بسم الله الرحمن الرحيم
بمناسب قرب شهر رمضان المبارك أقدم التهاني للجميع ...اللهم بلغنا رمضان والجميع بصحه وعافيه
ومثل ما إنتوا عارفين شهر الخير ..شهر عباده ولابد من إستغلاله بالعبادات وعدم ضياع الوقت بالطبخ والنفخ .............لذا راح أقدم لكم طريقتي في تفريز بعض المأكولات ....وطبعا التفريز يبدأ قبل رمضان بإسبوع ........وراح أبدأ بطريق تفريز حبيب الكل ...( ورق العنب ) وهالطريقة مجربه وروعه
بسم الله نبدأ
أولا أنا أكتشفت مكان يبيع ورق العنب بكميه كبيره وبثمن أقل وعادة يشترون المطاعم من عندهم ....يعني أوفر لك من العلب الصغيره ويجلس معاك فتره أكبر وهذي صورة ورق العنب وسعرها بس (75ريال )وإذا تبين المكان راح أدلك
المهم ....والزبده .....تعملين الحشوه وبعدين تاخذين ورق العنب من العلبه بعد ماتلبسين قفازات بلاستيكيه عشان تحافظين على الوق مايخترب مع اللمس وتغسلينه بمويه عشان تروح المواد الحافظه منه والملوحه ..........وتبدأين اللف ....وأنا سويت كميه مو عشان تفريز لأني لسا مابدأت ولكن عشان الإجازه والطلعات ووو....الخ بس حبيت أنزل لكم الطريقة عشان تستفيدون ..........وخليكم مع الصور
هذي صور الورق الملفوف
وبعدين نرصه بورق قصدير بهالطريقه
بعدين نغلفه بالقصدير مثل الصوره
بعدين ندخله بالفريزر مباشره
وأنا مفرزه من قبل حمص تشوفونه بالفريزر وطريقة تفريزه بهالشكل (نجيب حمص حب ونغسله أكثر من مره وبعدين
نغطيه بالمويه ونتركه عشر ساعات وكل خمس ساعات نغير المويه وبعدين نشخله من المويه ونحطه بقدر الضغط عشر دقايق وبعدين نصفيه من المويه ونتركه لحد مايبرد وبعدين نحطه بأكياس لحمه
وبالنسبه لورق العنب إذا تبين تسوينه .....تحطين مويه ساخنه بقدر الضغط وتحطين مرقة ماجي حسب كميه المويه ...فإذا الكميه كثيره أحط أربع مكعبات وإذا قليله أحط مكعبين ...وأحط دبس رمان وشويه زيت وليمونه مقطعه شرايح ......بعدين نطلع ورق العنب المفرز ونخرمه بشوكه أوسكين من كل الجوانب ونحطه في قدر الضغط ونتركه من عشر دقايق الى ثلث ساعه حسب سماكةورق العنب ....
بعدين نشخله بالمشخل
ثم نقلب المشخل بصحن بهالشكل
بعدين نقدمه وبالهناء والعافيه
تابعوني وراح أنزل أي شي أفرزه لرمضان ..........دعواتكم
متابعين وبحماس بعد