انا انخطبت ٥ مرات وكل مرة تتفركش
واخر مرة من ايام بعد الشوفة تردد العريس وتفركشت القصة والحمد لله
راااااضية بقضاء الله وحكمه لاني عمري ما تعرفت ع احد بعلاقات او غيره ومفوضة وموكله امري لخالقها امنت بيهوصدقت بقوله تبارك وتعالى:-
( ومن يتوكل على الله فهو حسبه ان الله بالغ امره قد جعل الله لكل شيء قدرا) 

ي رب تكتبلي النصيب قريب ياااارب ادعووولي بظهر الغيب ان قلم شاعره تتزوج يااااارب

استغفر الله اللذي لااله الا هو الحي القيوووووم واتوب اليه

أنا إنخطبت 4 مرات وإتفركشت كل خطوباتي وبعد سماع الرقيه تبين بأن عندي مس ..

الحمدلله على كل حال

منقولة ... حسيت انها قصة تناسب هذا الموضوع

دخلت المحتارة النهاردة ولقيت بنات كتيراتفسخت خطوباتهم او الجوازة باظت قبل شهور من الزفاف

وكانوا زعلانين وخلوني عيطت معاهم

وكان لازم احكي لكم الحكاية دي

فيها امل لكل بنت فشل مشروع ارتباطها وانها بلاش تتضايق وادام مظلومة تسلم امرها لله

حتي لو انتي اللي فسختي الخطوبة ادام مظلومة متقلقيش

نصيبك جاي جاي بس في وقته

الحكاية دي لبنت زيكم بالظبط ارتبطت بخطيبها خطوبة تقليدية وكتبوا الكتاب وحياتهم ممكن تقولوا سعيدة

كتبوا الكتاب وكانوا بيشتروا العفش وخلاص فاضل علي الزواج شهر ونص

البنت اكتشفت بعد كتب الكتاب ان العريس فيه عيب خطير

الغيرة والشك وبطريقة مرضية

وفي نفس الوقت التزامه خارجي لكن الله اعلم باللي جواه

يقولها متكلميش زمايلك في الشغل وهو بيكلم زمايله الستات اللي في الشغل وحاطههم علي الفيس بووك وهزار وضحك

كأن العيب والحرام للستات بس مش للستات والرجالة

وقفلت منه بجدوبلغت ماماتها واخواتها

ماماتها انهارت وكان فاضل علي الزواج مدة بسيطة واخواتها حاولوا يرجعوها عن اللي في دماغها

وبقوا خايفين ان ارتباطها يتاخر بعد كده

باباها بس اللي وقف جنبها وقالهم انا عايش لها النهاردة

بس بعد كده محدش هيكون معاها سيبوها براحتها

وطلبت الطلاق مع ان الكل قالها لا وكان ردها دلوقتي احسن ما اتطلق بعد كده ونظلم اطفال معانا

انا مسئوله عن قراري وربنا يعوضني خير

وطبعا اتطلقت منه واتكتب في القسيمة مطلقة قبل الدخول وكل زمايلها خوفوها وقالوا لها ممكن تحبي شخص ويسيبك اول ما يعرف كده

وماماتها تطلع الجهاز والمفارش وحاجتها وتعيط والموضوع كان درامي اوي

هي كانت زعلانه عشان ماماتها وزعلها لكن مقتنعة باللي عملته


وبعد اسبوع كان قاعدة في الشغل لقت زميل في قسم تاني ومتفوق في شغله جدا وانسان محترم اوي

فوجئت بيه بيقولها خير قلعتي الدبله ليه(بيفتح كلام قال يعني مش عارف)

قالت له محصلش نصيب

قالها ممكن اطلب منك رقم والدك عشان اتفق علي ميعاد ازوركم فيه

مستوعبتش الكلمة وسالته عن السبب

قالهاحبيتك من اول يوم شفتك فيه واول ما عرفت انك مكتوب كتابك زعلت

واول ما عرفت انك انفصلتي كان لازم اصارحك بشعوري واتقدم لك

قالت له قبل ما تيجيي البيت لازم اهلك يعرفوا ظروفي

قالهااختي مرت بنفس الموضوع ومعندناش مشاكل في الجزئية دي وانا معجب من زمان بشخصيتك واخلاقك(خدوا بالكم اتقدم لها علي طول)

واكتشفت بعد ارتباطها بيه انه حب عمرها والشخص فعلا اللي يستاهل تكمل حياتها مغاه

ادعيلهم بالسعادة يا بنات

وبقول لكل بنت كانت مخطوبة او مكتوب كتابها ومحصلش نصيب متزعليش نصيبك لسه مجاش

وكل واحدة فينا بتتجوز جوزها يا بنات

يوم ما الخطوبة تتفسخ اعرفي انه مش نصيبك وربنا يمكن بيبعد عنك شر وانتي مش حاسة

(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ)


يوم ما طبع خطيبك مش بيناسبك يبقي لازم الانفصال بدل حياة زوجيه تعيسة

الخطوبة اصلا عشان نعرف الطباع متوافقة ولا لا وثقي ان ربنا شايل ليكي السعادةوهيفرح قلبك

بس فوضي امرك لله
اوعي في يوم تتجوزي واحد وطباعكم مش مناسبة عشان خايفة ان ميجيش حد تاني او سنك يكبر او ان الناس تكلم

الناس دي وكلامهم مش هيفيدك لو عشتي في زعل وضيق

الظلم مش في انك ترفضي العريس الظلم لنفسك انك تقبلي العريس من غير اي قبول شخصي

واوعي تقبلي بالخاين او الشكاك ملهموش علاج

الله ييسر لبنات المسلمين الازواج الصالحة وينعم عليهم جميعا بالذرية

^^^ 

ربنا يسعدهم ، قصة حلوووة

بنات انا عمتي كانت بتنخطب كثير وكل مرة يطلع عذر تفركش بيه الخطوبه لحد ما وصل عمرها 37 سنة. تزوجت عمتي اللي اصغر منها وفضلت سنوات لحد ما تقدم لها شخص اصغر منها باربع سنوات وافقت عليه -> سبحان الله نصيبها كان ماشاء الله 
رجال يحبها و يحترمها و عندهم بنوووته حلوووه و مبسوطين الله يتمم عليهم افراحهم