تفركشت خطوبتي خايييفة تكون امي هي السبب

موكثير ادقق على العين الله يحمينا منها حتى الاذكار مب محافظة عليها لان اقول اذا الله بيحميني ماحد يقدر يضرني
والله تصير لنا امور غريبة من سنوات توني بديت ادقق فيها
امي الله يصلحها كل شي تقوله للناس وتعرفون الحريم بسرررررعة تتنتشر عندهم الاخبار
والاقارب مركزين على حياتنا بشكل كبيييييير لان ابوي الله معطيه خيير
نكون مقررين نسافر ونحجز وتقوم تقول لخالاتي وحريم خوالي تالي ينتشر الخبر عند الكل ونجهز شنطنا ونحجز التذاكر وان كان باقي على السفر كم يوم تتكنسل السفرة في ظروف غامضة مب مرة ولامرتين والله اكثر من مرره

ضليت سنوات مانخطب تالي قمت انخطب حتى مابعد يجووون امي انشرت الخبر
وكل مرة يحددون موعد تصير ظروف ويخترب كل شي مب خاطب
ثلاثة وكلهم بس كلام بيجون ويحددون موعد وعلى اخر وقت يدقون يعتذرون ولااحد منهم يجي وتخيلوا موقفي وقتها قمة الاحراج
الاصار وشككني ان الوضع مب طبيعي ان مرة واحد منهم اهله قالوا بيجون وماقلت لاامي علشان ماتنشر الخبر تكتمت على الوضع وماخليت احد يعرف وقلت لها قبل مايجون بساعتين كنت انتظر اتصال منهم اما يعتذرون او صدق يجون
في الوقت المحدد بالضبط كانوا جالسين في بيتنا !!
يافرحة ماتمت من طلعوا من بيتنا وامي قامت تدق وتقول للاقارب ليومكم لاحس ولاخبر

كيف اخلي امي ماتقول اخبارنا للناس والله تعبنا معها ابوي تعب وهو يقول لها لاتقولين فصار يخش اخباره عنها ومايقول الااذا الشي صار والله غصب عني صرت مثله جات لي وظيفة وماقلت لها اكون مقررة على حاجة ومااقول لها ادري انها امي بس تعبنا من تعرف الخبر تقوله وتتعسر امورنا والله العظيم مااكذب عليكم سنوات واحنا امورنا متعسرة بشكل عجيب
خالاتي وحريم خوالي امورهم بالخش والدس ان كانت وظيفة او دراسة او حمل او زواج مايقولون الااذا صار حتى بناتهم مانعرف انهم انخطبوا الاوقت الملكة
رصيدي في البنك علمت الناس عنه ماعندنا خصوصية في البيت كل الناس تعرف الي يصير فيه
كلمناها وكلمها ابووووي وبدون فايده