ههههه
مواقف عجيبة مع اني ماقريت الا صفحه

لكن بالنسبة لي ماقد واجهت مثل هالمواقف يمكن لاني مااروح ايام الزحمه او اوقاتها
يعني السوبرماركت مااروح الا الصباح اول مايفتحون مافيه انس ولا جان انا وزوجي ويمكن شخصين الى ثلاثه بالكثير
مرة رحت العصر وتعرضت لموقف عجيب يمكن لانه اول مرة الاحظه
كان فيه اثنين شباب كل مادخلت ممر لقيتهم قدامي وعيونهم بعيوني من قلة الحيا
في الاخير خفت قلت الناس ماهي مثل اول
اللي انا اعرفه ان الرجال يستحي ويغض بصره اذا شاف حرمه
هذولي كأنهم يقولون تبين شي!!؟
وكانت اخر مرة اروح وقتالزحمه ..

حتى في المولات اذا صار فيه زحمه اطلع ولا اشتري اللهم الا اني اكون مضطرة بالحيل
وكله عشان مااقابل النفسيات هذي
وهم معذورين لان الاسواق الاماكن المفضله للشياطين
فما ظنك بمكان مليء بالشياطين
اكيد هواش وغضب وقلة حيا

ا يووووه مين اللي يسمعكم لاحياة لمن تنادي اذا الوحدة تفتقر الأدب وهي بسن الرشد كيف نرجع نغرس فيها أشياء ماتعودت عليها كثير أواجه العينات ذي بس اتحاشاها لأني ما أحب الهوشه والصراخ في الأماكن العامه احسها تلغي أنوثة المرأه وثانيا مافيني ادخل معاهم في نقاشات عقيمه ،،، اذكر موقف شفته بالطياره كان الممر مليان رجال وبينهم حرمه مايحتاج أقول كيف كان حجابها الله يستر علينا وعليها والميك أب والعطر ولو حدها شوي واحد واقف قدامها يقولها عطيني رقمك ردت عليه وتناظر فيني وتقول امش قدام وبعطيك انا انذهلت وش الجرأة والوقاحه ذي ولما شافته يلح عليها سحبت جواله من يده وسجلت الرقم وقالت هاه وربي حسيت بدوخه وجلست مصدومه خلاص ما عاد فيه حياء :confused:

ههههههههه عنق الريم الله يسعدك ضحكني موقفك من جد وش تحس فيه ذي يعني خلاص ما احد يناظر العين بحر :rotaeye:

من يومين كنا بالسوق واحنا عند الكاشير تدف عربتنا تبي تحاسب قبل وزوجي يقول اشفيها هذي كنها مو شايفتني. قهرتني الصراحة..
يعني عيب عليك
المصيبة عربتها مليانة واحنا عندنا غرضين وبنطلع.. ليش مستعجلة ؟
لما شافت زوجي حط اغراضنا ع الطاولة عصبت ومشيت

مره حصلي موقف مع طرش بحر وبكل وقااااحه تقووولي وسختو الدنيا ..ياعمري مين جا ووسخ الدنيا احنا ولا انتو وتخاصم في المجمع بس ما سكتلها اول مره اعصب واخذ حقي الرجال تجمعو وجو رجال الامن كلهم جنبي قالو لزوجى على طول يحصل كذا في هذا المول كررررررهة ومعاد ارحله لو اخر محل هو ..