مساويك,,اي شي يدخل الفرح لقلوبهم
وكذلك الايتام وغيرهم وغيرهم
بس والله الاكل له مكانته واهميته..وخاصة لوهو طبخ بيت سنع..
الحمدلله لاتتعذرون بطبخ وتعب..هالطباخات الان شالوا عنا الحمل..بس ادفعي واحتسبي,,والله لايحرمها الاجر هالطباخة اللي شالت عنا الحمل..
المراكز كثير والناس المحتاجة اكثر واكثر..
والله لايضيع لنا ولكم الاجر..اي استفسار عن هالايتام اللي بعمارة انا حاضرة
اوعن اي شي انا بالخدمة
رائــعــة الكلمة @rayaa_alklm
محررة فضية
يلزم عليك تسجيل الدخول أولًا لكتابة تعليق.
الله يجزاكم خير ياليت أختي لو ترسلين لي عن عنوان الايتام الي بالعماره وأعمارهم وحالتهم الماديه .
الله يجزاكم خير ياليت أختي لو ترسلين لي عن عنوان الايتام الي بالعماره وأعمارهم وحالتهم الماديه .الله يجزاكم خير ياليت أختي لو ترسلين لي عن عنوان الايتام الي بالعماره وأعمارهم وحالتهم الماديه .
هلا ومرحبا بكل من شرف موضوعي
ابشروا على هالخشم اجيبه لكم من اللي كان بينهم اتصال
بس انتظروني اليوم بعد العصر ان الله اراد
هذولا بالرياض
اما في جدة اكيد كثير والله ييسرلنا امر الوصول لهم
ولايحرم اللي يطبخون الاجر بعد
ابشروا على هالخشم اجيبه لكم من اللي كان بينهم اتصال
بس انتظروني اليوم بعد العصر ان الله اراد
هذولا بالرياض
اما في جدة اكيد كثير والله ييسرلنا امر الوصول لهم
ولايحرم اللي يطبخون الاجر بعد
الصفحة الأخيرة
يابختكم بالأجر والله يفتح عليكم ابواب رزقه
بنات دلونا وين نلاقي مثلهم محتاجين بجده ؟