هههههههه يؤؤؤ ياماا صارت لي مواقف والله بس الحقيقه ماودي امدح نفسي الحمدلله اني من الناس الذوق ومؤدبه جدا مع الناس رغم ذلك الي يكون غالبا كذا يتعب يتتتعب يتتتعب مع الناس لانه مستحيل يكونون مثله ب تبادل الاحترام الا مارحم ربي .....


انا اكثر شئ اعانيه الحقيقه هو احترام الرجل للمرأه فيهم قله ادب مو طبيعيه
يعني عادي تمشين مايوخر عنك لااااااا انتي وخري عني طيب المكان ضيق ومليان ارجع شوي ورى او وقف ع جنب
لااا لاززم اعدي وماعلي منك قله ادب فيهم الصراحه
انا امووووت ميه موووته من الحياااا ماحب مكان فيه رجال وواحد اتضاايق بشكل مو طبيعي انتظررر يوخروون كلهم عشان امر
لكن ب المقابل الرجل يشوف حرمه مايؤخرر لها خاصه على الدرج
طالعه نازله ماعنده مشككله يمشي قبلك عيب المفروض شاف حرمه يتنحنح شوي ولا يوقف شوي لين بس اعدي الدرجه ويرووح


وايضا ب المصاعد الكهربائيه عادي بعضهم ينزل ويطلع معك
صارت لي اكثر من مره
وطبعا اظطر انا الي اتناززززل واترك له المصعد
الا اذا كانت عائله كبيره مايخالف
او مواقف السيارات بابي على بابه بعضهم ماعليه ماينتظر اركب لاااا لازم هو يشغل سيارته ويركب قبلي وتضل الحرمه برااا لين يحرك
طيب هذا مو عيب وين حق الحرمه واحترامها


ولا داخلين مثلا سوا من نفس الباب ماعندهم مشكله يسبقني طيب اصبر الحريم يعدون وادخل لاحق يعني
او مثلا في الطياره تعرفون كيف الممرات
فيها ايضاا محاشره للحرمه بشكل مو طبيعي ما يؤؤؤخر لك لو تموتي
انتي ارجعي وقفي ع جنب وادخلي بحظن واحد عشان اتعدى قللله ادب مثل كذااا ماشفت


حتى ب الطوواف يحاشرررون الحريم مايتحاشى انه مايلمس حرمه الا مارحم ربي
الصراحه معاناتي مع الرجال اكثرر من الحريم ع الاقل الحرمه زي زيها مهما حاشرت فيني واعطتني النظره الحقووديه الحسوديه الا اني اغض الطرررف عنهااا واقول بنفسي مسكينه مضغووطه وتفرغ طاقتهاا السلبيه في النااس العاده اقول لها تفضلي ياحياتي حاسبي قبلي الله معاك
او تتدخل قبلي محل عليها ب العافيه كله من كيسها بتتدفع مو شاريه لها شئ ليش ازعل
واذا ب المطعم اخذت الطلب قبلي انا مو ميته جوووع مثلها ترجع لي اخلاقي واخلاقها تمثلها لو تبي بعد عصير اعطيها ماعندي مشكله اخذ اجرها بعد
او ممرات السوبر ماركت وغيررره عادي اطلع اروح القسم الي بعده وارجع للي ابي خلهم يقشووون توفر جيت امثالها شهرين
والي تعطيني نظره وهي ماشيه من فوووق لتحت ودي اقولها اكشفي وجهك لو فيك خيررر وريني همتك
والي تمسك دوري ب المستووصف وتاخذ رقم بعدي وتتدخل قبلي اقول لها انواع الالم مختلفه من لا يرحم لا يرحممم ماعندي مشكله عجوز تتدخل قبلي او حامل او طفل




او الاقااارب الي يجتمون في الاستراحه كل اخر اسبوع او شهر سوالف وضحك ومزززح لكن لاززم ترجعين زعلانه من وحده نغزتك ب كلمه
اقول لها كل اناء بما فيه ينضح اذا جايه ونيتك تقهرين الناس اول وحده مو مرتاحه هي انت
وفرتي علي اني اتعامل معك مره ثااانيه






واتمنى من ككككل الناس حريم رجال يعرفوون حدودهم في التعااامل والاحترام فووق كككل شئ في كل مكان حتى في البيت بين الاخووان من الاستأذن وطرق الابوواب والنحنحه وغيررره


واتمنى من كككككل رجل يخاااف الله يخاااف الله في نفسه اتقي الناااار اتقي الله في محارم النااااس


وارفع القبعه لكل ررجل يصاادف امرأه وينزل عيوونه ويصد على جنب لين امشي الله يووفقه ويسترررر عليه وجعل عيونك ماتمسهن الناااار


اقسممم ب الله اني من النااااس الي تتدعي للرجل الي يصد عني ماخلي دعووه ماقولها له الله يووفقه ويسترررر عليه الله يستر على محاارمه مثل ما سترني وماناظر فيني




وموضووووووووووووع جدددددددددددددددا جممميل اتمنى لك التوفيق طلعت الي بقلبي من زمان ودي اقوووله

الله يعين يا شيخه من جد الوضع عندنا صعب صاير
النفسيات بكل مكان الله يعينهن على أنفسهن
دايم أواجه مواقف و أخرها قبل كم يوم
كنت طالعه السوق بجيب غرض ضروري خلصت ويوم و أنا ماشيه حسيت بوجع
بركبتي وكان سلم الكهرب عطلان توجهت للمصعد << المصعد أعرف ثفافته زين ولله الحمد
أعرف إنه للي معهم عربات و أطفال وللكبار بالعمر يعني هم أولى المهم أضطريت
أستخدمه رحت و وقفت أنتظره يجي إلا جت وحده بعربتها ماشيه مليون وعيونها بغت
تطلع من مكانها علي زي إلي تقول أنا أولى منك فيه !! قدمت عربتها ولصقتها بباب المصعد
و مواصله نظاراتها هههههههههه حسيت بيطق فيها عرق يا عيني
قلت لها يا قلبي أنتي أول من بيدخل للمصعد بس بعدي شوي عن الباب حتى يقدرون
الناس إلي بداخله يطلعون !! قالت أنتي وش جابك للمصعد روحي للدرج !!
قلت عندي ظرف جابرني ع المصعد قالت وش ظرفه ؟! قلت ماعندي أستعداد أعطيك
تقرير مفصل عن وضعي يختي !! تبيني أشرح لهاليش بستخدم المصعد
يختي شي عجيب عقول مادري وش تبي !!؟ حسيتها ودها تتهاوش

رفع رغبة في الدعوة

يالله .. مواقف عجيبه
ماقد صارلي كذا انا من حالي في شاني ماحب اضايق احد والله
بس لما اروح مع زوجي ونكون ماشين وقدامنا احد ابعد عنهم عشان يمرون زوجي يقول لااا خليهم هم يبعدون ..
ماقدر اخاف مايبعدون ونتصاقع خخخخخ

نورتو يا بنات و تذكرت لكم موقف

اذكر كنا انا وزوجي بأحد المولات وطلبنا اكل زوجي كان مريض قلتله انت روح امسك لنا طاوله وانا بلحقك وبجيب الاكل كان المول زحمه مووووووووووت
راح وحجز لنا طاوله وتعرفون مطاعم المولات كلها مفتوحه على بعض مافي حواجز يعني طبيعي كل طاوله يشوفون اهل الطاوله الثانيه
اخذت الاكل ورحت لزوجي وبس قعدت لقيت عيوووونه حمرااا قلتله فيك شي؟
قال قبل ماتجين كان فيه3 بنات بالطاوله اللي بجمبنا وانا مالقيت الا هذه الطاوله فاضيه يقصد اللي حنا فيها ,,قال و اول ماجلست قالو بصوت عالي حيييييييل وووووجع ناس قليله حيا !!! قال مالقيت الا هالطاوله عشان كذا جلست فيها وهم فكرو عشان اناظرهم من زينهم اناظرلهم لكن حزت بنفسي قال صوتهم كان عــــــالي واهانه مره قعدوا يقولون وجع يوجع هالاشكال اوف اووف ( يتأففوون) ومدري وشو ,,قالي المشكله بعدين ناظرت لقيتهم مغطيات وجيههم يعني بجلوسي ماضريتهم بشي وفعلا ناظرت لقيت طاولتهم مكشوفه على جميييع الطاولات الثانيه لكن تسسسلط و بجاحه سبحان الله
انا قلت حسبي الله ونعم الوكيل دعيييت عليهم مو بس عشان زوجي ,عشان مستغربه غرووور مو طبيعي وحكمو انو كل من هب ودب يناظرهم وسب و رفع صوت وفضايح