تفاجأت ان زوجي غريب الاطوار

حبيبتي:ودي أساعدك في مشاركتك مدري مشكلتك لكن للأسف ماعرف أنقليزي ,,أفزعو يابنات البنت لفت عندنا تبي مساعده الي تعرف عنقليزي تجاوب لا تفشلونا مع العرب..

^
^

عربي هذا موب انجليزي :35:

بس بكتابه انجليزيه :35:

اني ترجمت كلامتها وحاولت افهمه ..
موضوعها ينص كالتالي ..

انا في اول سنه لي بالزواج .. تزوجت وسافرت مع زوجي فنلندا..تفاجأت ان زوجي غريب الاطوار.. يريد يعيش كل حياته بهالبلد..انا كان عندي علم انه يريد يكمل الدكتواره وماكان عندي مانع..تركت كل الدنيا ورحت وياه ..مو اهني المشكله ..المصيبه اني اكتشفت انو متزوجني بس لمجرد الزواج مو قادر يحبني .. اكتشفت انو اني " بعدين مافهمت ويش مكتوب" ... وبعدين اكتشفت ان عنده صفات غريبه .. ما يتكلم ابدا .. يتركني ساعات طويله علشان شغله ويرجع ما يتكلم .. وكذا وشرحت له .. المشكله انو انا تعبت من اسلوبك لاني مو تحفه بالبيت ..بس ماكو فايده .. سلمت حالي لرب الكون .. وقلت هذا طبعه هو هادي .. بس الزواج محتاجين لحوار علشان زواجنه ينجح .. كان دايما الحوار اللي ابديه .. هو ما يتكلم ابدا .. بعد مو مشكله .. حسيت بشوية بخل من نايحه المصروف .. بعد قلت احنا بغربه الله كريم .. دائما يقول لي انتي كسوله اطلعي لا تبقين بالبيت ..يعلمني كأني صار لي سنين بهالبلد مثله .. كنت اتوقع الغربه تهوون.. لقيت الصدر الحنون بس زوجي مع الاسف مايعرف الحنان ابدا من هو صغير .. لذلك فاقد الشي لا يعطيه .. دائما يقول لي اريد دائما حتى مكياج وفي ايام اذا ما احط مكياج ما يكلمني او يكلمني بتعالي .. هذا الشيئ يجرحني .. حتى قمت اخاف احمل وما اريد لان اذا حملت ما يطلعني وما اظمن اونو يكون على الطفل .. هذا فيه بروود.. برى البيت وداخل البيت .. انا في الثلاثين من عمري وهو 32 سنه .. ماادري شاسوي انتوا قولوا لي .. ماعندي احد اشكي له .. انا لوحدي اهني بهالبلد وماقدر اقول لأهلي علشان ما اشغل بالهم تكفوووووووووون نصحوني

شكرا ع التوضيح

اممممممم حبيبتي اول سنه زواج لازم مشاكل عادي لازم شخص غريب وهو لسه ماتعود عليك

بعدين قصه انه مايتكلم وكذا برضو عادي كذا طبع الرجال

اما حكايه الغربه سوي اللي يبغاه منك فعلا
حطي مكياج واطلعي بعد
ادخلي دوره او نادي سوي لك صداقات وجيران خصوصا عرب امممممم وخليه يحبك قد ماتقدرين وبعدها حاولي تقنعيه بالرجوع للبلد

ماادري يمكن كلامي صعب التنفيذ بس حاول اساعدك

الله يعينك يارب

اختي حتى انا بالغربة وشكل زوجك الله يسخره لك يفكر مثل كثير من الرجال هنا
يكرهون طبيعة المرءة العربية الي شغلتها شغل البيت والعيال
انصحك حاولي تقضين وقت فراغك بأشياء مفيدة خـــارج المنزل
يعني مثلا اشتركي بنادي رياضي ومثل ما قالت الاخت خطآك ضيع غلآك ادخلي دورة مثلا للكمبيوتر.....
وطبعا العلاقات ثم العلاات بالعرب ترى بلاها ماتتحملين
وعن إنه مايتكلم معك كثير اتوقع ان السبب هو طريقت تفكيركم مختلفة بحكم انه عايش بالغرب لمدة
وانا فاهمة هالشي وكثير يعانون منه
لاكن الحل برئيي يحتاجله وقت لين تتعرفين على الناس هنا واهمهم العرب وتفهمين طريقة تفكيرهم وحياتهم إيش
وإذا هو حاط في راسه مايطلع من البلد فحاولي تنسين تغيرين رئيه وتأقلمي بالعيشة هناك
لان هذا حال الشباب هنا والله يعينك