تفتيح البشرة وازاله اثار الحبوب .ابغى مساعدتكم/// قديم

رفع

اكيدحبيبتي الكريمات ماتنفع للي ترضع شوفيلك شي طبيعي اناوانانفاس اخذت خلطه للبشره من التاجره ام ريان تلاقيهابقوقل بجده هي تصفي وتفتح درجتين وماتظرالمرضع هدااللي اقدرافيدك فيه دامك ترضعين .......

يعني انتي حامل الحين ولا لا ؟؟

حبيبتي اول شي أبتعدي عن الشوكلاته و الشبسات و المقليات والدهون و الفلافل مره لاتاكلينهم فترة العلاج أوكي


هذي كلها تجيب الحبوب والبلاوي و التشققات

خذي كريم افالون للتشققات مره حلو لو جلستي تستخدميه من أول شهر بالحمل الين التاسع بطنك ماتترهل ولا يطله خط من التشققات وكويس كمان بعد الولاده لو كان فيكي وماكنتي تستخدمي شي وباي وقت تطلع التشققات لأي شخص حتى لو كانت بسبب زيادة وزن


اشتري جهاز رياضه اسمه ( أوربت تراك ) اللي بدون كرسي سعره ب 375 ريال من يو مارك مرره خطير ينحت الجسم ويشده

سوي رياضه يوميا خليها شي مهم بحياتك زي شرب المويا لاتتركينها ولا يوم و افضل وقت في الصباح

أمشي نص ساعه سوي احماء لجسمك وبعدها اطلعي ع الجهاز ولو وقفتي عليه بالعكس يكون ظهرك لوجه الجهاز هذي الطريقه تشد الجسم كله ولو سويتيه بالعكس تنحفي ويسير وزنك مثالي بس لازم توزني وتشوفي كم وزنك لانو هذا يعتبر أول علاج للتشققات لازم توصلي للوزن المثالي ضروررري وبعد ماتخلصين من الرياضه اتروشي و أستخدمي الصنفره اللي كتبتها تحت وفي طريقه حلوه تجيبي بن حق القهوه اي نوع ومويا حاره أخطيهم مع بعض وبعد ماتشطفي جسمك من الصابون أدهنيها بجسمك وسوي مساج بحركات دائريه لو كنتي دوبا ووزنك زايد ادهنيه بجسمك كلو ولو نحيفه و وزنك مثالي بس أدهنيه مكان التشققاتل بحر كات دائريه الين يحمر وبتطلع دهون هذي الدهون الزايده اللي بجسمك ومسويه التشققات <<< هذي الطريقه ما اقدر أتكلم عليها من كثر ماهي تجنننن وتدوخ مررررره خطيره تشد الجسم مرررررره وتفتح وتوحد اللون لأي مكان بالجسم ومفعولها خطير للمؤخره يعني من وراء فهمتي .. تشدها وتكوره تخليها مرفوعه لفوق و مغريه جدا وحتى اللي تبا صدرها ينشد و يصغر مره كويسه لها

أدهنيها وحركي تمام و أشطفيها بالمويا وجيبي مويا بارده من الثلاجه كبي الجك ع جسمك كله و وجهك و اطلعي من الحمام
رطبي جسمك بالكريم اللي كتبته تحت بس وجهك لاتحطين عليه البن عشان ماتروح خدودك


نبدأ بالعلاج الداخلي :



كلي بطاطس مسلوق أو مشوي بالفرن بدال المقلي

و ابعدي عن المكياج بهدي الفتره و قللي من السهر


غذي نفسك من الداخل لانو مهما سويتي ماحتلاقي نتيجه حلوه بدون ماتعالجي نفسك من الداخل بالغذاء الصحي


كل يوم في الصباح ع الريق نص كاسه مويا دافيه عليها م ك عسل أسود .. تلقينه بالسوبرماركت .

و 7 حبات حبه سوداء + كاسه عصير برتقال طازج ولو ما أتوفر الطازج لمدة يومين أو يوم فقط خذي عصير برتقال

لشركة المراعي لاتاخذين غيره لانه خالي من السكريات بس حاولي يكون الطازج متوفر كل يوم

بعد ماتاخدين هذا كله بعد ساعه أو ساعتين ابدئي أفطري بس زي ماقلنا الخرابيط أبعدي عنها و اتحملي حتى لو شفتي

البنات ياكلونها قولي بنفسك ماحد بينفعني لو أنعدمت بشرتي ..

كلي صحن سطله خضراء كل يوم ع الغداء زي ( بقدونس + نعناع + كزبره + خس + جرجير + ملعقه كبيره زعتر أخضر اللي يجي بالكيلو أفضل شي ) حركيهم تمام بدون اضافة ملح أو ليمون بس حطي نقاط زيت زيتون أصلي وحركيها تمام وكليها بالعافيه ..

ممكن قبل الغداء تاكلين فواكهه أي نوع تحبينه وقبل النوم زبادي قليل دسم ضروري حتى لو تعشيتي برا البيت لمن ترجعي خذيه

ولو تحسسين بدوخه روحي أقرب مستوصف سوي تحليل دم لو عندك نقص خلي الدكتور يوصفلك فيتامين من الصيدليه و عادي جدا مايضر لاتخافين بس هو يعتبر مكمل غذائي

الأهم خليكي ريلاكس هدي اعصابك لاتتنرفزين بسرعه وتزعلين ترى الحبوب تكثر و تزيد و اشربي شاي نعناع وحبك مرره طعمه حلو يهدي الاعصاب

ولو دهنتي شعرك حاولي ماينزل الزيت لوجهك ولو نزل أغسليه ع طول ومسحيه بالمسحات الطبيه

أشربي كل يوم فنجان شاي أخضر بعد ساعه من الغداء كويس ينشط الدوره الدمويه يكون منقوع بمويا حاره لمدة 10 دقايق لاتغلينه ع النار ابدا مو كويس أنا سمعته من دكتوره بالتلفزيون تقول أي شاي مانغليه حتى لو أسود ..

مرتين بالأسبوع أو 3 أشربي زنجبيل أخضر طازج يكون منقوع بمويا حاره

ولو تشربي 3 مرات باليوم عصير برتقال يكون افضل يعني كاسه في الصباح ع الريق وكاسه قبل الغداء وساعه قبل ماتنامي بالليل أو بعد صلاة العشاء




الحين نبدأ بالعلاج الخارجي :







1)
تروحي للعطار خدي صابونة المره معروفه المره بس أنتبهي ( لو كنتي حامل لاتستخدميها لانها منشط للرحم يعني يسقط الجنين ) ولو مو حامل أستخدميها كمان خذي صابونة االغار الأصليه شكلها مربع و تكون من دون كرتون ومكتوب عليها حلب يعني العطارين يجيبونها من سوريا أو الأردن لاتاخذين غيرها دوريلها بكل العطارين و الأسواق الشعبيه ولو كنتي بجده حقولك وين تنباع ؟؟

أتروشي مرتين باليوم أول مره استخدمي صابونة المره في الصباح بعد الرياضه و في الليل قبل ماتنامي أتروشي و استخدمي صابونة الغار طبعا كلهم لوجهك وجسمك


2)
جيبي صنفرة كاب + ملح الحليب أي نوع + 1 م ص كركم أخلطيهم مع بعض أوكي

3)

جيبي من العطار ترمس مطحون

4)
جيبي من العطار عشبة الصندل ترى ريحتها مره حلوه


نبدأ الطريقه :


قبل ماتنامي في الليل خذي فنجان الشاي ترمس مطحون حطيه بعلبه أنا أحطه بعلبه بلاستيك المستطيله اللي يبيعو فيها العريكه و الجبن والزيتون فهمتي مهم وعبيها مويا وغطيها خليه يتنقع طول الليل في الثلاجه عشان مايخرب ويبرد ع بشرتك وتكون النتيجه اسرع



أول ماتصحين من النوم غسلي وجهك وجسمك بصابونة المره وليفة بودي شوب القفاز بس الحين غسلي بالصابون لحاله ولمن تروح الحبوب أبدئي في استخدام الليفه القفاز أوكي

بعد ماتشطفين بالصابون خذي من الصنفره وأنتبهي تبللينها بمويا أمسحي جسمك كله و ابدئي فركي بيدك بحركات دائريه برقه وبهدوء و أشطفيها و آخر شي حطي بوجهك و افركي و بسرعه أشطفيه بالمويا فقط

افركي بهدوء ونعومه


بعدها جيبي العلبه من الثلاجه و أفتحيها وحركي الترمس وخدي بِـٍـٍ??سَِّ موية الترمس يعني لاتحركينه بيدك المويه مسحيه ع جسمك كله و وجهك خليه بجسمك و أطلعي من الحمام لاتغسلينه و رطبي جسمك بلوشن غير معطر و آمن و أفضل مرطب للجسم والوجه اللي كتبته تحت

ولو تصفين الترمس وتخلينو بالعلبه لحأله ‏?مـْْ?ـْْن دون المطحون يكون أفضل طبعا بعـْْ?ـْْد التنقيع

أستخدمي الصنفره بس 3 أيام بالأسبوع و عشبة الصندل 3 مرات بالأسبوع يعني يوم تكون الصنفره وثاني يوم عشبة الصنل فهمتي عليا

الصابون و الترمس يوميا لاتتركينهم

و الترطيب بالكريم يوميا لجسمك و وجهك بالمرطب اللي كتبته تحت


بعد ماتشطفي جسمك بالصابون والمويا جيبي عشبة الصندل أخلطيها مع زبادي شوفي الكميه اللي تناسبك بس زبادي قليل دسم أوكي و حطيها بجسمك زي الماسك خليها شويات لمن تبدأتنشف أفركيها بحركات دائريه و أشطفيها بالمويا هذي الطريقه تكون قبل الترمس و يكون الترمس بعد ماتشطفين من الصنفره

أمسحي بمسحات طبيه عشان تعقمي بشرة وجهك وكل ماعرق وجهك أمسحي بالمسحات بتشوفين يطلع سواد من وجهك و وسخ لاتخافين شي طبيعي تيب .. أشتري كرتون وخليه بدولابك ونصه بالشنطه لو كنتي برا البيت

وغسلي وجهك بالصابون كمان قبل ماتنامي غسلي وجهك بالصابون ومويا دافيه مملحه من الغلايه تكون الحراره تقريبا زي لمن نشرب الحليب وهو ساخن شويا ونامي يعني حطي ملعقه ضغيره ملح بالمويا هذي الطريقه تمنع الحبوب وتعقم الوجه

كل يوم أستمري ع هذا النظام وبتشوفين بشره صاااافيه وموحده ومشدووووده ونعومه مثل الأطفال والكل بيغار من حلاوتك حتى زوجك ماراح يصدق انو انتي مره حينبسط وانتي نفسيتك بتتغير مرره للأحسن بس ياحلوه خليكي قويه وعندك اراده لاتتكاسلين وكل ماحسيتي بملل وطفش لاتقولين مابستمر ع النظام لا قومي عوذي من الشيطان وكملي اهتمامك في بشرتك

سوي حمام مغربي مره في الاسبوع ( لو تبي الطريقه قوليلي أخذتها من وحده مغربيه هنا بالمنتدى مررررره خطيره )


وبعد صلاة المغرب و الفجر و وقت الخروج لأي مكان حتى لو السوق أو السوبر ماركت حصني نفسك لااااااااااااتنسين ضروري و امسحي ع وجهك وطول الوقت امسكي العدا بيدك و استغفري حتى و انتي تطبخين استغفري

ولاتلمسين وجهك بأصابعك أبدا مو كويس عشان ماتتلوث الحبوب تيب حبيبتي


كل ماحسيتي بالجوع كلي جزر و خيار كثير و اشربي 8 كاسات مويا باليوم و أقل شي 6 كاسات

هذا كله من تجربتي لمن كان وجهي وجسمي معدومين بالحبوب زيك أيام زمااان


هذي فوائد الاغراض السابقه :


الصنفره حتنظف وجهك وتزيل النقط السوداء و البقع وآثار الحبوب و تفتح اللون ومع الاستمرار بتفتح وجهك و جسمك وتوحد اللون

صابونة الغار تصفي الوجه وتبعد الدهون عن وجهك خصوصا لو كانت بشرتك دهنيه او مختلطه

صابونة المره تصفي الوجه وتعطي نظاره وتمنع الحبوب وتشد الجسم والمنطقه الحساسه وتمنع الافرازات والروائح و الحبوب وتشدها مرررره كمان كويسه بفترة النفاس

عشبة الصندل تزيل ىثار الحروق و الجروح و آثار الحبوب بأي مكان بجسمك حتى لو كانت قديمه الآثار لها سنين طبعا مع الاستمرار أنا جلست عليها سنتين وربي الحروق أختفت

السلطه الخضراء غنيه بالحديد و الفيتامينات طبعا تصفي الدم و الوجه وتعطيه نظاره وصحه لجسمك والجرجير يكثر الحليب بالصدر يعني لو كنتي ترضعين مره كويس

العسل و المويا الدافيه كويسين لفقر الدم و ينظف المعده ع الريق و اقتداء بالرسول عليه الصلاة و السلام

الحبه السوداء تحمي من الأمراض و اقتداء بالرسول عليه الصلاة و السلام

الخيار يصفي البشره وكويس للكلى كانك شربتي مويا


الترمس مقشر طبيعي للبشره و يبعد الحبوب و الكلف ويؤخر نمو الشعر بعد النتف بالحلاوه و يفتح البشره ويشدها

الجزر يوجد في فيتامين أ مفيد للبشره ويؤجل الشيخوخه مايخلي البشره تتجعد

أستمري طول حياتك ع هذا النظام وعمرك مابتشتكين من حبوب و خرابيط ولمن تجيكي الدوره أستمري ع نفس البرنامج

بس لاتشربين عصير برتقال و تاكلين فواكهه ولاتستخدمين الصنفره و باقي الأغراض استمري فيها ولمن تطهرين من

الدوره أرجعي كملي بنفس النظام

لانه الحوامض و السكريات مو كويسه فترة الدوره تحبس الدم وتسبب مغص وحتى الخيار ابعدي عنه أيام الدوره و ابعدي عن البهارات و القهوه و الشاي و الموالح و أي مشروب بارد أو مثلج والآي اسكريم و الملوخيه والحبحب و الموز والباميه و المانجو و العصيرات لانها كلها تعسر الدم وماينزل بسوله وحتى لو طهرتي يبقى دم داخل متجمد ويجيب الأمراض


اي وقت تدخلين الحمام غسلي المنطقه وجففيها تمام بالمنشفه خذي مناشف صغيره لون أبيض تجيكي مربوطه مع بعض وسعرها رخيص كل يوم أستخدمي منشفه بس غسليهم لوحدهم مو مع الملابس

بعد ماتجففين مسحي بكريم ( سودو ) حق الأطفال اللي يستخدموه مع الحفايض مره كويس يمنع الالتهابات ومايسبب سواد كمان أيام الدوره مره كويس

ودايما رطبي جسمك ب ( جلسوليد القديم اللي علبته وسط + كريم افالون للتبيض ) طبعا الخلطه هذي توحد لون الجسم كله و تفتحه وترجع الجسم للونه الطبيعي يعني مايكون في تبيض مره مافي تبيض و مبالغه زايده بس لون للبشره الطبيعي ومايضر الحامل ابدا لانه مكوناته جدا طبيعيه ومافيها كرتزيون ومفعوله بطئ وكثير دكاتره يوصفوه للحريم بفترة الحمل عشان جسمهم يتوحد أو بشرة وجههم ومايكون فيها حبوب أنا ليا 3 سنين استخدمو والحمدلله مافيني الا العافيه ركزي الكريم اسمه افالون ونفس الشركه اسمها افالون لانو في منه للحبوب وفي مقشر و الاسامي قريبه من بعض ومن نفس الشركه هذي ( أفالون ) بس أنا اقصد المبيض كمان أمسحي ع وجهك منه بس مسحه خفيفه مايكون كثير

قبل مأترطبي جسمك أذهني بكريم التشققات وبعدو حطي المرطب هذا وحتى لمن تحطي الجلسرين وموية الورد قبل ماتحطيه حظي الكريم وبعدو الجلسرين كمان الجلسرين مرررره ممتاز للتشققات

كمان كريم أفالون اللي مع الجلسوليد في حمايه ‏مـْْ?ـْْن الشمس للوجه والجسم

طريقة الجلسرين أخذتها ‏?مـْْ?ـْْن خبيرة التجميل الطبيعي في النت

وأنا بشرتي دهنيه بِـٍـٍ??سَِّ الحمدلله ماشاء الله مره نظيفه وصافيه وربي كل اللي كتبتو ‏?مـْْ?ـْْن تجربتي حتئ حق التشققات والجهاز كمان عندي واستخدمه

أنا أستخدم الجلسوليد مره في اليوم لاني أتروش مرتين باليوم يعني في الصباح بعد ما أتروش بعد الرياضه أدهن جسمي منه الين الليل قبل ما أنام في الليل أتروش و أدهن جسمي ب ( جلسرين سائل زي الزيت + موية ورد اصليه ) أجيب علبه بخاخ فاضيه اغسلها و اعقمها بعدين أعبي نصها موية ورد وأقل ‏?مـْْ?ـْْن النص جلسرين و أرجها يعني أخضها أو أحركها المهم و أبخ ع جسمي شويا و أمسحه بيدي عشان مايسير جسمي مدهن يعني بس مسحات خفيفه وتتشربه البشره احط بالمنطقه الحساسه و الابط بس ما أحط مزيل قبل النوم كمان بس ألبس قميص ‏?مـْْ?ـْْن دون كلوت ولا سنتيانه ابدا عشان المنطقه تتهوى شويا وماتطلع أي ريحه مني بس في الصباح بعد الترويش احط مزيل عرق من بيزلين طبي ومايضر مكوناته طبيعيه من الصيدليه في أنواع بس أنا استخدم اللي مرسوم عليه زي مكعبات الثلج لونها ازرق والكرتون ابيض يجلس فتره طويله ومايخلص ويفتح مررره ومايسبب حساسيه

وحطي بخاخ الجلسرين وموية الورد بالثلاجه بس وقت الاستخدام طلعيه أستخدميه ورجعيه الثلاجه


كل شويا اسوي تعديل وافتكر حاجه واكتبها الين أبويا قفل الشبكه يحسبني نايمه و رحت فتحت بالجوال
????????????????????????????



استخدمي لشفايفك كل يوم مرطب لأبيلو بالفراوله 24 ساعه خليكي عليه ولمن تصنفري وجهك بالصنفره حطيها ع شفائفك وصنفريها بتطلع ورديه وناااعمه

‏???صـ?ـح نسيت إقولك حاجه تخلي رموشك كأنها تركيبه تجيبي كحل آثمد ‏?مـْْ?ـْْن العطار اصلي ولونه بني فاتح وتجيبي البذر حق التمر اللي تجي داخله تحمسيها الين تسير سوده وتدقيها بالهاوند بعدين تطحنيها تمام وتجيبي مقادير متساويه ‏?مـْْ?ـْْن الإثمد ومطحون البذره أخلطيهم مع بعض وعبيه بعلبة الكحل حق زمان الحديد واكحلي كل يوم في الصباح والعصر وفي الليل قبل ماتنامي وربي نظرك يسير مررره قوي ورموشك غزيره وطويله وسووووده كأنها لون مسكره تراه كويس مايضر وطبيعي ويرجع النظر لأي شخص يلبس نظاره لو استمر عليه بقدرة ربنا بيرمي النظاره للأبد وحتى ينفع للرجال

علبة الكحل تلاقيها عند ابو ريالين خديها وكبي الكحل اللي فيها بالزباله وعبيها بحقك الكحل وتقدري تحطي الكحل بأي علبه وبس تدخلي الميل اللي هو العود الحديد اللي يكحلو في العين وتكحلي وتنفع للأطفال ممكن تسويها لبنتك و ولدك حتئ المولود وربي بتسير عيونه واااسعه وملفته ورموشه غزيره مررره وطويله

اليوم مررره أتأخرت مانمت بدري كان عندي ضيوف و إتاخرو يلا
???????????
تصبحي ع خير
و اي شي تبيه من عنوني ..

حبيبتي دوبي أفتكرت حاجه كمان انا أسوي عصير شمندر مع البرتقال يعني نص الكاسه شمندر ونصها برتقال

الشمندر هذا نوع من الخضار تلاقيه في بنده و الدانوب تجيبيها وتعصريها بعصارة الجزر

مررره حلوه تورد البشره وحتى لمن تضحكين وجهك يحمر وتورد الشفايف كمان تخلي البشره صافيه .ي وقت تغلسلين يدك رطبيها بالجلسوليد وكمان بعد الوضوء رطبي يدك ورجولك بالجلسوليد

معليش كثرت كلام بس وربي أبا أساعدك بصدق وامانه .