السلام عليكم و رحمة الله و بركاته
يا حلوات .. انا من سنتين تقريباً تعلمت منكم طريقة تفريز الثوم
الصراحة الله يجزاها الف خير اللي علمتني عليها .. ريحتني من ريحة الثوم .. و غسيل فرامة الثوم ..
صرت كل فترة شهرين او اكثر ( حسب شطارتي بالطبخ ) اشتري كيس ثوم و افرمه و افرزنه .. و هذي طريقتي فيه .. طبعاً تعلمتها منكم .. و حبيت اعيدها للفائدة ...
و على فكرة .. ترا ماحطيت اسمي على الصور لاني مايهمني لو تم نقلها ... بس ياليت تدعون لي ربي يسهل نقلي لمدرسة قريبة لبيتي و يسهل حملي ... :)
اول شي تقشرين الثوم زييين ... و تغسلينه و تتركينه يجف ...
و تحطينه في فرامة البقدونس او اي فرامة مناسبة عندك .. بس الخلاط الكاس ( خلاط الطماط ) ماينفع ..
و حطي عليه شوية زيت زيتون .. بس عشان يتحرك الثوم و ينهرس و ينفغص ...
هذا جهازي اللي استعملته .. من مولينكس ..
و هنا شكل الثوم بعد الهرس .. و تقدرين تزيدين هرس .. بس كذا كويس بالنسبة لي ..
هذا شكل و حجم الكيس اللي استعملته .. رقم ستة .. صغير ... من سانيتا
حطي ملعقتين صغار مليانات ثوم بوسط الكيس .. و حبيت اصور لكم الكيس مع الملعقة عشان تعرفون حجم الكيس ..
حركيه بيديك لين يصير متواسي و حاولي تضغطين لين يصير نفس الحجم .. تقريبا اصبعين الى ثلاث اصابع عرضها ..
و نصييييييييحة .. لا تحطينها بكيس و تعبينه .. ترا بتتعبين بتكسيره ... و ماراح تقدرين تاخذين الحجم اللي تبين بس بهالطريقة بيكون تكسيرها سهل .. :)
و اخيراً لفيه زين و بدون ربط احسن .. و دخليه في علبة . محكمة الاغلاق عشان مايخيس فريزرك .. يعني تقدرين تجيبين مثل هالعلبة حقتي من ايكيا ... و تقدرين تستخدمين علب التمر الصغيرة ...
و اخيراً .. اتمنى انه يكون اعجبكم الموضوع .. :)
و لا تنسون جميعاً تدعون لي ولو بسركم ان ربي يسهل نقلي لمدرسة قريبة لاني تعبت من المشوار ... ساعة رايح ساعة راجعة ... لدرجة اني اخذت استثنائي و انا علي قرض و التزامات كله من الارهاق ....
و لكم جزيل الشكر على مروركم ..:26:
و لا تنسوون تغسلون ايدينكم بصابون و ليمون ... و السطح اللي اشتغلتوا عليه ولا المطبخ بيصير ريحته فواااحة ..
والله يسهل عليكي وتنقلي مدرسة قريب منك ويسر لك امرك