تفائل بما تهوى يكن !!تجارب حيه

بسم الله الرحمن الرحيم ،

التفاؤل شيء جميل في الحيــاة ،

والأحلى من ذلك هو حسن الظن بالله عزوجل ،

بأن كل ما نتمناه ونهواه ، يكن !


...


دايما في أشد الحالات وأصعب المواقف نسمع حد ينادي ،
تفائلي بالله خير ، أحسني الظن بالله عزوجل ،
ومجرد ما نبتسم ويهدأ الوضع ونرتب أمورنا ،
نحس إنه التيسير يجري وكل شي يكون طيب ،




ممكن تشاركونا هالمواقف ؟
عشان نعرف قيمة التفاؤل في الحياة !؟



وخلك إيجابي=)
طبعا حبايبي راج اذكر لكم تجارب ناس اخرى
ولاكن لا تنسوى تجاربكم
غالياتي لكم ودي عزيزاتي في حفظ الرحمن
**************************************
وهذي اول تجربه طبعاً راح اذكر تجربتي الشخصيه انا ..انا ولاكن اذا شفت مشاركاتكم طبعا
تقول الاخت



فعلاً التفاؤل شي عجييييييب

أنا جربته والحمد لله مازلت مستمره عليه

فمرات كثيرة يكون عندي امتحان

ويبدأ الارتباك والتوترررررر
والخوف والرهههههههههبة

وتبدأ كلمات تتردد فبالي
المادة صعبة
دسمة << حليب كامل الدسم!!
...إلخ

لكن تعلمت ان هذا الكلام مابيزيدني إلا توتر وقلق

فكنت أقطع هذه العبارات السلبية

وأبدلها بعبارات و إيحاءات إيجابية

أنا ذكية
متميزة
متفوقة
..أستطيع أن أنجز ما أطمح إليه
المادة سهلة
ممتعة
مفيدة

وأبدأ أخبر نفسي عن جوانب مفيدة مضيئة من هذه المادة
حتى وإن لم تكن من تخصصي
فبعض الطلبة للأسف يتذمرون من الثقافات لأنها قد لا تمت بصلة لتخصصهم
لكن لو نظرنا للأمر من منظور إيجابي
لوجدنا أن جميع مواد الثقافات مفيدة لنا في حياتنا العامة

المهم أن أعطي نفسي إيحاءات إيجابية
وأقطع السلبية
أتفاءل
وأذكر ربي
وأتوكل عليه
وأبدأ الدراسة
وطبعاً
بعد ما أخلص الكمية اللي حددت لنفسي انجازها
أكافئ نفسي ^^

حلا..
ولا آخذ لفة بالبيت وأغير جو
ولا ,, ألاحق الدجاج !!! يعني مب مطاردة بس والله انهن خربن الزراعة عندنا.. يعني أطلع أبعدهن شوي عن الريحان والنعناع واعطيهن أكلهن الخاص..<< تحول البيت عزبة!!


أصمم بالكمبيوتر ,, وغيرها
وبسسسسس

وأنام بعد ماأقول الأذكار حق النوم
مع راحة البااااااااااااااااااال~
~عيشوا مع التفاؤل~
*******************
وهذي وحده ثانيه من عضوه اخرى


التّفـــــــــــــــــاؤل

و الله إنه له مفعول عجيب و سحري . . !

تشوفون يوم بالرّسوم ، الساحرة تيوّد عصاتها السحرية
و تقول آبراكاتابرا /

و عقب الشّي يتغيّر أو يتحوّل

:

كذلك أنا أبغي الكلّ من تسمعون كلمة "التفاؤل"
سيدة تغيّرون تفكيركم و حياتكم للأفضل

:

يمكن أنا عندي واااااااااااايد تجارب في الإيجابيّة و التفاءل
بس هالتّجارب كلها من النّاحية الدّراسية



:

* مب متقنة غير فنون الدّراسة /


:

صدق من قال:

تفاءل بما تهوى . . يكن




اللي يحط أي هدف فـ باله
و مقتنع فيه ، فلازم ما يغيّر هالهدف في وسط المسار

بتواجهك رياح و أعاصير سلبيّة
و لكن
لازم تواجه هالسلبيّة بـرياح قويّة مليئة بالايجابيّة و التفاؤل

و اصمد و قاوم لآخــــر لحظة

و بالاخير . . بتذوق طعم الإنجــــــــاز
و بتتأكد حينها إن التّفاؤل و الإيجابيّة
لهم سحر عجيب
،،،،،،،،،،،،،،،،،،،،،،
طبعا هذي بعض تجارب الاخرين صحيح بسيطه بس وربي التفائل رائع
لي عوده بعد ردودكم الي راح تعطر صفحتي
لكم ودي :cool: